Contoh Pidato Bahasa Jawa tentang Kejujuran yang Penuh Makna secara Singkat

Pidato Bahasa Jawa tentang Kejujuran di Tempat Kerja

Baca Juga :

13 Contoh Teks Pidato Persuasif Kelas 9 beserta Struktur tentang Berbagai Hal

Assalamualaikum warahmatullahi wabarakatuh.

Ingkang kinurmatan Bapak Pimpinan PT …
Ingkang kulo hormati, Bapak lan Ibu karyawan PT …
lan ingkang kulo ajeni, para kanca sedaya.

Alhamdulillah, puji syukur tansah kito aturaken dhumateng ngarsanipun Gusti Allah SWT. Amargi berkah lan rahmatipun, kito sedaya saged nglumpuk wonten papan menika kanthi sehat wal‘afiat, tanpa kirang satunggal menopo kemawon.

Shalawat saha salam mugi tansah kaparingaken dhumateng junjungan kita Nabi Muhammad SAW, ingkang sampun paring pituduh saking jaman peteng dhateng jaman padhang ingkang pinuh pitedah.

Ing kesempatan ingkang kebak kabegjan menika, kulo badhe aturaken setunggal piwucal babagan kejujuran, satunggaling akhlak utama ingkang saestunipun kedah tansah kapunjer wonten ing jiwa para karyawan kados kito sedaya.

Kita sami mangertos, kathah wekdal kita kabuwang wonten papan menika, papan kanggé ngudi rejeki halal saha berkah kanggé kulawarga. Rejeki halal badhe ngasilaken kabecikan. Kosok baline, menawi rejeki dipun entuk kanthi cara boten jujur, mesthi boten saged ngasilaken kabecikan.

Lajeng, kados pundi caranipun ngleksanani kejujuran wonten papan kerja? Kita sami mangertos, boten sedaya kanca kerja saged tansah jujur. Kadhangkala, tiyang ingkang jujur malah kasisih utawi malah kedah ilang pekerjaane.

Sepisanan, kita kedah nanduraken ing manah bilih tiyang jujur saged katingalipun sangsara wonten donya, nanging sejatosipun piyambakipun dipun slametaken dening Gusti Allah saking lingkungan ingkang awon.

Kapindho, sanadyan kathah kanca ingkang tumindak curang, punika boten dados alesan supados tumindak wau dados leres. Kita kedah gadhah prinsip tetep jujur, senajan lingkungan sakiteripun kathah ingkang ngapusi.

Katelu, boten kedah wedi matur jujur senajan kadang saged nyakiti. Tuladhanipun, menawi amargi kalepatan kita piyambak, kanca karyawan kedah nandang akibat kados dene gaji saged kenging potongan, jam mulih dados telat, utawi beban kerja tambah abot. Ing wekdal punika, langkung becik menawi kita jujur ngakeni kalepatan, tinimbang nyeret kanca sanes dados rugi.

Leres, tumindak jujur punika angel. Nanging, menawi sampun dilatih lan dipun biasaaken, malah ngapusi ingkang badhe krasa angel. Awiti saking perkawis alit rumiyin. Tiyang jujur badhe dipun pitadosi, gesangipun langkung ayem, lan saged ngraosaken paseduluran sejati. Kejujuran punika dados bekal wigati kanggé masa ngarep. Mila, ayo kita sami mbiasakaken tumindak jujur wiwit sakmeniko.

Mekaten piwucal saking kulo, nyuwun pangapunten menawi wonten tutur utawi panyampaian ingkang kirang prayogi. Wassalamualaikum warahmatullahi wabarakatuh.

Baca Juga :

Contoh Pidato Kemerdekaan 17 Agustus Singkat untuk Jadi Bahan Referensi Belajar

Pidato Bahasa Jawa tentang Kejujuran di Masyarakat

Assalamualaikum warahmatullahi wabarakatuh.

Ingkang kinurmatan Bapak RW XX,
Ingkang kulo hormati, para pengurus RW XX,
lan ingkang kulo hormati, Bapak Ibu warga RW XX sedaya.

Sepisanan, kulo ngajak panjenengan sedaya ngaturaken puji syukur dhumateng ngarsanipun Gusti Allah SWT, amargi rahmat lan berkahipun kita sedaya saged nglumpuk wonten Balai RW XX kanthi sehat wal‘afiat. Botên kesupen, shalawat saha salam mugi tansah kaparingaken dhumateng junjungan kita Nabi Muhammad SAW, ingkang sampun paring pituduh dhumateng umatipun.

Ing kesempatan ingkang kebak kabagyan menika, kulo badhe aturaken setunggal piwucal babagan kejujuran. Mesthi panjenengan sedaya sampun mangertos menapa ingkang dipun wastani jujur, menapa asile menawi boten jujur, lan menapa paedahipun menawi tansah jujur. Nanging, prakteknipun ing masyarakat, kejujuran punika asring rumiyin kados gampil, nanging saestu angel dipun lampahi.

Mila, kulo nyuwun idin kangge nyegaraken malih pikiran panjenengan sedaya, supados nilai-nilai kejujuran menika tansah ngrembaka ing ati.

Kulo badhe ngajengaken pitakon cendhak, ingkang saged dipun wangsuli ing manah piyambak:

Menawi wonten pembagian kupon berhadiah, lajeng wonten sisa kupon langkung, menapa sampun kadospundi? Dipun balekaken dhumateng panitia, utawi dipun anggep bonus pribadi?

Menawi wonten acara RW ingkang mbutuhaken dana ageng, menapa pengajuan proposal mesthi manut kebutuhan, utawi dipun langkungaken?

Menawi wonten inspeksi babagan kabersihan utawi kondisi griya, menapa kito jujur nerangaken kahananipun, utawi malah ndhelikaken amargi isin?

Pitakon menika boten perlu dipun wangsuli kanthi lisan, nanging langkung prayogi dipun renungaken. Awit saben tiyang mesthi gadhah alesan dhewe-dhewe.

Nanging, ingkang kedah kulo tekanaken, tumindak jujur punika angel. Tantanganipun ageng. Nanging, menawi boten jujur, kerugianipun malah langkung abot: ati dados was-was, kapitadosan tiyang liyan sirna, malah sederek utawi kanca raket saged adoh saking kita.

Mula, ayo sami mbiasakaken jujur saking perkawis alit. Menawi dipun biasaaken, kejujuran punika dados pepadhang gesang, lan badhe nglantaraken tumrap tentreming ati.

Mekaten piwucal ingkang saged kulo aturaken. Mugi wonten paedah ingkang saged kapetik. Nyuwun agunging pangapunten menawi wonten tutur utawi panyampaian ingkang kirang prayogi. Wassalamualaikum warahmatullahi wabarakatuh.