Contoh Karangan Deskripsi Bahasa Jawa Tentang Kebudayaan dan Strukturnya
Contoh Karangan Deskripsi Bahasa Jawa Tentang Kebudayaan dan Strukturnya – Saat mata pelajaran bahasa Jawa di sekolah, biasanya guru akan memberikan tugas kepada siswa untuk membuat karangan deskripsi tentang kebudayaan yang tentunya memakai bahasa Jawa.
Sebelum mengenal lebih jauh bagaimana contoh deskripsi tentang kebudayaan yang ditulis dengan menggunakan bahasa Jawa.
Sebaiknya kita mengulik lebih dahulu apa itu teks deskripsi tentang kebudayaan.
Memahami Teks Deskripsi Kebudayaan
Daftar Isi
Daftar Isi
Secara singkat teks deskripsi tentang kebudayaan bisa dikatakan sebagai suatu teks yang menjelaskan tentang kebudayaan suatu daerah atau negara.
Teks ini dapat berisi tentang adat istiadat, kesenian, tarian, bahasa, pakaian, dan lain sebagainya yang menjadi bagian dari kebudayaan yang dimiliki suatu daerah.
Penulisan teks deskripsi tentang kebudayaan biasanya memiliki tujuan untuk memberikan pemahaman kepada pembaca tentang keunikan dan kekayaan budaya suatu daerah atau negara.
Pada waktu menuliskan teks deskripsi tentang kebudayaan, seorang penulis dapat memberikan pemahaman kepada pembaca supaya dapat memahami dan menghargai keberagaman budaya yang ada di Indonesia.
Contoh Karangan Deskripsi Bahasa Jawa Tentang Kebudayaan
Contoh Karangan Deskripsi Bahasa Jawa Tentang Kebudayaan 1
Dakwah Nganggo Kolak
Senajan wis mlebu ing nuswantara wiwit abad 10 M, nanging penyebaran agama islam kang katindakake gedhen-gedhen diperirakake lagi dumadi ing abad 14 M.
Ing jaman iki sejatine akeh tokoh penyebar agama islam, nanging sing paling kondhang lan paling kasil ngajak wong mlebu sajroning agama islam yaiku Wali Sanga.
Akeh alesan kang nyebabake akeh masyarakat nuswantara mligine kang mapan ing wewengkon pulo Jawa ninggalake kapitayane sing lawas kanggo ngrasuk islam.
Salah sijine merga dhakwah kang ditindakake para wali sanga iki nganggo cara kang alus lan nyenengake.
Amarga anggene dhakwah nggunakake cara kang alus. Masyarakat bisa luluh atine lan gelem ngrasuk agama islam tanpa ana paksaan.
Cara alus sing digunakake para wali sanga iki dhewe maneka jinise. Saliyane nganggo kesenian, uga nggunakake panganan.
Salah siji panganan kang dadi medhia dhakwahe para wali sanga yaiku kolak. Sejatine kolak wis dikenal dening masyarakat.
Senajan wujude padha kolake. Nanging ana pambeda antarane kolak sing mung mligi panganan lan kolak sing digunakake kanggo dhakwah. Sing dadi pambeda mung mapan ing perangan isi.
Yen kolak mligi kanggo panganan. Isine bisa maneka werna manut selerane sing masak.
Dene kolak sing digunakake kanggo medhia dhakwah isen-isene kasusun saka gedhang kepok, uwi (pala kependhem), lan duduhe dicampuri santen.
Isen-isen sing beda iku mau ora mung nuwuhake rasa kang beda sajrone kolak iku dhewe.
Nanging duwe maksud tartamtu kang dinuga duwe sambung rapet klawan piwulang sajroning agama islam.
Gedhang kepok kang kerep digunakake isen-isening kolak dinuga mujudake gegambaran utawa pralambang saka rasa kapok.
Pralambang iki ditujokake menyang wong sing isih seneng nindakake kaluputan.
