8 Contoh Layang Pribadi Bahasa Jawa kanggo Teman, Orang Tua, Saudara, hingga Pakdhe

Contoh 2

Malang, 3 Maret 2025
Kanggo kancaku Rahmat Pratama
Ing Kediri

Assalamualaikum warahmatullahi wabarakatuh,
Mat, kepriye kabarmu saiki? Muga-muga sliramu tansah pinaringan sehat lan semangat ngadhepi dina-dinamu. Aku nulis layang iki amarga kepingin takon kabarmu lan kahanan kulawargamu ing omah.

Mat, aku kangen wektu nalika awake dhewe sinau bareng lan dolan bareng nalika isih sekolah. Saiki wis padha duwe urusan dhewe-dhewe. Kadhang aku kangen guyonan lan crita-crita biyen.

Yen ora ana alangan, aku duwe rencana sowan menyang Kediri ing akhir bulan iki. Muga-muga sliramu ana wektu kanggo ketemu lan jagongan bareng.

Wis dhisik ya, Mat. Muga Gusti tansah maringi perlindungan lan kelancaran kanggo sliramu.

Waalaikumsalam warahmatullahi wabarakatuh.

Salam kangen saka kancamu,
Raka

Baca Juga :

8 Jenis-jenis Tari Tradisional Beserta Penjelasan dan Contohnya Lengkap

Contoh Layang Pribadi Bahasa Jawa kanggo Orang Tua

Contoh 1

Tulungagung, 26 Februari 2025
Kagem ibuku
Ing dalem

Assalamualaikum warahmatullahi wabarakatuh,
Bu, pripun pawartose? Mugya ibu tansah pinaringan kasarasan ugi kabagyan saking Gusti Allah Ingkang Maha Wikan.

Bu, pripun pawartose bapak tuwin adhik-adhik ing dalem? Mugya sedaya tansah pinaringan sehat lan kabagyan.

Bu, kula ing ngriki tansah sehat-sehat kemawon. Lumantar layang niki kula badhe paring ngertos menawi boten wonten alangan lan pendamelan kula ing ngriki rampung. Kula badhe wangsul dhateng Tulungagung.

Bu, samenika kula sampun kapang sanget kaliyan panjenengan ugi kaluwarga ing dalem. Bu, nyuwun donga pangestunipun supados pendamelan kula ing ngriki tansah pinaringan kelancaran saengga saged enggal rampung lan kula saged wangsul.

Oh, inggih, Bu. Benjing menawi kula wangsul, wonten ingkang badhe kula tepangaken dhumateng panjenengan dalah kaluwarga. Mugi-mugi saged cocok kalihan menapa ingkang ibu kajengaken.

Bu, cekap semanten rumiyin layang kula. Mugi-mugi ibu dalah kaluwarga ing dalem tansah pinaringan sehat sarta kajangkung dening Gusti Pangeran.

Wallaikumsalam warrahmatullahi wabbarakatuh

Anakmu,
Pandu Dewanata

Contoh 2

Surabaya, 5 Maret 2025
Kagem Bapak lan Ibu
Ing dalem

Assalamualaikum warahmatullahi wabarakatuh,
Pak, Bu, kados pundi kabar panjenengan sedaya? Mugi bapak lan ibu tansah pinaringan sehat lan panjang yuswa dening Gusti Allah.

Pak, Bu, kula ing ngriki alhamdulillah sehat kemawon. Pendamelan kula ugi sampun wiwit lancar. Sanadyan mekaten, kahanan punika mboten saged nggantos rasa kangen kula dhumateng panjenengan sedaya ing dalem.

Kula nyuwun donga pangestu saking bapak lan ibu supados kula tansah pinaringan kekiyatan lan kelancaran anggen kula ngupadi rejeki ing kene.

Menawi sampun wonten wekdal, kula badhe enggal wangsul nyuwun pangestu lan sowan dhateng panjenengan.

Wassalamualaikum warahmatullahi wabarakatuh.

Anakmu sing tansah kangen,
Dimas

Contoh Layang Pribadi Bahasa Jawa kanggo Saudara

Contoh 1

Tulungagung, 26 Februari 2025
Kagem sedulurku Bayun Marsiwi
Ing Boyolali

Assalamualaikum warahmatullahi wabarakatuh,
Lur, piye kabare? Mugya slirane tansah sehat, seneng, ayem lan tentrem.

Sadurunge aku njaluk sepura sing gedhe, jalaran nembe kober nulis layang kanggo sliramu saiki.
Biasalah nom-noman nir asmara kaya aku kakehan kerja ning asile durung patia mingsra. Eh, lur. Piye? Saiki wis duwe gandhengan apa durung?

Ngene lur? Akhir wulan iki aku rak ya libur. Rencanane aku bakal dolan menyang Boyolali. Saliyane nambani kangenku karo slirane. Aku arep ana omongan sing lumayan penting karo slirane.

Ngenani apa iku becike dakomongake mengko yen awake dhewe sapatemon sinambi jagongan sore-sore ing cedhak patung sapi sing kerep kok critakake kae.

Oh, iya saiki awakmu jarene kerja ngurusi naskah-naskah neng Mangkunegaran? Piye kerja ngurusi naskah ngono iku kepenak apa ndak?

Kira-kira kepenak endi karo ngurusi adhik-adhik mahasiswi?

Guyon, lur. Aja dilebokne neng ati. Kira-kira layangku cukup semene dhisik. Sesuk disambung maneh ya, lur.

Aja lali jaga kesehatan. Muga-muga pungkasan sasi iki aku sida prei lan garapanku rampung kabeh. Saengga aku bisa nemoni slirane ing Boyolali.

Karo maneh iki aku mentas entuk naskah lawas sing isine mesthi gawe bungahmu. Ngenani apa isine, rasane kurang trep yen dakomongake ing kene.

Nanging sing jelas isine bisa dadi sarana kanggo ngluwari nir asmara sing lagi awake dhewe rasakakake.

Wis dhisik ya, Lur. Suk disambung maneh.

Waalaikumsalam warahmatullahi wabarakatuh.

Salam saka sedulurmu,
Bagus Pambudi