9 Contoh Naskah Drama Bahasa Sunda Pendek dan Mudah Dihafal

Contoh Naskah Drama Bahasa Sunda Pendek 4

Ratna: Teh Iis, bade angkat ka mana?

Iis: Teu katingali ku didinya? Ari tos ngangge gamis kieu mah tos pasti atuh ka pangaosan, neng.

Ratna: Pangaosan di mana, teteh?

Iis: Eta di Masjid Al-Iman. Pangaosan sasihan tea.

Ratna: Har ari teteh da pangaosan sasihan minggon payun sanes minggon ayeuna.

Iis: Nya ari ayeuna teh tanggal sabaraha, neng?

Ratna: Ayeuna mah nembe oge tanggal 25, teh Iis.

Iis: Keheula, keheula. Cing wang ningali HP teteh heula. (Cek HP). Alah bener siah. Naha di bumi teteh teu aya nu ngelingan atuh ieu teh? Ah, isin.

Ratna: Teteh ngarah teu isin teuing, linggih heula ka bumi abi. Aya oleh-oleh bapak barudak wengi tos ti dayeuh.

Iis: Alah gaya. Mawa naon, euy?

Ratna: Aya we. Hayu kalebet.

Baca Juga :

5+ Contoh Naskah Drama 6 Orang tentang Berbagai Tema Menarik

Contoh Naskah Drama Bahasa Sunda Pendek 5

Gusman: Rek kamana euy isuk-isuk geus mawa anak monyet?

Asep: Didinya mata rusak? Da ieu mah anak domba, lain anak monyet.

Gusman: Kapedean pisan. Saha oge nu nanya didinya da abi mah nanya ge ka anak domba.

Asep: Kadieu ku aing dibabad suku maneh!

Contoh Naskah Drama Bahasa Sunda Pendek 6

Nani: Mah, enjing kedah nyandak kertas lauco saur Bu Guru.

Mamah Nani: Naon?

Nani: Kertas lauco.

Mamah Nani: Iraha?

Nani: Enjing.

Mamah Nani: Naha ari kamu nembe nyario ayeuna atuh, Nani? Tingali ayeuna tabuh sabaraha. Nya engke we atuh enjing-enjing.

Nani: Amun ayeuna teu tiasa kitu, Mah?

Mamah Nani: Nani, ieu jam sapuluh wengi. Ari tokona mah aya, ngan pasti tos pada tutup atuh.

Nani: Ari enjing pasti buka?

Mamah Nani: Nya kumaha enjing we.

Nani: (Ceurik)

Mamah Nani: Teu kedah diceurikan. Tos bobo we ayeuna mah da tos waktosna bobo.

Contoh Naskah Drama Bahasa Sunda Pendek 7

Ica: (Balik ka imah bari ceurik)

Mamah Ica: Ica, kunaon balik sakola teh ceurik ngahinghing. Mawa naon eta dina panangan?

Ica: (Ceurik keneh makin gede)

Mamah Ica: Tos atuh. Kadieu ka mamah

Ica: (Nangkeup mamahna)

Mamah Ica: Eta naon geuning balik sakola teh mawa beling jaba raheut kitu ih palaur?

Ica: Ica tadi maen kasti di sakola. Terus bola nu ku Ica lempar ngeuna kana kaca kelas jadi peupeus.

Mamah Ica: Oh, kitu. Nya atos atuh teu nanaon. Kudu digantian atuh ceunah ieu teh?

Ica: Ceunah kudu, mah.

Mamah Ica: Ica gaduh artos kanggo ngagantianna?

Ica: (Ica ceurik deui)

Mamah Ica: Prank!

Ica: (Ica ceurik tambah gede)

Mamah Ica: Oh, enya atuh santai engke enjing mamah wang ka sakola sareng Ica. Ulah sieun, santei we.

Ica: Enya mamah bade ka sakola?

Mamah Ica: Enya atuh da emang kudu tanggungjawab. Teu nanaon ngarah jadi pelajaran kanggo Ica yen urang teh kudu tanggungjawab.

Ica: (Ceurik deui wae)

Mamah Ica: Eh, atos atuh. Tos ayeuna mah ganti baju terus neda.

Contoh Naskah Drama Bahasa Sunda Pendek 8

Emak: Ningsih, hudang! Tenjo ieu geus jam sabaraha?

Ningsih: (Ningsih hudang, nempo jam dinding masih jam 6 isuk jeung ieu teh poe minggu. Terus Ningsih kaluar kamar) Karak ge jam 6 atuh aya naon, mak?

Emak: Indung mah ti isuk jebrug geus gegeroh, nyeuseuh itu ieu, ari kamu ngan ngaguher we sare.

Ningsih: Atuh emak kan ieu teh poe minggu, waktuna Ningsih istirahat.

Emak: Istirahat, istirahat. Tuh bantuan angkatan gerohan kana rak!

Ningsih: (Ningsih ka dapur rek ngasupkeun piring nu digerohan emakna kana rak. Di dapur aya Ujang nu keur sarapan) Emak, eta aya si Ujang naha teu dititah si Ujang wae?

Emak: Tong sok loba carita, si Ujang mah keur sarapan. Jabana ge si Ujang mah lalaki.

Ningsih: (Ningsih keur ngasupkeun piring bersih kana rak) Nya emang naon masalahna, kan babantu kieu mah rek awewe rek lalaki ge bisa.

Emak: Neng Ningsih geulis sok gawean we ulah loba carita.

Ningsih: (Ningsih lajeng meresan piring, gelas, sendok, jeung garpu kana rak)