Kanthi pesen kang dilambangake saka gedhang kepok iki. Pelakune gelem mertobat lan ora bakal ngambali tumindake sing kliru maneh.
Sabanjure uwi kang klebu bangsa pala kapendhem mujudake pangajab amrih wong kang ngrasuk agama islam gelema mendhem jero-jero kaluputane sing nate ditindakake lan kaluputan kang ditindakake wong liya.
Gampangane wong kang wis ngrasuk agama islam iku aja seneng ngumbar wadi utawa bobroke dhewe lan liyan.
Laku kang kaya mangkene iki kudu ditindakake. Amarga wong kang ngrasuk agama islam iku duwe kewajiban njaga martabate dhewe lan martabat sing diduweni liya.
Apa maneh ana piwulang sajroning agama islam sing isine ngendikake menawa mbiji manungsa saka perangan tumindake ing alam bebarayan iki babar pisan dudu tugase manungsa.
Jalaran sing duwe wenang kanggo mbiji apik lan alane manungsa iku mung siji yaiku Gusti Kang Maha Kuwasa.
Contoh Karangan Deskripsi Bahasa Jawa Tentang Kebudayaan 2
Musik kanggo Ngusadani Penyakit
Minangka negara kang kasusun saka ewonan suku bangsa. Mula ora nggumunake menawa ing Indonesia akeh tinemu babagan unik kang angel ditemokake ing dhaerah liya.
Salah sijine yaiku babagan ngusadani penyakit kanthi cara tradisional. Sejatine ing Indonesia akeh banget tata cara ngusadani penyakit kanthi cara tradisional.
Cara ngusadani penyakit kang kapetung unik ing Indonesia ditindakake dening suku Kaili kang mapan ing Sulawesi Tengah. Cara ngusadanine ora nganggo jamu utawa ramuan, nanging migunakake musik.
Ngenani musik sing dipercaya suku Kaili bisa dadi sarana kanggo ngusadani penyakit iki sejatine mujudake upacara adat kang banget disakralake.
Gandhenge klebu upacara adat kang banget sakral. Mula ora kena sembaranan.
Lan upacara adat kang migunakake musik kanggo sarana ngusadani penyakit duweke masyarakat suku kaili iki sinebut Balia.
Upacara iki diyakini wis ditindakake suku Kaili wiwit atusan taun kepungkur.
Lan eloke, senajan ing jaman saiki wis akeh sarana pangubatan sacara modern, nanging ngusadani penyakit nganggo musik utawa Balia iki isih digunakake lan sasate ora ditinggalake.
Anane upacara Balia iki isih dilestarekake tekan seprene merga ing masyarakat suku Kaili ana kapitayan sing majibake amrih wong Kaili kudu bisa njaga sesambungan becik klawan kekuatan kang nguwasani alam.
Sajroning masyarakat Kaili, penguasa alam iki digambarake sajroning bentuk leluhur lan para dewa-dewa.
Yen sesambungan becik iki ora bisa ditindakake. Masyarakat suku Kaili percaya panguasa alam iki bakal nibakake musibah kang wujude penyakit.
Lan penyakit iki bakal sirna samungkure ana upacara pamujan marang dewa-dewa kang dianggep nibakake penyakit. Cara kanggo nindakake upacara pamujan iki diwujudake kanthi cara pagelaran musik.
Gandhenge pagelaran musike digunakake kanggo upacara pamujan. Mula ora nggumunake yen piranti sing digunakake beda karo pagelaran musik umume.
Sajroning Balia iki ana piranti musik khusus kang kudu ana saben-saben upacara Balia ditindakake. Piranti musik iki digawe saka pring lan sinebut Lalove.
Lalove dhewe wujude mirip banget karo suling. Gandhenge Lalove iki digunakake kanggo upacara ngusadani wong kang nandang penyakit tartamtu.
