Contoh Deskripsi Kebaya, Sanggul, Jarik, dan Blangkon dalam Bahasa Jawa

2. Sanggul

Untuk contoh deskripsi kebaya, sanggul, jarik, dan blangkon, yang menjadi contoh kedua adalah sanggul. Umumnya yang mengenakan sanggul adalah kaum perempuan. Berikut paparan tentang deskripsi sanggul menggunakan bahasa Jawa.

Sanggul mujudake barang kang lumrah lan tansah digunakake ing saben dinane wanita jaman biyen.

Jinise sanggul dhewe maneka werna, nanging ana sawetara jinis sanggul khas Jawa sing duwe makna beda-beda.

Salah sijine yaiku sanggul Ukel Konde sing asale saka Solo, Jawa Tengah. Putri Solo, nalika isih remaja lan diwasa, umume rambute diure utawa dijarake tanpa digelung (disanggul).

Nanging, nalika lagi arep nindakake kegiyatan, dheweke bakal nglebokake rambute ing sanggul.

Sanggul Ukel Konde asring digawe ing acara resmi ing Indonesia, lan dadi sanggul tradisional sing populer nganti saiki.

Kajaba iku, ana sanggul Ukel Tekuk sing umume digunakake ing lingkungan Kraton Jogja. Wiwit saka permaisuri, selir, putri raja, nganti para emban.

Sanggul Ukel Tekuk wujude meh padha karo sanggul Ukel Konde. Bedane mung ing penganggone aksesoris lan model busana sing digawe.

Wong wadon sing nganggo sanggul tegese wis gedhe. Sanggul Ukel Tekuk nglambangake bocah wadon kaya kembang sing lagi mekar.

Amarga dianggep wis dhiwasa banjur diajab bisa nindakake jejibahane, saha pantes dados ibu.

Jinis liyane yaiku sanggul Ukel Ageng. Wujude sanggul iki saemper kupu-kupu perang. Sanggul jinis iki biyasane digunakake wanita enom, sanggul digawe nganggo aksesoris pandan.

Sauntara, kanggo wanita diwasa, sanggul Ukel Ageng digabungake karo kembang mawar lan kenanga. Dene wanita sing wis nikah, sanggul kasebut nganggo rerenggan mawar lan melati.

Ing jaman biyen wong Jawa percaya yen kupu kang mencok ing rambut (mligine kupu kuning) minangka pratandha yen rejeki sarta kabegjan bakal ditampa kang duwe rambut.

Baca Juga :

15 Contoh Tembang Kinanthi Tema Lingkungan dan Kesehatan beserta Artinya

Jinis sanggul salajenge yaiku sanggul Bokor Mengkurep sing umume digunakake penganten putri. Bentuke kaya mangkok mengkurep.

Sanggul direnggani irisan godhong pandan banjur dinam. Sawise kuwi ditutup karo kembang mlathi sing dironce.

Campuran antarane pandan lan melati bakal nyebar gandha religius. Gandha wangi iki mujudake pangajab supaya calon penganten putri saged mbekta nama ingkang sae lan mupangat kanggo masyarakat lan dhirine pribadhi.