5 Contoh Ringkasan Cerita Legenda Bahasa Jawa Terpopuler secara Singkat dan Jelas

Apakah kamu tahu apa saja legenda terpopuler di Indonesia? Pada artikel ini, Mamikos akan memberikan contohnya dengan menggunakan bahasa Jawa. Simak dengan cermat, ya.

4 Desember 2025 Zuly Kristanto

Pepinginane Jaka Pandelegan iki ditampa apik karo Ki Gedhe Penanggungan. Mung wae Ki Gedhe Penanggungan duwe syarat, syarate yaku Jaka Pandelegan kudu gelem dirabekake karo Dewi Walangangin.

Sidane Jaka Pandelegan lan Dewi Walangangin rabi. Sawijining dina Jaka Pandelegan lan Dewi Walangain pamit marang Ki Gedhe Penanggungan.

Kekarone pamit merga pengin urip mandhiri. Sadurunge anak lan mantune lunga, Ki Gedhe Penanggungan menehi sangu kang wujude gabah.

Sawise menehi gabah, Ki Gedhe Penanggungan pesen marang anak lan mantune supaya mbesuk yen wis dadi wong sugih gelema aweh pambiyantu marang sapa wae kang mbutuhake.

Cekake crita, sawetara wektu candhake Jaka Pandelegan lan Dewi Walangangin kasil dadi wong sugih banget. Emane, masia sugih kekarone cethil banget. Sasat babar pisan ora gelem sedekah marang wong sing mbutuhake.

Sawise krungu tumindak anak lan mantune kang kurang apik. Ki Gedhe Penanggungan pengin ngelingake.

Sawijining dina Ki Gedhe Penanggungan nemoni anak lan mantune kang lagi makarya ing sawah,. Senajan wola-wali diundang jenenge, nanging anak lan mantune tetep ora nggape.

Saking jengkele Ki Gedhe Penanggungan banjur ngomong, “Wong kok kaya candhi, diceluk ora gelem semaur.”

Dumadakan langit dadi peteng lan bledheg nyamber-nyamber. Sawise kedadeyan kuwi Jaka Pandelegan lan Dewi Walangangin malih dadi candhi. Merga manggone ing cedhak tanduran pari. Candhine banjur dijenengi candhi pari.

Contoh Ringkasan Cerita Legenda 4

Legenda Tangkuban Perahu – Jawa Barat

Ing jaman biyen ana sawijining wanita ayu jenenge Dayang Sumbi kang nduweni anak lanang aran Sangkuriang. Amarga sawijining kedadeyan, Sangkuriang diusir saka omahé lan lunga tanpa ngerti yen Dayang Sumbi iku ibune dhewe.

Sawise pirang-pirang taun, Sangkuriang bali lan ketemu karo Dayang Sumbi sing isih katon enom amarga kasektene. Sangkuriang banjur gandrung lan kepengin nglamar Dayang Sumbi.

Dayang Sumbi kaget amarga ngerti yen Sangkuriang iku anaké dhewe. Kanggo nolak kanthi alus, Dayang Sumbi menehi syarat supaya Sangkuriang nggawe prau lan bendungan mung sajrone sak wengi.

Kanthi bantuan makhluk alus, Sangkuriang meh rampung ngrampungake tugase. Dayang Sumbi banjur ngapusi supaya katon kaya wis esuk.

Amarga nesu, Sangkuriang nendhang prau sing durung rampung mau nganti malih dadi gunung kang saiki dikenal minangka Gunung Tangkuban Perahu.

Contoh Ringkasan Cerita Legenda 5

Legenda Rawa Pening – Jawa Tengah

Ing jaman biyen ana bocah ala rupane nanging sejatine duwe kasekten jenenge Baru Klinthing. Dheweke ditolak nalika teka ing sawijining desa amarga wujude sing ora nyenengake.

Sawijining dina Baru Klinthing nancepake lidi ing tengah desa lan nantang sapa wae supaya narik lidi mau. Nanging ora ana siji wae warga sing bisa nyabut.

Nalika Baru Klinthing dhewe sing nyabut, dumadakan metu banyu banter banget saka bolongan kasebut nganti nyirnani sakabehe desa. Para warga sing biyen nylepehake bocah mau padha mati kleleb.

Mung ana siji wong tuwa sing slamet amarga wis welas asih marang Baru Klinthing. Banyu sing nggenangi desa mau banjur dadi Rawa Pening.

Legenda iki mulangake supaya manungsa aja tumindak sombong lan tansah nduweni rasa welas asih marang sapadha-padha.

Demikianlah beberapa contoh ringkasan cerita legenda yang ditulis dengan bahasa Jawa. Semoga artikel ini semakin menambah wawasanmu mengenai legenda yang ada di Indonesia.