Mula piranti musik iki anggene gawe ora asal-asalan. Saliyane digawe saka bahan pilihan, ana upacara khusus sajroning gawe piranti lalove.
Maksude digawe saka bahan pilihan yaiku, lalove iki digawe kanthi migunakake pring utawa njalin kang tuwuh ing pucuk pegunungan.
Bahan iki dipilih merga, sajroning masyarakat Kaili ana kapitayan yen pring utawa njalin kang tuwuh ing pucuke pegunungan ngandhut kanugrahan lan daya usada kang gedhe saka para dewa.
Kanugrahan lan daya usada kang gedhe iki sing banjur dipercaya bisa dadi sarana kanggo ngusadani penyakit.
Contoh Karangan Deskripsi Bahasa Jawa Tentang Kebudayaan 3
Kaunikan Bundengan saka Wonosobo
Kabudayan agraris kang ditindakake masyarakat nuswantara wiwit atusan taun kepungkur ora mung nglairake maneka tradhisi kang duwe sambung rapet klawan jagading tetanen.
Nanging uga ndayani laire maneka kesenian jangkep klawan piranti musik khas dhaerah agraris. Salah siji piranti musik khas kuwi yaiku bundengan.
Ing jaman biyen bundengan ora dimainake ing panggung-panggung pertunjukan. Bundengan luwih kerep dimainake ing sawah dening para kadang tani lan para sontoloyo (tukang angon bebek) nalika tunggu pari ing sawah.
Ing wektu kaya ngono kuwi biyasane para kadang tani lan sontoloyo bakal mbuwang sepi lan nglipur dhiri kanthi cara nembang sinambi mainake bundengan.
Dideleng saka cara mainakene bundengan klebu jinis piranti musik petik. Unike, senajan klebu piranti musik petik. Wujude bundengan iki ora kaya gitar utawa siter. Wujude bundengan malah kaya cikrak sing duwe ukuran raseksa.
Sinebut cikrak kang duwe ukuran raseksa jalaran gedhene bundengan iki bisa tikel lima saka cikrak biyasa.
Ing perangan liya, masiya bundengan mujudake piranti musik petik. Nanging cara nglarasake swara beda kaya piranti musik petik liyane.
Kanggo nglarasake swarane bundengan cukup nggeser bandul saka carang pring kang manggon ing njerone bundengan.
Bahan utama kanggo nggawe bundengan yaiku pring. Sawise pring dirinciki banjur digapiti nganti wujude saemper cikrak. Ing perangan njaba diwenehi klaras pring.
Dene ing perangan pucuk ditaleni nganggo duk. Sabanjure ing perangan njerone dipasangi tali.
Ya tali iki yen dipetik bisa ngasilake swara kang endah. Amrih bisa ngadeg nalika dimainake. Bundengan dipasangi kayu utawa cagak sing gunane kaya dene jagang.
Bundengan duwe ukuran dhuwur watara 1,5 meter lan amba watara 1/2 meter.
Sarehne wujude kaya cikrak raseksa, nyebabake bundengan ora saderma digunakake kanggo panglipur sepine para kadang tani lan sontoloyo nalikane ing sawah.
Nanging bundengan uga digunakake tutup sirah dening kadang tani lan sontoloyo nalika cuaca panas utawa udan.
Saliyane kuwi ing wewengkon Wonosobo ana kapitayan sing nyebutake yen bundengan bisa digunakake kanggo tolak bledheg.
Emane, ing jaman saiki bundengan durung akeh diweruhi generasi mudha. Saking ora kawentare bundengan ing kalangane generasi mudha, nganti nyebabake akeh pihak sing ngrasa sumelang yen ora suwe maneh bundengan bakale cures.
Penutup
Demikian contoh karangan deskripsi Bahasa Jawa tentang kebudayaan yang bisa disampaikan. Semoga artikel ini dapat bermanfaat bagi yang membutuhkan.
Klik dan dapatkan info kost di dekat kampus idamanmu: