Contoh Pidato Hari Pahlawan 2025 dalam Bahasa Jawa Singkat dan Mudah Dihafal

Setiap tanggal 10 November seluruh instansi di Indonesia selalu memperingati hari Pahlawan.

Biasanya di dalam peringatan hari Pahlawan ini, diisi dengan pidato tentang pentingnya mengingat jasa para pahlawan dengan menggunakan bahasa daerah, salah satunya adalah bahasa Jawa.

Nah, di artikel ini kamu akan belajar contoh-contoh pidato bahasa Jawa untuk peringatan hari Pahlawan yang singkat dan mudah untuk dihafal. Simak contoh-contoh pidatonya, ya! 🎤📑✨

Contoh Pidato Hari Pahlawan 2025 dalam Bahasa Jawa

Hingga saat ini, masih banyak orang yang memperingati hari Pahlawan dengan cara memakai pidato dengan menggunakan bahasa daerah masing-masing, termasuk memakai bahasa Jawa.

Cara ini dipilih bukan hanya untuk menyampaikan pesan-pesan luhur agar generasi penerus tidak melupakan jasa besar pahlawan yang telah berkorban jiwa raga dalam mempertahankan kemerdekaan republik Indonesia.

Tetapi, juga digunakan untuk melestarikan bahasa daerah yang belakangan ini mulai ditinggalkan oleh masyarakat penuturnya.

Berikut ini adalah contoh pidato hari Pahlawan 2025 dengan memakai bahasa Jawa rekomendasi dari Mamikos untuk kamu jadikan panduan belajar.

Contoh 1 Pidato Hari Pahlawan 2025

Assalamualaikum warrahmatullahi wabaraktuh.

Sugeng enjing kagem para rawuh. Ingkang kinurmat, bapa Kepala Sekolah, bapa guru tuwin ibu guru. Para mitra ingkang kula tresnani.

Sumangga kita sesarengan ngonjukaken raos sokur dhumateng ngrasanipun Gusti ingkang Maha Agung, ingkang sampun paring rahmat saha kanikmatan ingkang saged ndadosaken kula dalah panjenengan sami saged kempal wonten ing papan ngriki kanthi rahayu tanpa kirang setunggal punapa.

Kaping kalihipun, sholwat ugi salam mugia tansah konjuk dhumateng junjungan kita sedaya inggih punika Kanjeng Nabi Muhammad Saw ingkang sapangatipun tansah kita antu-antu wonten dinten kiyamat mangke.

Ing ngriki kula (sebutkan nama) minangka sesulih saking (sebutkan asal kelas) badhe nindakaken sesorah babagan wigatosipun mengeti dinten pahlawan.

Saderengipun miwiti matur, kula badhe ngaturaken agunging panuwun dhumateng panjenengan sami ingkang sampun kersa ngrawuhi adhicara punika.

Para rawuh sedaya, sampun kula dalah panjenengan sampun mangertosi bilih dinten pahlawan punika dipun pengeti saben 10 November.

Anggenipun milih tanggal 10 November dados dinten Pahlawan boten saged uwal saking prastawa ageng ingkang nate dumados wonten Surabaya warsa 1945 kepengker.

Ing taun punika, maewu-ewu pejuang saking Surabaya dalah sakupengipun sami perang lumawan NICA ingkang kepengin ngrebut malih kamardhikan Indonesia ingkang nembe saumur jagung.

Mesthi mawon para pejuang boten trima ugi kersa nyembadani panyuwunipun NICA. Amargi panyuwunanipun boten dituruti ugi malah ngibaraken gendera Walanda.

Sanalika para pejuang muntab lan paparangan ageng boten saged dipunselaki. Senaosa menang cacah, nanging pejuang Indonesia kalah ing babagan gegaman.

Tentara NICA ingkang dipunrewangi pihak Sekutu ingkang kagungan gegaman langkung modern ndadosaken para pejuang kita kangelan menangaken paprangan.

Senaosa kathah pejuang ingkang sampun gugur, nanging para pejuang boten purun nyerah. Kanthi gegaman sawontene para pejuang terus-terusan perang mungsuh bangsa penjajah.

Saking sawetawis cathethan sinebut menawi wonten 6.000 ngantos 16.000 pejuang ingkang gugur salebeting perang 10 November wonten Surabaya punika.

Setunggal taun candhakipun utawi wonten 10 Novemer 1946 presiden Soekarno netepaken tanggal 10 November minangka dinten Pahlawan.

Wiwit dinten niki dugi sepriki, kita sedaya tansah nindakaken dinten Pahlawan murih sami ngertos menawi kamardhikan ingkang kita raosaken punika sanes bebungah utawi peparing saking bangsa sanes, nanging mujudaken asil saking perjuwanganipun para pahlawan kita.

Mugia kanthi emut kaliyan kedadosan punika saged nuwuhaken raos nasionalisme wonten manah kita sedaya.

Cekap semanten saking kula, menawi wonten tembung kirang trep ingkang kawedal, saestu kula nyuwun agunging pangaksami.

