4 Contoh Cerita Pengalaman Bahasa Jawa Pribadi Singkat Berbagai Tema Menarik
4 Contoh Cerita Pengalaman Bahasa Jawa Pribadi Singkat Berbagai Tema Menarik – Salah satu tugas yang sering diberikan guru bahasa Jawa saat ulangan harian adalah membuat cerita pengalaman pribadi dengan menggunakan bahasa Jawa.
Sebenarnya untuk mengerjakan tugas ini bisa dikatakan mudah. Kamu hanya perlu jujur menuliskan kejadian apa saja yang pernah kamu alami.
Tips Menulis Cerita Pengalaman
Daftar Isi
Daftar Isi
Kamu dapat menuliskan pengalamanmu pertama kali masuk sekolah atau pengalamanmu saat berwisata ke suatu tempat bersama teman-temanmu.
Selain harus jujur dengan diri sendiri. Hal lain yang harus kamu perhatikan adalah tata cara penulisannya. Supaya tugasmu mendapat nilai yang baik.
Cerita yang kamu tuliskan harus sesuai dengan kaidah penulisan bahasa Jawa. Supaya kamu mendapat gambaran yang jelas mengenai bagaimana cara menulis pengalam pribadi berbahasa Jawa yang baik.
Kamu dapat membaca contoh cerita pengalaman bahasa Jawa pribadi di bawah ini.
Contoh Cerita Pengalaman Bahasa Jawa Pribadi
Contoh Cerita Pengalaman Bahasa Jawa Pribadi 1
1. Diganggu Lelembut
Watara 2 wulanan kepungkur, aku entuk undangan saka salah siji intansi pamrentah kang ana ing Surabaya. Ing undangan kuwi aku dikongkon kudu wis teka ing kantore watara jam wolu esuk.
Sarehne jarak antara Surabaya lan Tulungagung lumayan adoh. Wusanane aku budhal nekani undangan kuwi kanthi numpak bus.
Kira-kira jam setengah papat esuk, aku budhal saka ngomah menyang terminal kanthi montoran. Wiwitane lancar-lancar wae, nanging udakara 3 kilometer saka omahku. Dalan menyang terminal ditutup merga ana wong sing duwe gawe.
Merga saka kuwi, aku golek dalan alternatif. Gandhenge isih anyar liwat dalan kuwi. Wusanane aku nganggo GPS ing hp-ku.
Wiwitane ora ana sing aneh. Kabeh katon aman-aman wae. Nanging suwe-suwe dalan sing dakliwati krasa medeni. Apa maneh nalika sinyal hp-ku ilang. Aku sempet bingung lan ngrasa wedi.
Jalaran wit-witan ing kiwa tengenku malih katon gedhi-gedhi. Persis wit-witan sing ana ing alas ngono kae.
Ngalami kahanan kaya mangkono sabisa-bisane aku nyoba tenang lan wiwit maca donga sing dakapali. Kahanan ing wektu kuwi sepi banget.
Babar pisan ora ana wong liwat lan omah pendhudhuk adoh saka dalan. Untunge, ora suwe saka kuwi, ana swara adzan saka sawijining masjid.
Embuh kuwi dayane swara adzan apa piye, aku kurang paham. Nanging, sing cetha samungkure swara adzan kuwi keprungu sinyal ing hp-ku bali maneh. Lan sing paling aneh. Wit-witan sing gedhe mau kaya ilang sanalika.
Sawise kuwi aku banjur nurut apa jarene gps. Lan alhamdulillah wusanane aku bisa nemokake dalan utama. Ing kalodhangan kuwi aku lagi kelingan.
Biyen ana sing ngandhani supaya ora nindakake perjalanan sadurunge keprungu adzan subuh. Merga dipercaya kadhang ana lelembut jail sing sok mblasukake manungsa.
Aku banget ngucapake matur nuwun marang Gusti Allah merga ing wektu kuwi isih diwenehi slamet saka embuh bangsa apa sing nyebabake aku keblasuk.
Contoh Cerita Pengalaman Bahasa Jawa Pribadi 2
2. Cahya Nyalawadi
Wengi kuwi aku mung teturon ing kost merga ora ana kegiyatan. Watara jam sanga bengi, aku ditelpon kancaku kanggo ziarah menyang sawijining makam tuwa kang dipercaya makame Sultan Hadiwijaya alias Jaka Tingkir.
Merga bosen ing kosan terus. Sidane pangajake kancaku kuwi daksanggupi. Kira-kira setengah sepuluh bengi. Aku tekan daleme kancaku. Tekan kono jebule wis akeh pawongan sing padha arep melu ziarah.
Watara jam sepuluh bengi. Aku, sarombongan budhal ziarah. Makam tuwa sing dipercaya makame Sultan Hadiwijaya iki manggon ing Sukoharjo, Jawa Tengah.
Aku gelem melu ziarah iki saliyane kanggo ngilangi rasa bosen. Uga merga kepengin ngilangi rasa penasaran. Jalaran sasuwene iki sing dakngerteni makame Sultan Hadiwijaya iki ana ing wewengkon Sragen, Jawa Tenah.
Ing satengahe perjalanan, ana kanca ing rombongan kang sambat luwe. Sidane aku lan sarombongan mampir ing sawijining angkringan kanggo ngisi weteng dhisik.
Sawise wareg aku lan rombongan banjur nerusake laku. Kira-kira setengah jam candhake. Aku wis tekan ing papan tujuan.
Makam sing dipercaya makame Sultan Hadiwijaya iki sajak ora krumat, senajan manggone ing cedhak masjid.
