Supaya susunan acara malam tirakatan 17 Agustus 2026 dapat berjalan dengan lancar dan khidmat, diperlukan adanya sambutan yang ditujukan untuk tamu undangan.

Jika acara malam tirakatan dilaksanakan dengan menggunakan bahasa Jawa, maka ada baiknya sambutan yang digunakan juga menggunakan bahasa Jawa.

Nah, di bawah ini Mamikos telah menyediakan sambutan bahasa Jawa yang diperuntukkan untuk acara malam tirakatan 17 Agustus 2026. Jadi, silakan kamu pilih sambutan bahasa Jawa yang sesuai dengan tema malam tirakatan yang kamu adakan, ya!

Referensi Sambutan Malam Tirakatan Bahasa Jawa 17 Agustus 2026

Baca Juga :

Contoh Doa Malam Tirakatan 17 Agustus 2026 dalam Bahasa Jawa Simple dan Penuh Makna

Berikut ini beberapa pilihan sambutan malam tirakatan dalam bahasa Jawa yang bisa kamu jadikan rujukan untuk kegiatan perayaan tujuh belasan di tempatmu.

Contoh 1 Sambutan Malam Tirakatan Bahasa Jawa Formal

Baca Juga :

15 Contoh Surat Undangan Malam Tirakatan 17 Agustus 2026 untuk Warga, Download Gratis!

Assalamualaikum warrahamatullahi wabarakatuh.

Ingkang kinurmat bapak/ibu kepala desa [Nama Wilayah], para perangkat desa [Nama Wilayah], para sesepuh, sarta para warga [Nama Wilayah]. Sugeng dalu ugi sugeng rawuh.

Kapisan, sumangga kita konjukaken raos sokur dhumateng Gusti Allah Ingkang Maha Wikan, awit namung saking rahmatipun kita taksih saged kempal dalu punika wonten papan ngriki tanpa kekirangan setunggal punapa.

Salajengipun, mugia sholawat ugi salam tansah konjuk dhumateng Kanjeng Nabi Muhammad SAW ingkang sapangatipun tansah kita rantos wonten yaumul kiamah samangke.

Para rawuh ingkang tansah dipun tresnani Allah SWT.

Dalu punika kita kempal wonten [Nama Tempat] boten namung kagem fomalitas kagem mapag dumuginipun pengetan dinten kamardhikan ingkang taun punika sampun ngancik 81 warsa kemawon, nanging adicara tirakatan punika minangka wujud raos sokur tumrap nikmat kamardhikan ingkang sampun dipun paringaken Gusti Allah Ingkang Murbeng Jagad tumrap bangsa ugi nagari kita.

Wonten adicara dalu punika, kita badhe ngirimaken donga tumuju para pahlawan bangsa, awit saking lelabuhanipun para pahlawan ingkang sapunika sampun kondur dhateng alam kalanggengan kita saged ngraosaken nikmat gesang wonten nagari ingkang mardhika.

Mugi-mugi lantaran donga ingkang kita kirimaken, Gusti Allah Ingkang Maha Pangaksama kersa paring sedaya kalepatan ingkang sampun dipun tindakaken para pahlawan kita. Saengga arwahipun para pahlawan saged mapan wonten papan ingkang sae mungguhing Gusti Pengeran.

Para rawuh ingkang kawula khurmati.

Wonten wekdal dalu punika, sumangga kita ugi nindakaken refleksi dhiri supados saged manggihi sisip ingkang taksih asring kita tindakaken, sarta nyawijikaken tekad kagem sesarengan ngisi kamardhikan puniki kanthi tumindak sae, ingkang wose saged ndadosaken lestarining kamardhikan sarta gesang ingkang langkung tentrem.

Para rawuh ingkang kawula tresnani.

Minangka salah satunggiling cara supados kita saged langkung ngajeni punapa ingkang sampun para pahlawan tindakaken, dalu punika kita bakal sesarengan mirsani film perjuangan pahlawan, kanthi mirsani film punika mugia saged dados srana kagem ningkataken raos nasionalisme wonten manah kita sedaya.
Pungkasaning atur, kula ngaturaken matur nuwun sampun dipun paringi wekdal kagem paring sambutan Malam Tirakatan.

Mugia lampahing adicara dalu punika saged lancar tanpa wonten pepalang. Kita sami-sami ndedonga, mugia kamardhikan niki sageda lestari salaminya. Nyuwun agunging pangaksama bilih wonten tembung ingkang kirang mranani penggalih. Wassalamualaikum warrahamatullahi wabbarakatuh.

Contoh 2 Sambutan Malam Tirakatan Bahasa Jawa Singkat Semi-Resmi

Assalamualaikum warrahmatullahi wabbarakatuh.

Sugeng dalu bapak/ibu sarta para warga [Nama Wilayah].

