5 Contoh Teks Eksposisi Gamelan Bahasa Jawa dan Strukturnya Lengkap

2. Piguna Liya saka Gamelan

Tesis

Gamelan mujudake piranti musik sing mesthi ana ing saperangan gedhe kesenian ing Jawa. Saliyane ana ing pagelaran wayang. Gamelan uga bisa ditemokake ing kesenian liyane kayata ludruk, kethoprak, macapatan lsp.

Sairing lumakune wektu lan anane owah-owahan jaman. Pigunane gamelan ora mung kanggo ngiringi kesenian kang wis sinebut ing dhuwur.

Nanging ing jaman saiki gamelan wiwit digunakake kanggo sarana medhitasi utawa kanggo piranti pemulihan batin.

Anane piguna liya saka gamelan iki kang ndadekake akeh bangsa-bangsa manca sinau cara mainake gamelan.

Kanthi bisa mainakake gamelan sacara becik. Wong-wong saka manca iki kepengin ndadekake swara kang diasilake gamelan kanggo ngobati stress utawa kanggo kanca nalika nindakake medhitasi.

Argumentasi

Surasa ayem nalika ngrungokake gamelan nalika dimainake mujudake salah siji alesan wong saka bangsa akeh sing kepengin bisa mainakake gamelan sacara bener.

Senajan katone gampang, sejatine main gamelan iku kalebu angel. Pawongan kang kepengin bisa mainake gamelan sacara bener.

Saliyane bisa maca notasi gamelan kanthi bener. Pawongan iku uga kudu bisa lan ngerti tempo. Sawise bisa kekarone pawongan mau mesthi bisa main gamelan kanthi bener.

Gamelan kang dimainake sacara bener bakal nuwuhake rasa kepenak sarta rasa tentrem kanggo sing mirengake.

Baca Juga :

Contoh Teks Eksposisi Tentang Ekonomi beserta Strukturnya yang Baik dan Benar

Wis akeh banget wong saka njero lan manca negara sing ngrasa ayem lan ilang strese nalika keprungu swara gamelan kang ngrangin.

Surasa ayem lan tentrem kalane mirengake gamelan iki kang ndadekake akeh wong manca negara padha kepingin bisa main gamelan. Pamrihe yen wis bisa mainake gamelan.

Pawongan mau bakal ngenalake metode ngubati stres nganggo gamelan ing negara asale.

Reiteration

Anane para bangsa manca negara kang sinau gamelan iki nyatane ora mung nuwuhake rasa mongkog ing batin nanging uga rasa miris kanthi bebarengan.

Rasa mongkog iku tuwuh jalaran weruh kesenian lokal disenengi wong akeh nganti wong saka manca negara.

Dene rasa miris tuwuh jalaran weruh ana kasunyatan nalika akeh wong manca negara sing nyinaoni gamelan.

Generasi mudha sing kudune njaga kelestariane malah luwih seneng lan khurmat marang budaya manca.

Malah ora sethithik kang ngasorake utawa ngrasa isin karo budaya lan tradisine dhewe tinggalan leluhure.

3. Sejarah Notasi Gamelan

Tesis

Gamelan ngono mujudake salah sawijining kesenian asli Indonesia. sajroning gamelan dhewe tinemu maneka alat musik kayata demung, kendang, saron, slenthem, gong, lan sapanunggalane.

Gamelan kang ana ing Indonesia iki bisa dibedakake dadi telu yaiku gamelan sunda, gamelan bali, lan gamelan Jawa. saben-saben gamelan iku mau nduweni titikan dhewe-dhewe.

Argumentasi

Yen ngomongake gamelan Jawa mesthine ora bisa diuwalake saka laras kepatihan. Iki disebabake gamelan laras kepatihan iki ana sambung rapete klawan panulisan notasi gamelan iku dhewe ing era modern.

Jaman saiki notasi gamelan dhewe wis nggunakake notasi angka. Ananging sapa ngira yen notasi angka sing digunakake ing dina iki kanggo mainake gamelan nyatane nduweni sejarah dhewe kang cukup dawa.

Sadurunge nggunakake notasi wujud angka kaya wektu iki notasi gamelan iku wujude garis-garis sing mirip klawan sandhi morse.

Amarga wujude isih garis-garis, cetha wae ing wektu iku gamelan isih kapetung angel anggene mainake.

Kahanan sing kaya mangkene iki tansah ndadekake Kanjeng Raden Mas Wreksodiningrat kegugah atine kanggo nindakake sawetara panliten amrih kepriye gamelan mau gampang disinaoni.

Nalika nindakake panliten mau Kanjeng Raden Mas Wreksodiningrat isih njabat dadi Kaliwon Sewu ing ndalem Kepatihan Kraton Kasunanan Surakarta lan isih nganggo jeneng Raden Ngabehi Jayasudira. Anggone nindakake panliten iki watara taun 1890 M.

Reiteration

Lumantar paneliten lan sumbangsihe Kanjeng Raden Mas Wreksodiningrat iki kang wusanane njalari ndadekake wong luwih kepenak anggene sinau gamelan.

Baca Juga :

Contoh Teks Eksposisi di Koran atau Majalah dalam Bahasa Indonesia

4. Peran Gamelan ing Upacara Adat Jawa

Tesis

Gamelan ora mung dadi piranti musik kanggo hiburan utawa pagelaran seni, nanging uga nduweni peran wigati sajrone upacara adat Jawa.

Wiwit saka upacara mantenan, mitoni, nganti ruwatan, gamelan mesthi dadi piranti utama kanggo ngiringi prosesi kasebut. Ing budaya Jawa, swara gamelan dianggep nduweni daya magis kang bisa nggawa ketenangan lan kesakralan ing saben upacara.

Tembung “gamelan” dhewe asalé saka tembung “gamel” kang tegesé nyawiji utawa kerja bareng. Teges kasebut cocog banget karo maknane sajrone upacara adat, amarga gamelan nggambarake kebersamaan antarane manungsa lan alam semesta.