4 Contoh Artikel Bahasa Jawa Singkat Berbagai Tema yang Menarik dan Strukturnya

Ing jaman biyen para Abdi Dalem Encik iki ditugasake kanggo nyiptakake maneka jinis panganan. Lan panganan kang diciptakake iki kudu duwe nuduhake ciri khas kulinere wong Jawa.

Sajroning ngupayakake panganan jinis anyar kang dirasa bisa sababag klawan panganane wong Eropa.

Abdi Dalem Encik iki kabantu dening abdi dalem keparak estri sing cacahe 20 wong. Saka ketekunan lan gedhene tekade para Abdi Dalem Encik anggene ngayahi jejibahane.

Akeh banget jinis panganan kang kasil kacipta. Sajrone ngupayakake masakan jinis anyar, para Abdi Dalem Encik ora mung migunakake tata cara masak kanthi cara tradisionalnanging uga migunakake teknik masak eropa.

Salah siji panganan kang dimasak kanthi tehnik campuran kang kasil ditindakake Abdi Dalem Encik yaiku suwar-suwir bebek. Masakan iki mujudake salah siji dhaharan karemenane Sultan Hamengkubuwana VII.

Contoh Artikel Bahasa Jawa Singkat Berbagai Tema 2

Kaunikan Jadah lan Wajik

Jinis jajanan tradisional utawa kang kerep sinebut jajanan pasar iku akeh banget. Nanging sapa ngira ana jajanan pasar sing dadi seksi madege kerajaan Majapahit nanging isih lestari tekan jaman saiki.

Jajanan kuwi yaiku jadah lan wajik kang digawe saka bahan kang padha yaiku beras ketan. Ing dhaerah-dhaerah tartamtu jajanan iki mujudake panganan wajib sajroning wong duwe gawe mantu.

Kocape, anane jajanan iki ngemu pralambang lan panyuwunan supaya wong kang dirabekake iku ing tembe mburine anggene mbangun balewisma tetep rumaket lan ora gampang dipisahake.

Senajan anane jadah lan wajik karo tradisi mantu ing masyarakat Jawa kapetung wajib. Nanging durung ana sing mangerti wiwit kapan jajanan iki dikenal masyarakat Jawa.

Ana kang duwe panduga jadah lan wajik wis dikenal masyarakat Jawa luwih saka 1.000 taun kepungkur.

Panduga iki lair saka anane penemuan tembung jwadah sajroning Kidung Harsa Wijaya.

Ing kidung kang isine nyritakake perjuangane Raden Wijaya nalika yasa kerajaan majapahit iku disebutake yen jwadah iku klebu sawijining amik-amikan utawa nyamikan.

Bab iki kang sabanjure ndadekake para panliti duwe yakin yen jwadah kang disebutake sajroning kidung kasebut padha karo jadah.