Ringkasan Cerita Rakyat Rawa Pening dalam Bahasa Jawa beserta Unsur Intrinsiknya

Cerita Rakyat Rawa Pening juga bisa ditulis dalam bahasa Jawa. Kalau bingung caranya, bisa simak contoh berikut ya.

19 November 2025 Zuly Kristanto

Ki Hajar Salokantara pesen marang Endang Sawitri aja pisan-pisan mapanake pusaka kang disilihake iku mau ing pangkonane.

Emane, nalika bali mulih menyang desane kanthi nggawa pusaka kasebut. Ing sadawane dalan akeh banget pacoban kang dialami Endang Sawitri.

Akehe pacoban kang dialami Endang Sawitri ndadekake dheweke kesel. Kanggo nyuda rasa kesel lan mbalikake tenagane.

Baca Juga :

10 Contoh Buku Non Fiksi beserta Pengarang dan Identitasnya

Endang Sawitri leren ing sangisore wit ringin kang gedhe. Hawa silir-silir ing sangisore ringin ndadekake Endang Sawitri keturon.

Apese, nalika keturon Endang Sawitri mapanake pusaka kang disilih saka Ki Hajar Salokantara ing pangkone.

Anehe, pinuju Endang Sawitri tangi saka turune. Wetenge Endang Sawitri wis gedhe kaya wong kang lagi ngandhut.

Ngalami kahanan kaya ngene mesthi wae ndadekake Endang Sawitri wedi banget atine. Dheweke banjur age-age mulih lan ngandhakake apa anane marang bapake.

Merga rumangsa ing babagan iki ora mung Endang Sawitri sing luput.

Ki Sela Gondang banjur nemoni Ki Hajar Salokantara kanggo ngandhakake apa kang dialami dening Endang Sawitri.

Untunge, Ki Hajar Salokantara bisa mangerteni lan gelem ndadekake Endang Sawitri dadi sisihane.

Sawetara wulan bayi kang ana ing kandhutane Endang Sawitri lair. Anehe, bayi kang lair saka garbane Endang Sawitri iku dudu manungsa.

Nanging, wujude cahya kang mung kanthi sakeplasane thathit. Cahya mau malih rupa dadi naga kang gedhe banget. Ula naga kuwi diparabi Baru Klinting.

Kahanan iki mesthi wae ndadekake Ki Hajar Salokantara lan Endang Sawitri bingung banget.

Ki Hajar Salokantara banjur nindakake semedi kanggo nyenyuwun supaya putrane bisa duwe wujud manungsa.

Sajrone semedine Ki Hajar Salokantara pikantuk pituduh sing isine ngajab amrih anake semedi ing gunung Telamaya kanthi cara ngungkeri gunung Telamaya nganggo awake.

Emane awake Baru Klinting kurang dawa. Amarga kepengin bisa nindakake prentahe Ki Hajar Salokantara.