Contoh Artikel Eksploratif Bahasa Jawa Singkat Beserta Strukturnya

Contoh Artikel Eksploratif Bahasa Jawa

Jika kamu ingin mengetahui bagaimana contoh artikel eksploratif bahasa Jawa. Silakan simak baik-baik contoh artikel eksploratif bahasa Jawa berikut.

Akar Wangi kang Migunani

Tekane mangsa rendheng kanggone wong kang manggon ing dhaerah larang banyu mujudake mangsa kang paling diantu-antu saben taune. 

Nanging ana surasa beda kang dirasakake wong kang manggon ing perenge gunung kang wis ilang alase.

Saliyane nuwuhake rasa seneng tekane mangsa rendheng uga nuwuhake rasa sumelang.

Rasa sumelang iki tuwuh lantaran udan sing teka disumelangake bakal nekake bencana tanah longsor tumrap pawongan kang manggon ing pereng pegunungan utawa papan-papan dhuwur kang wis kelangan alase. 

Masia wis akeh cara kanggo ngawekani bebaya tanah longsor. Nanging isih sithike kesadharan masyarakat kanggo njaga kelestarian alas ndadekake tanah longsor isih kerep dumadi ing sawetara dhaerah ing Indonesia.

Sasuwene iki akeh panganggep siji-sijine cara kang bisa ngawekani bahaya tanah longsor yaiku kanthi reboisasi utawa nanduri maneh alas sing wis gundhul. 

Cara iki pancen bener nanging kanggo menehi pangribawa kaya kang dikarepake butuh wektu sing suwe.

Jalaran oyot wit sing isih anyar kekuatane isih kalah dibandingake wit gedhe.

Saengga masia wis ditanduri maneka wit papan pereng pegunungan isih durung bisa sanalika aman saka bencana tanah longsor.

Ing perangan liya sipate oyot wit-witan kang bisa nyimpen banyu. Yen gondhelane durung kuwat nemen.

Malah ndadekake dhaerah-dhaerah kang duwe kemiringan tartamtu malah mbebayani lamuna ditanduri wit-witan.

Kahanan iki disebabake banyu sing kasimpen ing jero oyot kang gondhelane durung rosa mujudake salah siji penyebab dumadine tanah longsor.