Wassallamualaikum warrahmatullahi wabbarakatuh.

Contoh 2 Pidato Hari Pahlawan 2025

Assallamualaikum warrahmatullahi wabaraktuh.

Dhumateng bapa Kepala Sekolah tuwin bapa saha ibu guru ingkang kawula khurmati, sarta kagem para mitra ingkang kula tresnani.

Sepisan, sumangga kita sesarengan ngonjukaken raos sokur dhumateng ngarsanipun Allah ingkang sampun paring kasarasan saengga kita saged kempal ing papan ngriki kanthi sehat tanpa wonten kekirangan punapa.

Kaping kalihipun, sholawat saha salam mugia tansah katur dhumateng junjungan kita Kanjeng Nabi Muhammad ingkang sapangatipun tansah kita rantos ing dinten kiyamat mangke.

Para rawuh sedaya, wonten enjing punika, dinten punika mujudaken salah satunggiling dinten ingkang istimewa kagem bangsa Indonesia.

Awit ing dinten punika kita sampi nindakaken pengetan dinten pahlawan. Senaosa saben taun kita tansah mengeti.

Nanging, kita boten nate ngraos bosen kagem nindakaken pengetan dinten punika. Awit saking wontenipun pengetan dinten Pahlawan saged ndadosaken kita emut dhumateng agenge lelabuhan ingkang sampun dipuntindakaken para pahlawan kita.

Tanpa wonten lelabuhanipun para pahlawan ingkang sampun kersa ngurbanaken jiwa ugi raganipun kagem njagai kamardhikanipun bangsa.

Pramila kita boten saged ngraosaken sekecanipun gesang wonten nagari ingkang mardhika kados ingkang kita raosaken samenika.

Para rawuh, sumangga kita sesarengan ndongakaken para pahlawan ingkang sampun sowan wonten ngarsanipun Gusti.

Mugi-mugi kanthi donga ingkang kita konjukaken saged dados lantaran tumuripun welasing Allah Tangala saengga sedaya dosa ugi kalepatanipun para pahlawan kita saged dipunlebur.

Sasenese niku mugi-mugi lumantar pengetan dinten pahlawan punika saged ndadosaken kita nuladhani sipat gumregah, boten nglokro, sarta semangat persatuan saking para pahlawan kagem njagi lestarinipun kamardhikanipun bangsa.

Kula kinten cekap semanten atur kawula, menawi wonten tutur ingkang ndadosaken cuwa. Saestu kula nyuwun agenging pangaksama.

Wassalamualaikum warrahmatullahi wabbarakatuh.

Contoh 3 Pidato Hari Pahlawan 2025

Assalamualaikum warrahmatullahi wabbarakatuh.

Para sedherek ingkang kawula tresnani ugi khurmati. Ing wekdal ingkang kebak kabagyan punika sumangga kita sami ngonjukaken raos sokur dhumateng Gusti Ingkang Maha Wikan.

Awit namung saking rohmatipun kita sedaya saged kempal ing papan ngriki kanthi sehat tanpa kekirangan setunggal punapa.

Para sedherek, kula badhe nyuwun wekdalipun sekedhap. Ing ngriki kula badhe nindakaken pidhato ingkang wonten gegayutanipun kaliyan pengetan dinten pahlawan ingkang tansah ajeg dipunpengeti saben tanggal 10 Nopember.

Para sedherek, pengetan dinten 10 Nopember menika mujudaken bukti menawi njagi wutuhipun bangsa ugi negara Indonesia boten namung dados wajibing TNI sarta Polri.

Kewajiban njaga kawutuhanipun bangsa ugi negara Indonesia mujudaken tugas kita sedaya. Para laskar pejuang ingkang isinipun para rakyat sami cancut taliwanda nyawijekaken tekad kagem njagi kamardhikan ingkang badhe dipunrebut malih kaliyan bangsa Walanda.

Senaosa gegamanipun bangsa Walanda ingkang kabiyantu Sekutu langkung maju. Nanging, babagan punika boten ndadosaken bangsa kita nyerah.

Kepara langkung wantun ngadhepi paprangan kanthi gegaman sawontene. Salah setunggaling prastawa ingkang paling kawentar inggih punika nalika para pejuwang nyuwek gendhera Walanda ingkang wonten pucukipun hotel Yamato.

Paprangan 10 November 1945 mujudaken paprangan paling ageng ingkang dumados sasampune Indonesia mardhika.

Saking kathahipun kurban saking pihak Indonesia, setaun saking dumadose perang punika Ir Soekarno netepaken 10 Nopember dados dinten Pahlawan.

Wiwit taun 1946 dumugi saniki pengetan dinten Pahlawan tetep ditindakaken murih semangat persatuan ugi nasionalisme dumugi sepriki.

Mugia kanthi nindakaken pengetan dinten Pahlawan ingkang kados tindakaken saniki saged dados lantaran rumakete paseduluran kita sedaya.