Kula [Nama Pemberi Sambutan] minangka ketua pania PHBN [Nama Wilayah] ngaturaken matur nuwun sanget bapak/ibu saha para warga ingkang sampun ngluwangaken wekdal kagum ngrawuhi adicara malam tirakatan dalu punika.

Saderenge mlebet dhumateng punjering adicara, sumangga kita konjukaken raos sokur dhumateng Gusti Allah SWT rumiyin, awit namung saking rahmatipun kita saged kempal kagem nindakaken adicara malam tirakatan dalu punika tanpa alangan ugi kekirangan satunggal punapa.

Salajengipun mugia sholawat ugi salam tansah katur dhumateng junjungan kita sedaya, Nabi Agung Muhammad SAW ingkang sapangatipun tansah kita antu-antu wonten yaumul kiyamah.

Para rawuh, dalu punika kita nindakaken adicara malam tirakatan kagem ngeling-eling agenge lelabuhan ingkang sampun dipun tindakaken para pahlawan bangsa.

Panjenengane sampun lila ngurbanaken jiwa ugi raganipun kagem ngrebut kamardhikan Indonesia saking para penjajah.

Saperangan ageng para pahlawan bangsa punika sampun marak sowan ing ngrasanipun Gusti Ingkang Akarya Jagad. Boten wonten ingkang saged kita tindakaken kagem males jasa-jasa panjenengane kejawi ngirimaken donga.

Mugi-mugi kanthi donga ingkang kita kirimaken saged ndadosaken arwahipun para pahlawan saged pikantuk pangaksama sarta dipapanaken wonten papan ingkang sae.

Sasenese niku, dalu punika, kula minangka ketua adicara PHBN [Nama Wilayah] badhe ngajak dhumateng sedaya rawuh kagem paring bebungah dhumateng bapak [Nama Orang] minangka salah satungguling veteran ingkang pidalem ing desa kita.

Kala wingi, kula sampun ngempalaken dana bantuan saking para warga ingkang tujuanipun bakal kagem bedah rumah dalemipun bapak [Nama Orang] ingkang nate ndherek perang kagem merjuangaken kamardhikan Indonesia.

Dhana ingkang sampun kakempal, sampun dipuntumbasaken maneka bahan bangunan lan sampun siyap kagem dipun pasang. Pramila bapak lan mas-mas ingkang kagungan wekdal longgar, sumangga kita sesarengan nindakaken gotong royong kagem ndandosi dalemipun pejuang kita.

Punapa ingkang bakal kita tindakaken, mesthinipun boten sababag kaliyan perjuwangan ingkang sampun panjenengane tindakaken kagem ngrebut perjuwanganipun nagari kita. Senaosa sekedhik mugia punapa ingkang badhe kita tindakaken saged dados kagem bebungah kagem panjenengane.

Para rawuh ingkang kula tresnani.

Dalu punika kita ugi bakal ngawontenaken tetandhingan alit-alitan supados adicara malam tirakatan saged langkung rinaket.

Tetandhingan ingkang badhe dipun tindakaken inggih punika dolanan tradhisional ingkang menawi generasi mudha sampun kathah ingkang kesupen. Kanthi nindakaken dolanan tradhisional punika mugia saged dados srana kagem ngraktekaken paseduluruan sesamining warga.

Kula kinten cekap semanten rumiyin atur kula, bilih wonten tumindak saha tembung ingkang kirang mranani dhumateng penggalih panjenengan saestu kula nyuwun pangaksama.

Kula ugi boten kesupen ngaturaken matur nuwun dhumateng sedaya pihak ingkang nyengkuyung lampahing adicara punika. Wassalamualaikum warrahmatullahi wabbarakatuh.

Baca Juga :

5 Contoh Teks MC Acara Tirakatan 17 Agustus 2026 Bahasa Jawa Singkat dan Jelas

Contoh 3 Sambutan Malam Tirakatan Bahasa Jawa Singkat Bermakna

Assalamualaikum warrahmatullahi wabbarakatuh.

Alhamdulillahi rabbilalamin, sumangga kita sesarengan ngonjukaken raos sokur dhumateng Gusti Allah Ingkang Maha Agung, awit saking kanugrahanipun kita sedaya taksih pinaringan wekdal kagem ngestreni adicara malam tirakatan dalu punika tanpa kekirangan setunggal punapa.

Salebeting adicara malam tirakatan dalu punika, kita badhe ngeling-eling sepinten agenge lelabuhanipun para pahlawan bangsa ingkang sampun ngrebut kamardhikanipun Indonesia saking gegemanipun para penjajah ingkang awatak angkara murka.

Kula ngaturaken matur nuwun sanget dhumateng sedaya panitia, tokoh masyarakat, ugi para warga ingkang sampun paring panyengkuyung tumrap adicara punika.