Cekake, aku lan kanca-kanca wiwit ndedonga. Kira-kira setengah jam candhake. Aku wis rampung anggonku ndedonga.
Nalika kuwi aku meruh akeh banget cahya sing mlaku-mlaku. Pikirku wektu kuwi cahya sing daksawang mujudake cahya saka kendaraan.
Watara jam rolas bengi. Adicara ziarah rampung. Aku lan rombongan bali menyang omahe dhewe-dhewe.
Rong dina candhake, aku kepengin motret makam tuwa kasebut. Aku mrono dikancani karo salah siji kancaku.
Sawise motret makam. Aku banjur jumangkah menyang mburi makam. Kiraku yen mburi makam kuwi dalane apik. Saengga akeh banget motor kang liwat.
Saiba kagetku bareng ngerti yen mburi makam kuwi jebule kali kang kapetung gedhe lan wektu kuwi ngepasi asat.
Sanalika aku lemes lan tuwuh pitakon. Cahya sing wingi dakweruhi kuwi cahyane apa? Pitakon kuwi sing tekan saiki durung pikantuk wangsulan.
Contoh Cerita Pengalaman Bahasa Jawa Pribadi 3
3. Rejeki Nomplok
Dina kuwi wiwit esuk nganti tekan sore udane ora gelem leren. Sarehne durung bayaran lan dhuwit ing dompet mung kari limang ewu.
Kanggo nyuda rasa luwe, penginku tuku energen wae. Apese dina kuwi energen ing tokone bu kos wis entek.
Merga energen entek, aku pengin tuku mie. Apese maneh wektu kuwi mie ya melu entek. Ing wektu kuwi ing warunge bu kosa mung ana bangsane permen, coklat, lan milna bubur bayi sasetan.
Sarehne ora ana pilihan liya sing bisa kanggo nyuda rasa luwe. Sidane aku tuku milna bubur bayi kanggo ganjel weteng.
Merga udane isih wae deres lan transferan durung mudhun. Aku banjur mbacutake turu. Watara jam telu sore. Lawang kosku didhodhog.
Aku banjur tangi lan mbukak lawang. Jebul sing ndhodhog lawang kuwi tanggaku kos. Wektu kuwi dheweke takon, “Mas, gelem entuk dhuwit ora?”
Mesthi wae pitakon kuwi dakwangsuli, “Gelem, Mas. Gek sapa wong sing ora gelem dhuwit.”
“Yen, gelem dhuwit. Ayo saiki nyurung mobil! Kae ing lapangan ana mobil sing keblegong.”
Senajan wektu kuwi udane lumayan deres. Merga dijanjeni bakal entuk dhuwit. Wusanane aku adus udan kanggo nyurung mobil sing keblegong ing lapangan kang manggon ing ngarep kos.
Wektu nyurung kuwi. Aku dadi ngerti yen mobil sing keblegong kuwi mujudake mobile pelanggan swike cedhak kosan.
Cekake, mobil bisa ditulungi. Minangka tandha matur nuwune. Sing duwe mobil banjur ngelungi dhuwit 50 ewu menyang kancaku.
Sawise mobile ngalih. Aku lan kancaku bali menyang kos. Dhuwit banjur didum rata. Lan ora suwe candhake ana bakul bakso liwat.
Sarehne nembe entuk bagiyan. Dhuwit bageyanku langsung dakenggo tuku bakso. Lagi enak-enake mangan bakso. Ana pelanggan swike liyane sing ngawe. Sajake mobile keblegong maneh.
Aku lan kancaku pandeng-pandengan lan ngomong lirih, “Alhamdulillah, entuk dhuwit maneh.”
Lan tenan. Sawise daktulungi. Aku lan kancaku diopahi 100 ewu. Ing wektu kuwi, aku percaya Gusti Allah kuwi yen maringi rejeki dalane akeh banget.
Contoh Cerita Pengalaman Bahasa Jawa Pribadi 4
4. Crita Pitikku
Kedadeyan iki dakalami udakara 3 taun kepungkur. Wektu kuwi aku wiwit coba-coba ngingu pitik bangkok.
Kawitane pitikku lemu-lemu lan sehat-sehat. Ning dumadakan ana aratan ing desaku. Akeh pitik sing mati sacara dadakan.
Senajan wis diobati nanging akeh sing ora ketulungan. Ing wektu kuwi, pitikku sing mati ana welasan. Rata-rata pitik sing mati kuwi umure 3-4 sasinan. Mesthi wae aku getun banget.
Apa maneh salah siji calon jago duwekku ya ketut gering. Kamangka sing gering kuwi rencanane bakal dakgawe pejantan.
Wis maneka cara daktindakake supaya pitik mau pulih. Saliyane tak tukokne obat kimia. Pitik mau uga dakjamoni. Nanging tetep wae durung waras.
Saking bingungku mbudiaya amrih pitikku waras. Pitikku dakomongi, “Tik…pitik. warasa, ya! Kowe yen waras ora bakal dakdol.”
Anehe, sawise dakomongi kaya ngono. Sawetara dina candhake pitikku waras. Lan nalika wis dadi jago tenanan. Pitik mau ana sing nawa sayuta regane.
Senajan wektu kuwi butuh banget dhuwit. Nanging merga wis janji, wusanane pitik tetep ora dakdol. Wediku yen dakdol, aku bakal nemu pepalang kang gedhe.
Penutup
Demikianlah contoh cerita pengalaman bahasa Jawa pribadi. Semoga contoh cerita pengalaman pribadi ini dapat menjadi referensi bagi kamu yang kesulitan membuat cerita pengalaman pribadi berbahasa Jawa.
Klik dan dapatkan info kost di dekat kampus idamanmu: