Cerita Wayang Mahabarata Singkat Bahasa Jawa dari Awal Sampai Akhir Lengkap

Santanu mangkono raja kang kondhang kaloka jalaran kasil dadekake Kuru ditampa dening Hastinapura. 

Santanu banjur palakrama kalawan Dewi Gangga, nanging ora ditrimakake dening bumi mula Dewi Gangga ninggalake Santanu, sabab bumi ora nampa. 

Senadyan mangkono, Santanu lan Dewi Gangga wus duweni turun pitung putra. Nanging, kabeh putranipun mau dilarung ing begawan Gangga kanthi alesan menawa kabeh putra mau katiban kutuk.

Beja anak ragil isih bisa diselametake Santanu lan diwenehi nama Dewabrata utawa Bisma.

Amerga dhewean, Santanu banjur dhaup kaping pindho kalawan putri abdi kang namanipun Dewi Setyawati.

Kedadeyan kuwi kang dadi jalaran Dewabrata ngocap sumpah menawa ora bakal rabi, kanggo njaga negara supaya ora nganti crah mungsuh putra saka ibu kuwalone.

Saka kramanipun kalawan Dewi Setyawati, lair putra loro kang nama Citranggada lan Wicitrawirya.

Dewabrata banjur lelungan, melu salah sijining sayembara amerga kautus dening ramane. Ing sayembara kuwi, Dewabrata kasil menang lan duwe hak rabi kalawan telung putri ing antarana Ambalika, Amba, lan Ambika.

Dewi Amba tresna banget marang Dewabrata, nanging Dewabrata ora bisa nampa katresnan Dewi Amba amerga wus duweni prasetya ora rabi selawase.

Dewi Amba kang sedih banjur ngocap sumpah suk mben Dewabrata ora bakal mati kajaba amerga titising Dewi Amba dhewa.

Lairing Pandawa lan Kurawa

Cerita wayang Mahabarata banjur mili tekan lairing Pandawa lan Kurawa. Prabu Santanu mundur keprabon.

Ingkang ganti yaiku Citranggada, nanging Citranggada ketemu pati ing umur enom. Wicitrawirya ora bisa dadi raja amerga ora duwe wenang, tur ora bisa rabi amerga wis tuwa.

Mula Wicitrawirya ngutus bojo lorone Citranggada yaiku Ambalika lan Ambika kanggo nemoni Begawan Abyasa supaya entuk berkat putra kanggo nerusake Kraton.

Ing senthong Begawan Abyasa mawujud cahya sumunar, Dewi Ambalika lan Ambika diwenehi prentah supaya ora mbuka mripat luwih dhisik, lan ora merem kesuwen.

Nanging, Ambika kesuwen anggone merem, mula duwe putra kang wuta, kang nama Drestarastra. Sawalike, Ambalika kecepeten anggone buka mripat, mula duwe putra kang pakulitane pucet lan duweni nama Pandu.

Jalaran Drestarastra wuta, mula Pandu kang dadi Raja. Nalika dadi Raja mau Pandu rabi kalawan Dewi Kunti lan Dewi Madrim.

Cilaka, Pandu nglakoni salah marang Dewa amerga wus marai salah siji pawujudan Dewa kelaran jalaran dipanah. Metu supata saka Dewa menawa Pandu menawa palakrama bakal mati.

Pandu dilalah lali marang supata mau, banjur nglakoni palakrama kalawan Dewi Madrim, wekasane Pandu mati.

Welasing Dewa, Kunti lan Madrim tetep duwe putra amerga pitulungan wewacan donga saka Begawan Abyasa.

Saka Dewi Kunti ana putra kang nama Yudhistira, Werkudara, lan Janaka. Saka Dewi Madrim lair putra kembar Nakula lan Sadewa.

Ing liya crita, Drestarastra kang wuta kasil bisa rabi kalawan Dewi Gendari. Nanging Drestarastra lan Dewi Gendari kangelan duweni anak.

Mula Dewi Gendari tirakat marang Dewa saengga entuk nugraha duwe anak nganti 100 cacahe, anak kang banjur kaaran Kurawa.

Wiwitaning Baratayuda Pandawa lan Kurawa 

Nalikanipun Prabu Dewanata seda, Destarata gantosi dados panguwaos. Ananging sakyetosipun ingkang garwa inggih Dewi Gendari kalian Paman Sengkuni ingkang kathah paring kaputusan ing nagarinipun. 

Saking nurutipun Drestarasta marang garwa lan pamanipun, piyambakipun purun maringaken makutha dateng putranipun inggih Prabu Suyudana. 

Dewi Gendari kaliyan Sengkuni wiwit paring alangan kagem Pandhawa supados purun tilar saking nagari Ngastina. 

Bale Sigala-gala

Ingkang kaping kapisan, Prabu Suyudana utawi asma lintunipun Prabu Duryudana punika nyuwun para Pandhawa kagem manggen wonten ing Bale Sigala-gala sedanten. 

Sedyanipun inggih kagem ngobong Pandhawa ingkang wonten ing lebetipun Bale punika. Ananging Paman Widura paring curiga, saengga saged paring warta tetenger kagem Pandhawa. 

Amargi mangertosi sedyanipun Duryudana, Pandhawa lajeng damel terowongan kagem medal saking Bale Sigala-gala ugi saged slamet saking pati obong. 

Pandhawa Dadu

Bibar nglangkungi prastawa ingkang mekaten, sesampunipun saged ngalih saking Bale. Pandhawa wiwit damel nagari piyambak ing tlatah Amarta. Sedayanipun gugur gunung bangun nagari ingkang prasaja.

Mangertosi Pandhawa saged bangun nagari piyambak, para Kurawa tansah kuwatir. Banjur dipun biyantu kaliyan Paman Sengkuni kagem damel sisayat malih.

Pandhawa dipun tantang main dhadhu ingkang kawon kedah maringaken nagarinipun. Anggenipun main radi wulet amargi saking Kurawa dipun biyantu dening Sengkuni ingkang banter anggenipun nganggit cara.