5+ Contoh Sambutan Ketua RT Acara 17 Agustus Bahasa Jawa Singkat dan Jelas

Contoh 3 Sambutan Bahasa Jawa Ketua RT Singkat dan Jelas 

Asssalamualaikum Wr. Wb. Ingkang kinurmatan bapak RW ….

Para Bapak, para ibu ugi para sedherek nem ingkang minulya ugi kula tresnani.

Ingkang sepisan, sumangga kita sesarengan ngonjukaken raos puji sokur dhumateng ngasanipun Gusti Ingkang Maha Kuwaos ingkang tansah paring kasarasan dhumateng kita sedaya saengga wekdal punika kita saged kempal ing papan ngriki kanthi sehat sarta boten kirang satunggal punapa.

Salajengipun, kula ugi badhe ngaturaken sugeng rawuh dhateng adicara malam tirakatan kamardhikaan Indonesia ingkang kaping 80.

Para Bapak saha ibu sarta sedherek kaneman ingkang kinurmatan, kados sampun ingkang kita mangertosi sesarengan bilih tanggal 17 Agustus 1945 kepengker, nagari kita Indonesia kasil mroklamasikaken kamardhikan.

Lumantar proklamasi ingkang kawaos dening dwi tunggal inggih punika Ir Soekarno lan Mohammad Hatta, nagari kita saged mardhika saking bangsa penjajah.

Salebeting adicara malam tirakatan punika kita boten badhe nirakati supados kamardhikan ingkang kita raosaken samenika tansah lestari salaminya.

Nanging ugi badhe kintun donga tumrap sedaya para pahlawan ingkang sampun kersa ngurbanaken nyawa kagem ngupayakaken kamardhikan ingkang kita raosaken saniki.

Mugi-mugi kanthi kintunan donga saking kita, Gusti Allah tansah kersa paring pangaksama dhumateng sedaya arwahipun para pahlawan.

Boten niku mawon, mugi-mugi kita ugi tansah dipunparingi kekiyatan kagem njagi kamardhikan niki supados tetep lestari.

Wasana, cekap semanten ingkang saged kula aturaken. Bilih wonten lepating kocap utawi tumindak ingkang kirang mranani salebeting manah panjenengan. Kula nyuwun agunging pangaksama.

Matur nuwun saking wekdal sarta kesempatan ingkang sampun diparingaken. Wassalamualaikum warrahmatullahi wabbarakatuh.

Baca Juga :

9 Contoh Sambutan Upacara Hari Kartini di Sekolah 2026 Singkat dan Jelas

Contoh 4 Sambutan Bahasa Jawa Ketua RT Singkat dan Jelas

Assalamualaikum warahmatullahi wabarakatuh.

Para pinisepuh saking dhukuh [nama wilayah] ingkang tansah dhahat kinurmatan, ugi para warga [nama wilayah] ingkang tansah kula tresnani.

Sepisan, sumangga sesarengan kita aturaken puji sokur dhumateng Gusti Ingkang Maha Wikan ingkang sampun paring kathah sanget kenikmatan tumrap kita sedaya.

Amargi namung saking rohmat ugi kasarasan saking Gusti Allah Ingkang Maha Asih, kita taksih kagungan wekdal sarta kalodhangan saged kempal ing papan punika kanthi bagas, waras, boten kirang setunggal punapa.

Boten kesupen sholawat ugi salam mugya tansah konjuk dhumateng junjungan kita sedaya inggih punika Kanjeng Nabi Muhammad SAW ingkang sapangatipun tansah kita rantos ing dinten kiyamat mangke.

Para rawuh, kita kempal dalu punika kagem nindakaken malem tirakatan 17 Agustus. Ancasipun adicara punika kagem ngeling-eling lelabuhanipun para pahlawan ingkang sampun ngurbanaken jiwa lan raganipun kagem ngrebut kamardhikan ingkang kita raosaken saniki saking para penjajah.

Para rawuh kamardhikan Indonesia ingkang taun punika sampun ngancik 80 warsa punika sanes pawewehanipun bangsa sanes.

Nanging, para pahlawan kita ingkang sampun ngupayaken piyambak. Mula saking niku, saniki tugas kita sareng njagi supados kamardhikan niki tansah saged lestari.

Proklamasi ingkang sampun kawaos 80 warsa kepengker punika sejatosipun sanes pungkasanipun perjuangan.

Amargi taksih kathah sanget tugas ingkang kedah kita tindakaken kagem nglajengan gegayuhanipun para pahlawan.

Kita tansah kedah makarya sesarengan kanthi guyub lan rukun supados kamardhikan ingkang sampun kalampahan saged ndadosaken gesang kita dados langkung sae.

Sanese niku, taksih kathah sanget pihak-pihak tartamtu ingkang kepengin mirsani kita cengkar saengga kamardhikan ingkang kita raosaken saged kabasmi.

Mula saking niku, sumangga dalu punika kita tansah ngraketaken malih paseduluran supados boten gampil cokrah kaliyan sedherek piyambak.

Boten kesupen, sumangga dalu punika kita ngirim donga dhumateng para pahlawan ingkang sampun marak sowan ing ngarsanipun Gusti Allah.

Mugiya kanthi donga ingkang kita kirim saged ndadosaken tumurunipun pangaksama saking Gusti Allah tumrah kaluputan ingkang sampun dipuntindakaken dening para pahlawan kita.

Wasana, cekap semanten ingkang saged kula aturaken, pramila wonten lepating atur, kula nyuwun agunging pangaksami.

Wassalamualaikum warahmatullahi wabarakatuh.