3 Cerita Pendek Bahasa Jawa tentang Kehidupan Sehari-hari yang Menarik

Panduga sing kaya ngene lair jalaran Mbak Nurul saben kepethuk tanggane mesthi ngangkat hp-ne sinambi ngomong, “Iya, Mas. Ini saya sedang repot. Nanti sebentar lagi saya akan segera meluncur ke lokasi.”

Yen tumindak sing kaya mangkono mung ditindakake pisan pindho menawa wae para tanggane Mbak Nurul ora masalahake.

Nanging merga anggene nindakake bola-bali lan bisa dikandhakake dadi pakulinan anyare Mbak Nurul.

Mesthi wae akeh para tanggane kang kepengin mangerteni sapa ta Mas sing kerep ditelpon lan nelpon Mbak Nurul mau.

Kahanan sing kaya ngono lair merga ora mungkin Mas sing kerep ngubungi Mbak Nurul iku sisihane Mbak Nurul dhewe.

Jalaran anggene Mbak Nurul nyebut sisihane nganggo sebutan Yah utawa Pah.

Gandhenge kepengin ngerti sapa ta Mas mau. Para tanggane Mbak Nurul nganti lila nindakake laku detektif kanggo meruhi sapa ta sejatine Mas mau.

Sawise nindakake laku detekjtif mau wusanane para tanggane kasil meruhi paraga Mas mau.

Samungkure ngerti tanggane Mbak Nurul orane kaget nanging malah padha ngelus dhadha.

Jalaran Mas sing kerep disebut dening Mbak Nurul iku nyatane paraga karangan.

Tanggane Mbak Nurul sing ngerti dhisik dhewe yen sing digoleki iku paraga ora nyata yaiku Mbak Wina.

Ngertine Mbak Wina babagan iku nalika piyambake blanja menyang tokone Bu Ana, mantan bose Mbak Wina. Pinuju blanja iku mau Mbak Wina sempet ngrembug Mbak Nurul.

“Bu, si Mbak Nurul kae hlo kok dakdelok-delok sawise kerja nganti sampeyan pecat kok dadi rada seje ngono?” takone Mbak Wina menyang Bu Ana.

“Seje piye hlo, Jeng?” semaute Bu Ana semu takon.

“Kae hlo saliyane seneng brai Mbak Nurul uga sering banget telpon-telponan nganggo basa Indonesia. Gek yen nelpon katone mesra banget.”

“Mengko gek-gek bojone dhewe?”

“Ora. Hla, kae yen ngundang bojone nganggo tembung ayah, je. Mosok saklawase kerja nyang kene. Mbak Nurul ora nate ngangkat telpone?”

“Yen kuwi kerep. Eh, Jeng, apa pas nelpon iku mau Mbak Nurul sempet nyebut mie ayam ceker ngono?”

“Ho oh, Jeng. Mas sing dikarepake kuwi wong ngendi ta? aku kok penasaran kaya ngapa wonge.”

“Ealah yen Mas sing kuwi ora nyata. Kuwi mung karangane Mbak Nurul wae.”

“Sik..sik… aku kok ora mudheng. Piye maksude?”

“Maksude ngene anggene telpon Mbak Nurul kuwi ora tenanan. Dheweke mung nggaya nelpon wae supaya dianggep wah. Ngertiku ngene iki merga nalika kerja ing kene nalika Mbak Nurul lagi nelpon klawan Mas sing ceker ayam kuwi telpone dakrebut. Ing wektu kuwi aku sempet muni-muni maneka werna sing wose supaya ora ngganggu karyawanku ing jam kerja. Saiba isinku sawise aku muni-muni nganti gorokanku asat. Jebule hp-ne si Mbak Nurul iku ora dienggo nelpon lan mung disetting murub layare wae.”

“Tapi mosok ora tenanan ta, Bu. Hla, telpone kaya tenanan?”

“Yen sampeyan ora percaya coba sampeyan gatekke temenan!”

Diomongi kaya ngono Mbak Wina manut. Liya dina nalika Mbak Nurul nindakake pakulinan anyare.

Mbak Wina ngulati hp-ne Mbak Nurul kanthi temenan. Mbuh iku dina apese Mbak Nurul merga lali ora nyetting hp-ne apa piye, sing cetha kalane Mbak Nurul nelpon layar hpne mati.

Kahanan sing kaya ngene iki ndadekake wetenge Mbak Wina lan sawetara tanggane kang melu nonton tanggane liyane ngguyu cekikikan nganti mules wetenge.

Merga ana sing aneh Mbak Nurul banjur nguwisi anggene nelpon lan nonton hp-ne.

Samungkure ngerti yen dheweke durung nyetting hp-ne. Mbak Wina langsung mbrabak abang raine merga isin jalaran sandhiwara sing sasuwene iki ditindakake kabukak.

Gandhenge ora kuat ngempet isine. Mbak Nurul langsung nyetater motore lan nggelak motore sakayange. Niyate arep pamer kok malah klencutan dhewe.

Baca Juga :

Mengenal Contoh Kaidah Kebahasaan Teks Ulasan beserta Ciri-cirinya Lengkap

Contoh Cerita Pendek Bahasa Jawa tentang Kehidupan Sehari-hari 3

Ula Mlebu Clana

Kedadeyan lucu iki dialami dening Mas Bambang rikala nindakake praktek ngajar utawa PPL ing Tuban sawetara taun kepungkur.

Wektu iku motore Mas Bambang disilih dening kancane kang sebut wae jenenge Mas Dharaka dolan menyang alas. Anggene Mas Dharaka dolan menyang alas wiwit esuk nganti tekan sore.

Ya gara-gara sepedhah motore dienggo dolan menyang alas iki Mas Bambang ngalami kedadeyan sing lucu nanging medeni.

Critane ngene, dina candhake sawise Mas Dharaka mbalekake sepedhah motor kang disilih. Sepedhah motor iku mau digawa Mas Bambang ngajar ing papane PPL-e.

Kebeneran dina kuwi anggene Mas Bambang budhal menyang sekolahan kang digunakake PPL kawanen. Merga budhale kawanen Mas Bambang ora kebageyan papan parkir kang iyup.

Kahanan iki njalari Mas Bambang markirake sepedhah motore ing parkiran kang ora ana iyup-iyupe.

Rampung markirake kendharaane Mas Bambang langsung mlebu menyang ruwangan kang digunakake posko kanggo para mahasiswa kang PPL ing sekolahan kasebut.

Dina kuwi Mas Bambang kebageyan praktek ngajar rampung ngaso. Saengga esuk kuwi Mas Bambang isih bisa leren sinambi nyepakake materi kang bakal dienggo ngajar.