Contoh Drama Bahasa Jawa 6 Orang Tentang Lingkungan dan Kenakalan Remaja Singkat

Contoh Drama Bahasa Jawa 6 Orang Tentang Kenakalan Remaja

CCTV

Sawijining esuk Danang lan Andin ditimbali Pak Sugeng supaya menyang ruwang BK. Kekarone didakwa ngrusak piala sing ana ing kelas XII IPA

Pak Sugeng

Danang lan Andin kowe ngerti kena apa bapak utus mrene?

Danang

Boten, Pak. Kula boten ngertos.

Andin

Inggih, Pak. Kula ugi boten ngertos.

Pak Sugeng

Bapak kuciwa banget karo sakloron. Bapak kuciwa ora gelem blaka.

Danang

Blaka babagan punapa, Pak?

Pak Sugeng banjur ngetokake paial sing wis rusak.

 Pak Sugeng

Ayo saiki ngakua sapa sing kowe sakloron ta sing ngrusak piala iki? Saiki aku tak takon. Apa alasanmu ngrusak piala iki?

Danang lan Andin pandeng-pandengan

Danang

Saestu, Pak. Kula boten ngrusak.

Andin

Kula ugi, Pak. Kula ugi boten ngrusak. Kula malah nembe saniki ngertos piala kejuaraan kebersihan kelas kagungane kelas XII IPA rusak kados punika.

Pak Sugeng

Kowe bocah loro kok pancet ora blaka. Mangka Gayuh wis crita akeh. Kowe sakloron ngrusak piala iki jalaran kelasmu kalah ing lomba kebersihan kelas wingi ta?

Danang

Wah, niku boten leres Pak. Saestu kula boten ngrusak. Kula kinten Andin inggih mekaten. Kula kalih kalih Andin pancen getun boten saged menang ing lomba punika. Nanging, saestu kula boten ngantos tumindak kados ingkang tuduhaken.

Pak Sugeng

Yen dudu kowe sakloron banjur sapa? Apa mungkin pialane bisa rusak dhewe.

Andin

Dhasar napa ingkang didamel Gayuh ngantos nudhuh kula kaliyan Danang ingkang ngrusak piala menika Pak?

Pak Sugeng

Wingi Gayuh ngerti kowe sakloron metu saka kelas XII IPA sabubare sekolah bubaran. Sawise kowe sakloron ninggalake kelas XII IPA. Gayuh weruh piala wis rusak. Ana perlu apa kowe mlebu menyang kelas XII IPA?

Andin

Oh, babagan kula kaliyan Danang mlebet dhateng kelas XII IPA punika amargi kula diutus mundhutaken kaca tingal kaliyan buku kagungane Bu Resti ingkang kentun ing kelas XII IPA, Pak?

Danang

Leres ingkang dipunandharaken Andin, Pak. Upami bapak boten percados. Pripun menawi kita cek wonten CCTV ingkang kapasang wonten ngajenge kelas XII IPA. Kula kinten sinten ingkang ngrusak piala niki bakal saged dipunsumurubi.

Andin

Inggih, Pak. Kanthi mirsani rekaman ingkan wonten CCTV. Kita bakal ngertos kedadeyan ingkang satenane.

Pak Sugeng

Oh. Ide apik. Yen kaya ngono panjalukmu. Ayo melu aku.

Sauntara iku, Gayuh, Tatag, lan Deny lagi nglumpuk ing kantin sekolah.

Deny

Piye nasibe Danang lan Andin?

Gayuh

Hahahaha, bocah loro kae mesthi bakal oleh ukuman sing abot. Soale aku maeng wis omong menyang Pak Sugeng yen sing ngrusak piala neng kelase dhewe kuwi Danang lan Andin.

Tatag

Tapi, gak bahaya ta? Mangka sing ngrusak piala kuwi lak ya aku karo Deny merga kok kongkon ta, Yuh?

Gayuh

Wis, ta tenang wae. Arepa Danang lan Andin selak kaya ngapa. Pak Sugeng bakal luwih percaya karo sing dakcritakake. Apa mungkin Pakdheku dhewe ora percaya karo omonganku.

Tatag

Dadi Pak Sugeng kuwi Pakdhemu?

Gayuh

Yoii, dadi amanlah. Aku seneng banget yen bisa nyawang Danang lan Andin diukum. Soale Gara-gara bocah loro iku. Aku gagal dadi pacare Mega.

Ing papan liya, Andin, Danang, lan Pak Sugeng nonton rekaman CCTV sing ana ngarepe ruwang XII IPA.

Danang

Pak, saniki panjenengan sampun ngertos piyambak. Saking rekaman CCTV punika sampun cetha menawi sanes kula kaliyan Andin ingkang ngrusak piala.

Pak Sugeng

Iya, Danang lan Andin. Bapak njaluk sepura marang kowe sakloron. Jebule sing ngrusak piala iku Deny lan Tatag. Bocah-bocah kuwi sesuk bakale bapak celuk lan bakal bapak wenehi ukuman. Nanging, kowe sakloron gelem ngapura bapak ta?

Andin lan Danang

Inggih, Pak.

Cuthel

Baca Juga :

7 Contoh Pojok Literasi Kreatif untuk Meningkatkan Minat Baca pada Siswa

Penutup

Demikian contoh drama Bahasa Jawa 6 orang tentang lingkungan dan kenakalan remaja.

Semoga contoh di atas dapat menginspirasi kamu dalam membuat naskah drama berbahasa Jawa.