3 Cerita Pendek Bahasa Jawa tentang Kehidupan Sehari-hari yang Menarik

3 Cerita Pendek Bahasa Jawa tentang Kehidupan Sehari-hari yang Menarik – Sebenarnya kisah-kisah yang terjadi atau dialami seseorang dalam kehidupan sehari-hari dapat digunakan sebagai sumber inspirasi dalam membuat cerita bahasa Jawa yang menarik.

Namun, perlu diingat untuk membuat kisah-kisah tersebut menjadi lebih menarik perlu dilakukan pengembangan. Sehingga ada unsur dramatis dalam cerita tersebut. 📖😊✨

Tips Menulis Cerita Pendek Bahasa Jawa tentang Kehidupan Sehari-hari

Membuat cerita bahasa Jawa yang menarik tidak harus memakai bahasa-bahasa arkais atau bahasa krama.

Kamu bisa menggunakan bahasa Jawa ngoko atau bahasa Jawa yang kamu pakai sehari-hari untuk membuat cerita buatanmu menarik.

Di bawah ini adalah contoh cerita pendek bahasa Jawa yang diambil dari kisah sehari-hari

Baca Juga :

Contoh Sinopsis Film Pendek Tentang Cinta dan Keluarga yang Menarik

Contoh Cerita Pendek Bahasa Jawa tentang Kehidupan Sehari-hari 1

Memedi Sirah

Jaman isih cilik biyen, Mas Budi pancen klebu bocah sing mbelinge kliwat. Saben duwe kekarepan ora kena dipenggak.

Saka sipate sing kaya ngene iki kang ndadekake Mas Budi kerep banget kena masalah.

Masalah sing dialami Mas Budi iki ora mung klawan sapadane manungsa wae, nanging uga klawan bangsane memedi.

Hlo, kok bisa duwe urusan klawan bangsa memedi? Critane ngene.

Ing sawijining sore, wektu iku kira-kira ngancik wayahe ngarepake adzan magrib. Mas Budi sajak ora sabar kepengin dolan menyang omahe kancane ing sawetane Tembok Baluwarti, Solo.

Wis bola-bali ibune ngajab amrih anake gelem ngenteni rampunge adzan magrib. Nanging merga watake sing ora kena dipenggak.

Apa sing dikandhakake dening ibune paribasan mung mlebu kuping tengen lan metu kuping kiwa.

Anggene ngupaya amrih anggene anake dolan dina iku mau sabubare adzan magrib, sejatine ora kurang-kurang.

Malah ibune Mas Budi sempet ngendikan, “Yen kowe metu yah mene iki, bisa-bisa  bakal ditemoni memedi hlo, Le. Apa meneh dolanmu ngliwati rumah sakit kae (jeneng salah siji RS ing Solo), kono kae kuwi dhaerahe gawat-kliwat,” marang Mas Budi.

Nanging orane wedi Mas Budi malah njawab, “Yen ana memedi sing wani ngeden-ngedeni, mbok tak pangane, bu.”

Judheg merga ora bisa menggak anake. Wekasane ibune Mas Budi ngolehi anake dolan rikala adzan ing masjid dhaerah Pasar Kliwon, Solo wiwit kumandhang.

Kanthi numpak sepedhah BMX Mas Budi dolan menyang salah siji omahe kancane. Ing wektu kuwi Mas Budi sempet ngejak kancane kang jenenge Mas Andri.

Merga dipeksa, wusanane Mas Andri gelem nyarujuki panjaluke Mas Budi. Bocah loro iku mau kanthi gendhengan numpak pedhah BMX ngliwati dhaerah sing mungguhe Mas Budi angker.

Tekan kono Mas Andri sing rada jerih anggene gocekan pundhake Mas Budi dirosani lan mripate merem dhipet lan ora kelalen sabisa-bisane ngrapal donga sing dibisani.

Mas Budi sing ngrasa kancane keweden iku, banjur nyoba nyairake swasana kanthi cara sing ora samesthine.

Mas Budi sesumbar, “Yen pancen ana dhemite. Metua! Aku ora wedi. Wani ngedeni aku, sida tak pangan kowe,” sumbare Mas Budi sinambi ngguyu cekakan.

Sabubare sumbar sing kaya ngono iku mau Mas Budi sempet ngomong maneh.

“Kowe ngerti dhewe ta, Kae hlo sawangen ora ana apa-apa ta?” ujare Mas Budi sinambi terus mancal sepedhahe.

Kanggo mesthekake apa sing dikandhakake kancane. Mas Andri banjur noleh menyang mburi.

Ning saiba kagete Mas Andri kalane noleh menyang mburi dheweke ngulati ana memedi gundul pringis kang ngoyak dheweke.

Memedi sing wujude sirah tanpa awak iku mau ngoyak bocah loro iku mau kanthi mringis, mamerake siunge.

Gandhenge keweden ngulati memedi sing ngoyak dheweke. Kanthi reflek Mas Andri langsung mencolot saka boncengane Mas Budi lan mlayu nggenthirit.

Weruh kancane mencolot lan mlayu Mas Budi bingung. Dheweke banjur noleh menyang buri.

Nanging durung nganti noleh memedi iku mau wis ing pinggire. Ngulati ana memedi tenan.

Mas Budi langsung nguncalake sepedhahe lan langsung playune Mas Andri sinambi mebngok njaluk tulung.

Apese wektu iku dhaerah kono sepi mampring jalaran wargane padha lagi menyang mesjid.

Ya merga ngalami kedadeyan sing kaya ngono iku mau kang ndadekake Mas Budi sadhar.

Wiwit dina kuwi dheweke ora kakon ati maneh. Dheweke uga dadi rada nurut marang apa sing dingendikake ibune. Jarene wani, bareng diwedeni nyatane wedi tenanan.

Baca Juga :

6 Contoh Pertanyaan Seminar Proposal yang Sering Keluar beserta Cara Menjawabnya

Contoh Cerita Pendek Bahasa Jawa Tentang Kehidupan Sehari-hari 2

Klencutan Dhewe

Sabubare nyekel hp android tilase anake. Lagak lageyane Mbak Nurul rada seje. Mbak Nurul sing biyen jarang banget nggawa hp saiki sasat ora bisa uwal saka hpne.

Apa maneh sawise piyambake tuku powebank anggene pisah klawan hp-ne sasat mung wayahe turu kepati.

Saliyane kuwi Mbak Nurul sing biyen prasaja saiki dadi gelem brai. Menyang ngendi wae lungane mesthi macak mening.

Aja maneh lunga menyang pasar, hla tuku jangan lan lawuh menyang ethek sing mandheg ing protelon kidul omahe wae Mbak Nurul macak methithit lan dadak nganggo gelang sikil.

Owah-owahan sing ditindakake dening Mbak Nurul iki mesthi wae nuwuhake maneka pitakonan lan panduga saka tangga sakiwa tengene.

Salah siji panduga sing paling banter yaiku Mbak Nurul duwe gendhakan anyar.