5 Contoh Biografi Bahasa Sunda tentang Teman dan Cara Membuatnya

Conto Biografi Kadua: Si Palinter anu Sopan

Judul: Cahya Intén di Antara Urang

Orientasi (Bubuka)

Nami lengkepna téh Cicih Permatasari, tapi réngréngan sok nyalukan Cici”l. Cici lahir di Cianjur, ping 5 Méi 2008. Anjeun na istri nu jangkungna sedeng, kulitna konéng langsat, jeung kacida sopanna.

Cici téh cikal (anak kahiji) ti tilu sadulur. Bapana damel di Dinas Pendidikan. Cici téh babaturan di bangku sakola abdi nu pangnyongcolangna dina widang akademik.

Kajadian Penting (Eusi)

Cici kawéntar salaku budak nu kacida getol diajarna sarta gampang narima pangajaran naon waé. Tina mimiti kelas hiji nepi ka ayeuna, Cici salawasna jadi pinunjul (juara) kelas.

Lian ti pinter di kelas, Cici ogé aktip pisan dina kagiatan ékstrakulikulér Karawitan Sunda. Anjeunna mindeng ngawakilan sakola dina pasanggiri Kawih.

Sanajan pinter, Cici henteu kungsi ngarasa ageng hate. Anjeunna téh kacida balégna, sok daék ngajarkeun ka babaturan nu can ngarti tanpa ngaharepkeun pamulang.

Watekna nu leuleuy jeung gampang seuri ngajadikeun manéhna dipikaresep ku guru jeung babaturan. Anjeunna ogé boga cita-cita nu mulya, nyaéta hayang jadi guru Basa Sunda.

Réorientasi (Panutup/Kacindekan)

Cici téh conto babaturan nu hadé kabina-bina. Kaéndahan sipatna leuwih katingal tibatan kaéndahan rupana. Kuring yakin yén Cici bakal jadi guru anu luhung élmu sarta loba mangpaatna pikeun masarakat kapayunna.

Baca Juga :

Biografi Sunan Gresik Mulai dari Tempat Lahir hingga Metode Dakwah dan Peninggalannya

Conto Biografi Katilu: Si Rancagé, Pinuh Ku Semangat

Judul: Jalmi Rancagé dina Lapangan Héjo

Orientasi (Bubuka)

Si Abi, kitu sebutan akrab ka Ahmad Syafi’i. Abi lahir di Sukabumi, 24 Désémber 2006. Postur awakna jangkung sedeng, kulitna rada coklat lantaran mindeng kapoé. Abi téh anak panengah.

Bapana damel salaku patani nu junun. Salaku babaturan deukeut, Abi téh jalm nu kacida satia sarta mindeng jadi motor dina urusan senang jeung susah.

Kajadian Penting (Eusi)

Ti mimiti leutik, Abi geus ngagugulung karesep kana maén bal (sepak bola). Éstuning unggal soré, anjeunna pasti aya di lapang.

Téknikna alus pisan. Basa sakola ngayakeun pasanggiri, tim Abi meunangkeun gelar juara kahiji, tur Abi kapilih jadi pamaén panghadéna.

Sipat Abi nu paling nonjol nyaéta rancagé (sumanget jeung gumbira). Anjeunna jarang ngarasa sedih atawa pundung. Malah, lamun aya babaturan nu keur boga masalah, Abah nu mimiti datang pikeun ngahibur.

Lamun, dina urusan diajar, Abi rada ‘kurang sumanget’ iwal dina pelajaran Olahraga jeung Seni Budaya. Sanajan kitu, Abi gaduh kahayang nu kuat pikeun jadi atlit profésional.

Réorientasi (Panutup/Kacindekan)

Abi eta rerencangan nu pinuh ku sumanget jeung teu bosenan. Ka-rancagé-anana sok nular ka babaturan lianna. Kuring ngarasa reueus boga babaturan satia jeung boga karep siga Abi.

Conto Biografi Kaopat: Si Seni anu Kreatif

Judul: Si Tihang Galeri Nu Jago Ngagambar

Orientasi (Bubuka)

Saha deui ari lain Diniar Ariska. Diniar atawa Neng Din ku rencang sakelas mah. Lahir di Garut, 10 Oktober 2007. Diniar téh pendék, buukna panjang tur ikal, tapi sorana matak pikaresepeun. Diniar téh anak bungsu.

Indungna geus pangsiun tina pagaweanana salaku guru. Diniar téh babaturan kuring nu kreativitasna luhur pisan.

Kajadian Penting (Eusi)

Nurutkeun kuring, leungeun Diniar téh aya magic-an. Anjeunna boga bakat nu kacida nonjolna dina widang seni rupa, utamana ngagambar manga jeung komik.

Éstuning buku-buku catetanana pinuh ku gambar-gambar éndah. Karya Diniar mindeng dianggo pikeun ngahias mading sakola.

Préstasi panghadéna nyaéta basa manéhna meunang Juara Dua lomba ngagambar tingkat kabupatén.

Diniar téh jalmi nu imajinatif sarta seeur pisan ideu-ideu anyar. Manéhna ogé kréatif dina ngamangpaatkeun barang-barang urut jadi karajinan nu alus.

Nanging, Diniar téh rada cicingeun upama jeung jalma nu anyar wawuh, tapi lamun geus deukeut mah, caritana moal eureun-eureun. Cita-cita Dinar nyaéta jadi komikus internasional.

Réorientasi (Panutup/Kacindekan)

Diniar téh rencang nu pinuh ku inspirasi. Kréativitasna ngajadikeun anjeunna béda jeung unik. Kuring miharep Diniar kenging ngawujudkeun impianana sarta ngagambarkeun dunya dina karya-karyana.