5 Contoh Teks Sambutan Ketua Panitia Halal Bihalal Bahasa Jawa Pendek 2026

Contoh Teks Sambutan Ketua Panitia Halal Bihalal Bahasa Jawa 2

Baca Juga :

10 Contoh Kata Sambutan Ketua Panitia Singkat Berbagai Kegiatan yang Bisa Jadi Inspirasi

Assalamualaikum warahmatullahi wabarakatuh

Sugeng enjing para rawuh ingkang kinurmatan

Kagem para tamu undangan ingkang nembe rawuh. Sumangga kula aturi supados pinarak kanthi jenak lenggahan ing papan ingkang sampun kasedhiakaken dening Pak Sapari sakulawarga.

Bapak saha ibu undangan trah Purnomonadi. Tepangaken kula Bayu Agni minangka ketua panitia temu kangen ugi Halal Bihalal Trah Purnomonadi.

Para rawuh saderenge lumebet dhateng adicara inti, sumangga sesarengan kita ngonukaken puji syukur dhateng ngarsanipun Allah SWT ingkang sampun paring rahmat, hidayah, karunia, lan nikmatipun ingkang mboten nate saged kita etang.

Amargi ing dinten puniki kula dalah panjenengan sedaya tansah dipunparingi kesarasan ugi kalodhangan kagem rawuh ing adicara halal bihalal trah punika.

Kaping kalihipun solawat sarta salam kita tansah kita konjukaken dhateng junjungan kita Kanjeng Nabi Muhammad Rasulullah SAW, kaluwarganipun, sahabatipun , lan para pengikutipun.

Bapak, ibu, sarta para mitra ingkang kula tresnani. Kita nyawiji raos ing dinten ingkang suci punika kagem ngempalaken balung pisah.

Mugya kanthi rawuh ing adicara punika kita boten kepaten obor saengga paseduluran trah saking Purnomonadi tansah jinaga ngantos dinten samangke.

Para rawuh sadangunipun kita nindakaken pasrawungan ing alam padhang punika. Samesthinipun wonten kalepatan ugi wonten tumindak sarta tata tutur ingkang kirang mranani ing manahipun tiyang sanes.

Mugi-mugi ing dinten ing kebak asih punika, kita saged pinaringan dhadha ingkang jembar pindha samudra kagem paring pangaksama dumateng sedaya kalepatan ingkang nate katindakaken.

Saengga ing dinten salajengipun kita tansah saged sayuk rukun kados welingipun Mbah Purnomonadi ing jaman gesangipun.

Para rawuh kula nyuwun pandonganipun supados adicara dinten punika saged lumampah kanthi lancar tanpa wonten setunggal alangan punapa kemawon.

Saliyane wonten halal bihalal adicara dinten punika ugi bakal karegengaken klawan maneka adicara, salah satunggalipun adicara campursari.

Kagem para rawuh ingkang kersa paring sumbangan swanten. Saged minggah dhateng panggung kagem nembang.

Salajenge, ing ngajeng panjenengan sampun kasadhiakaken maneka dhaharan ugi uniman. Sumangga para rawuh saged ngrahabi suguhanipun ingkang mengku damel.

Para rawuh, kula kinten cekap semanten rumiyin atur kula. Menawi wonten kirang sarta langkungipun kula nyuwun samudraning pangaksami.

Wassalamualaikum warrahmatullahi wabbarakatuh.

Baca Juga :

13 Contoh Teks Sambutan Tuan Rumah Bahasa Jawa Singkat dan Halus Berbagai Acara

Contoh Teks Sambutan Ketua Panitia Halal Bihalal Bahasa Jawa 3

Assalamualaikum warahmatullahi wabarakatuh

Sugeng rawuh para mitraku saking alumni SMA 1 Ngunut taun 2005. Kita makempal dinten punika ing dalemipun Mas Dahri kagem reuni sarta nindakaken halal bihalal.

Para mitraku, saderengipun mlebet dhateng adicara inti, ingkang sepindhah sumangga kita tansah boten kesupen kagem ngonjukaken raos syukur dhumateng Gusti Allah ingkang sampun paring nikmat sarta kanugrahan tumrap kita sedaya.

Kaping kalihipun solawat ugi salam mugya tansah konjuk ing ngarsanipun Kanjeng Nabi Agung Muhammad SAW ingkang sapangatipun tansah kita rantos ing dinten kiyamat mangke.

Para mitraku sing daktresnani, minangka ketua panitia, kula matur nuwun sanget panjenengan kersa nglodhangaken wekdal kagem rawuh ing dinten punika.

Kanthi rawuhipun panjenengan ing adicara dinten punika, mugya saged ngraketaken malih tali memitran antarane kula dalah panjenengan sedaya.

Sadangunipun kita memitran, samesthinipun nate wonten kalepatan utawa raos mangkel ingkang tansah sinimpen salebeting manah.

Sumangga raos ingkang kados mekaten sageda dipun lebur ing wulan ingkang kebak welas sarta asih punika.

Para mitra, ing dinten punika Mas Dahri ugi badhe ngawontenaken syukuran awit ing lebaran taun niki panjenengane nembe pikantuk momongan.

Para mitra, kula kinten cekap semanten atur kula. Sumangga kagem Mas Dahri ingkang sajake badhe dipunaturaken.

Santen toyanipun klapa, menawi wonten tumindak sarta atur kula ingkang lepat. Kula nyuwun agungipun pangaksama.

Wassalamualaikum warrahamatullahi wabbarakatuh.