Kula kinten cekap semanten saking kula, menawi wonten luputing atur, kula nyuwun agunging pangaksama.

Wassalamualaikum warrahmatullahi wabbarakatuh.

Contoh 4 Pidato Hari Pahlawan 2025

Assalamualaikum warrahmatullahi wabbarakatuh.

Sepindah, sumangga kita sedaya tansah ngonjukaken raos sokur dhumateng Gusti Allah Kang Maha Agung amargi namung saking rahmatipun, kawula dalah panjenengan sedaya tasih pinaringan rohmat, taufiq, hidayah, saha inayah, saengga saged rawuh ing ngriki kanthi sehat tanpa kekirangan menapa.

Kaping kalihipun, sholawat saha salam Allahumma sholli ala Muhammad, mugi-mugi tetepa konjuk dhumateng Kanjeng Nabi Muhammad SAW.

Para bapak/ibu guru saha para mitra ingkang kula tresnani, dinten menika kita nindakaken pengetan dinten Pahlawan.

Lumantar pengetan dinten Pahlawan punika mugia saged dados pepiling tumrap kita saking lelabuhanipun para pahlawan ingkang sampun berjuang njagi kamardhikan Indonesia.

Ing 10 November 1945 kepungkur, para pahlawan menika ikhlas ngorbanaken jiwa ugi raganipun kagem mertahanaken kamardhikanipun nagari kita.

Mugi-mugi kanthi nindakaken pengetan dinten pahlawan punika, kita saged nuladhani sikap kaprawiranipun para pahlawan-pahlawan kita.

Sasenese niku mugia kanthi pengetan dinten Pahlawan punika saged dados sarana kagem ngraketaken semangat persatuan ugi kesatuan kagem sedaya masyarakat Indonesia.

Saderenge kula pungkasi pidhato niki, sumangga kita sedaya sesarengan ngonjukaken donga pamuji kagem para pahlawan ingkang samenika sampun sowan ing ngarsanipun Gusti.

Mugi lantaran donga kita saged ndadosaken Gusti Allah kersa paring pangaksama tumrap sedaya kalepatan ingkang sampun ditindakaken dening para pahlawan kita.

Cekap semanten ingkang saged kula aturaken, mugi-mugi kanthi pengetan niki, saged dados sarana murih kamardhikanipun bangsa Indonesia tetepa lestari.

Wassalamualaikum warrahmatullahi wabbarakatuh.

Contoh 5 Pidato Hari Pahlawan 2025

Assalamualaikum warrahmatullahi wabbarakatuh.

Ingkang kula hormati Bapak Ibu (…)
Ingkang kula hormati staf TU

Sarta Ingkang kawula khurmati para Bapak/Ibu undangan

Para rawuh ingkang kawula khurmati.
Sampun dados pakulinan tumrap warga Indonesia bilih saben tanggal 10 November kita nindakaken pengetan dinten Pahlawan Nasional.

Pengetan punika kagem ngeling-eling prastawa ageng ingkang nate dumados wonten Surabaya rikala 10 November 1945, kepengker.

Ing wekdal punika, maewu-ewu pejuang sarta rakyat Indonesia cancut taliwanda njagi kamardhikan Indonesia ingkang badhe dipunrebut malih kaliyan bangsa Walanda ingkang kabantu pihak Sekutu.

Arek-arek Surabaya ingkang boten kepengin ngraosaken rekasanipun dijajah lajeng nindakaken perang lumawan Walanda lan Sekutu.

Saking perang punika wonten welasan ewu arek-arek Surabaya ingkang pralaya. Kathahing kurban ing pihak Indonesia ngantos ndadosaken pihak PBB tumut nengahi.

Wusananipun ing perang punika boten wonten pihak ingkang kalah ugi pihak ingkang menang. Nanging, lumantar perang ageng punika masyarakat donya saged ngertos menawi Indonesia sampun dados negara ingkang mardhika lan Walanda disuwun supados boten ganggu gawe malih dhateng Indonesia.

Kagem ngeling-eling prastawa punika, ir Soekarno minangka presiden republik Indonesia lajeng netepaken 10 November minangka dinten pahlawan kagem ngeling-eling perjuanganipun arek-arek Surabaya.

Para rawuh, cekap semanten atur kula, bilih wonten lepating atur saha solah bawa ingkang kirang mranani dhumateng penggalih panjenengan, kula nyuwun agunging pangaksama.

Wassallamualaikum warrahmatullahi wabarakatuh

Demikian informasi tentang rekomendasi pidato hari Pahlawan 2025 dengan memakai bahasa Jawa yang singkat dan mudah dihafal. 🗣️🎙️

---

Klik dan dapatkan info kost di dekat mu:

Kost Jogja Murah

Kost Jakarta Murah

Kost Bandung Murah

Kost Denpasar Bali Murah

Kost Surabaya Murah

Kost Semarang Murah

Kost Malang Murah

Kost Solo Murah

Kost Bekasi Murah

Kost Medan Murah