3 Cerita Pendek Bahasa Jawa tentang Kehidupan Sehari-hari yang Menarik

Ing nyepakake materi kanggo mulang Mas Bambang keprungu swara kang rame banget saka arah parkiran.

Mas Bambang langsung menyat saka lungguhe lan jumangkah metu saka posko kanggo nlesih apa sing sabenere dumadi.

Tekan njaba Mas Bambang kaget banget merga sepedhah motore dienggo rubungan wong akeh. Sing ngrubung sepedhah motore Mas Bambang ora mung siswa kang sekolah ing kono wae.

Nanging uga para guru lan kanca-kanca PPL-e. Malah katon Mas Roni, kancane Mas Bambang nunggal jurusan katon nyemproti sepedhah motore nganggo semprotan nyamuk.

“Iki mesthi ana sing ora beres,” batine Mas Bambang.

Mas Bambang banjur mlayu nyedhak menyang wong-wong kang ngrubung motore.

“Wonten napa niki?” Mas Bambang takon.

“Anu Mas, wonten sawer teng motor njenengan. Niku Mas Roni lagi nyemproti motore njenengan supados sawer sing wonten lebete motore njenengan kersa medal,” wangsulane Mbak Novi salah siji kanca PPL-e Mas Bambang.

Emane masia wis disemproti nanging ula sing dikarepake tetep ora gelem metu. Gandhenge ulane ora metu-metu Mas Roni sing nyemproti iku mau nyerah.

“Sampun mawon, Mas. Menawi mawon samenika sawere pejah dhateng lebet. Mangke motore kula betane dhateng bengkel supados bathange didalaken,” ujare Mas Bambang.

Apa sing dikandhakake Mas Bambang iki ndadekake Pak Roni ngendhegake upayane ngetokake ula saka sepedhah motore kancane.

Wektu Mas Roni ngendhake upayane sing ana ing kono mung Mas Roni lan Mas Bambang wae.

Para siswa sing mau nonton wis bali menyang jero kelas lan guru sing melu nonton uga wis bali menyang ruwang guru.

Sawise kuwi Mas Bambang lan Mas Roni bali maneh posko PPL maneh. Wektu terus lumaku lan ora ana siji-sijia kedadeyan sing nganeh-anehi.

Kedadeyan sing nganeh-anehi lagi dumadi kalane Mas B bali saka sekolahan.

Nalika tekan bulakan (sawah amba) kidul sekolahan kang digunakake kanggo PPL.

Mas Bambang ngrasakake ana sing gremet-gremet ing kenthole. Mas Bambang banjur noleh mengisor. Mas Bambang kaget setengah mati nalika nyawang mengisor.

Mas Bambang weruh ana buntut ula werna ireng sing nglewer saka clanane sisih tengen.

Masia kaget campur wedi nanging untunge Mas Bambang bisa ngendhaleni dhiri. Mas Bambang banjur minggir lan kanthi ngati-ati lungguh sinambi njujurake sikile sisih tengen. 

“La…Ula… kowe metua ya! Omahmu dudu ing kene,” ujare Mas Bambang sinambi terus ngobahake sikile sisih tengen kanthi alon.”

Mas ngobahake sikile sisih tengen iku mau supaya sing mlebu ing clanane enggal metu. Untunge ula iku mau kaya ngerti kang dikarepake Mas Bambang. Ula mau banjur metu saka clanane Mas B.

“Alhamdulillah sing mlebu clanaku iki mau jebule isih klebu jinis ula sawah. Dadi masia mau aku kecokot ora mbebayani. Ning untunge saiki wis rampung kabeh urusane,” ujare Mas Bambang ora suwe saka metune ula saka clanane.

Sawise kuwi Mas Bambang nerusakake lakune.

“Mbang, motormu tak bongkare ya? Iki aku wis oleh silihan alat kanggo mbongkar motormu ” takone Mas Roni.

“Ora usah,” wangsulane Mas Bambang cekak.

“Hla, ula sing ing jero sepedhah motormu apa wis metu?”

“Wis.”

“Kapan?”

“Sik tas wae. dheweke metu nalika aku perjalanan mulih mau. Malah dheweke sempet mampir mlebu ing clanaku mbarang,” wangsulane Mas Bambang sinambi nyopot sepatune.

Wiwitane Mas Roni nganggep wangsulane Mas Bambang guyon. Nanging bareng diyakinake yen Mas B ora guyon, orane mesakake kancane nanging Mas Roni malah ngguyu cekakaan.

“Hoallah Mbang… Mbang. Kowe kuwi kok mesakake temen. Wis njombomu kuwi kesuwen. Ora tau diampiri bocah wedok. E… bareng ana sing ngampiri malah bangsane ula. Mengko gek-gek ula sing mlebu clanamu ula wedok?” ujare Mas Roni sinambi ngguyu cekakan.

“Asemmm…. kancane apes malah seneng.

Weruh kancane mangkel Mas Roni tambah seneng lan ngguyune tansaya cekakan.

Demikianlah contoh cerita bahasa Jawa yang sumber ceritanya diambil dari kehidupan sehari-hari. Semoga artikel ini memberimu inspirasi dalam membuat cerita berbahasa Jawa.

Baca Juga :

Rangkuman Materi Buku Fiksi dan Non Fiksi Kelas 8 Bahasa Indonesia