Miugi-mugi kanthi kantindakaken adicara punika saged dados pepiling tumrap kita wigatose njagi kamardhikan kanthi ngraketaken persatuaning bangsa. Sumangga kita tansah cancut tali wanda, gotong royong, sarta tansah rukun supados bangsa niki tansah lestari.

Wassalamualaikum warrahmatullahi wabbarakatuh.

Contoh 4 Sambutan Malam Tirakatan Bahasa Jawa untuk Acara Karang Taruna

Baca Juga :

49 Pantun tentang Hari Kemerdekaan RI 17 Agustus 2026 Lucu 2 dan 4 Bait

Assalamualaikum warrhamatullahi wabbarakatuh.

Sugeng dalu kanca-kanca anggota Karang Taruna [Nama Wilayah].

Matur nuwun panjenengan wis gelem ngluwangake wektu kanggo rawuh ing adicara malam tirakatan HUT RI kang kaping 81.

Kanca-kanca sing daktresnani, wengi iki awake dhewe nglumpuk ing kene ora mung kanggo nindakake malem tirakatan wae, nanging uga karo ngrembug adicara apa wae sing bakal katindakake kanggo ngregengake pengetan HUT RI kang kaping 81.

Saliyane kuwi, awake dhewe uga bakal ngirimake donga marang para pahlawan bangsa kang wis kondur sowan marang ngarsanipun Gusti Allah Kang Maha Wikan.

Kanggo nyigeg adicara, sumangga kita sesarengan maos bismillah kanggo ngawiti adicara malam tirakatan iki. Muga-muga lakuning malem tirakatan wengi iki bisa lancar lan kalis saka sakehing rubeda.

Dakkira cukup semene anggenku matur, yen ana tembung sing kurang trep, aku nyuwun agunge pangaksama.

Wassallamualaikum warrahmatullahi wabbarakatuh.

Contoh 5 Sambutan Malam Tirakatan Bahasa Jawa untuk Santai untuk Acara Sendiri

Assalamualaikum warahmatullahi wabarakatuh.

Alhamdulillahirabbilalamin, sumangga kita ngonjukaken raos matur nuwun dhumateng Gusti Allah Ingkang Maha Agung amarga kita taksih diparingi kesehatan, kekiyatan, sarta wekdal kagem kempal ing adicara malam tirakatan wonten dalemipun bapak [Nama yang Mengadakan Acara].

Kula minangka sesulihing ingkang kagungan kersa ngaturaken sugeng rawuh saha matur nuwun dhumateng panjenengan sedaya ingkang kersa rawuh dhateng adicara dalu punika.

Wonten dalu punika bapak [Nama yang Mengadakan Acara] nyuwun supados panjenengan sedaya rawuh dhateng ngriki kagem nindakake malem tirakatan.

Lampahing adicara punika bakal dipun wiwiti kanthi kirim donga dhumateng para arwahipun para pahlawan ingkang sampun sowan wonten ngrasanipun Gusti Allah SWT.

Sasampunipun niku, adicara bakal dibacutaken kanthi rembugan pemilihan peserta lomba 17 Agustusan ingkang badhe kalampahan wonten desa kita.

Dene sampun rampung, adicara bakal dibacutaken kanthi kembul boga dhahar sekul liwet ugi jajan pasar ingkang sampun dipun cawisaken dening ingkang mengku damel.

Kagem ngringkes adicara sarta boten kedalon anggene adicara niki purna, sumangga kita sesarengan maos bismillahiramanirahim kagem miwiti adicara malam tirakatan dalu punika.

Mugi-mugi Gusti Allah Ingkang Maha Wikan tansah njangkung punapa kita tindakaken dalu punika. Saengga adicara ingkang badhe kalampahan punika saged lumampah kanthi lancar, aman, sarta kalis saking sedaya rubeda.

Saderenge kula pungkasi, bapak [Nama yang Mengadakan Acara] badhe nyuwun pangaksama menawi anggenipun nampi rawuhipun panjenengan kirang mranani wonten penggalih.

Semanten ugi kula, menawi wonten tutur sarta tumindak kula ingkang kirang trep sarta ndadosaken manah panjenengan runtik, saestu kula nyuwun pangaksama. Cekap semanten saking kawula. Wassalamu alaikum warahmatullahi wabarakatuh.  

Demikian contoh sambutan Malam Tirakatan Bahasa Jawa yang dapat Mamikos berikan untuk kamu jadikan referensi. Semoga membantu, ya!

Klik dan dapatkan info kost di dekatmu:

Kost Jogja Murah

Kost Jakarta Murah

Kost Bandung Murah

Kost Denpasar Bali Murah

Kost Surabaya Murah

Kost Semarang Murah

Kost Malang Murah

Kost Solo Murah

Kost Bekasi Murah

Kost Medan Murah

The post 5 Contoh Sambutan Malam Tirakatan Bahasa Jawa 17 Agustus 2026 appeared first on Blog Mamikos.