Kumpulan Pidato Perpisahan Kelas 9 Bahasa Jawa untuk Ujian Praktek [Lengkap]

Contoh 2

Baca Juga :

Contoh Pidato Bahasa Jawa tentang Perpisahan Kelas 9 dan 12 Singkat

Assalamualaikum warahmatullahi wabarakatuh

Sugeng enjing bapak kepala SMP 7 Ngunut ingkang kula khurmati ugi kula mulyakaken

Sugeng enjing bapak ugi ibu guru SMP 7 Ngunut ingkang kula khurmati ugi kula bekteni

Sugeng enjing sedaya staf karyawan ugi para mitra kelas 3 SMP 7 Ngunut ingkang kula tresnani

Tepangaken, kula Dinda Mustika saking kelas 3 F. Kula ing ngriki minangka sesulih saking siswa kelas 3 ingkang badhe ngaturaken pidhato pepisahan kelas 9 ingkang kagelar dinten punika.

Saderengipun pidhato pepisahan kula wiwiti. Sumangga kita langkung rumiyin ngonjukaken sedaya raos syukur dhumateng Gusti Allah, amargi namung saking sih kawelasanipun kita saged nyawiji raos ing papan ngriki kanthi boten wonten ingkang kekirangan setunggal punapa.

Kaping kalihipun mugya sedaya sholawat ugi salam tansah katur dhumateng junjungan kita sedaya inggih menika Kanjeng Nabi Muhammad SAW ingkang sampun paring bimbingan tumrap kita wiwit jaman peteng lelimengan dumugi jaman ingkang padhang jingglang.

Ing babagan salajengipun mugya kita sedaya tansah kapilih dados umate Kanjeng Nabi Muhammad SAW ingkang nampi sapangatipun ing dinten pungkasan mangke.

Para bapak lan ibu sedaya sarta para kanca ingkang kula tresnani. Raosipun kita para siswa kelas 9 sampun nungkak krama menawi boten ngaturaken agunging rasa matur nuwun dhumateng para bapak ugi ibu guru SMP 7 Ngunut.

Amargi saking sedaya lelabuhan sarta perjuangan ingkang linambaran tulusing manah ingkang saged ndadosaken lulus kanthi biji ingkang mirunggan.

Bapak ugi ibu guru SMP 7 Ngunut ingkang kula mulyakaken. Kula minangka sesulihipun saking kanca-kanca, ngaturaken raos matur nuwun ingkang ageng sanget, amargi saking lelabuhanipun panjenengan sedaya kula sakanca saged pikantuk biji ingkang sanget damel manah bungah.

Salajenge kula ugi boten kesupen, menawi sadangune nyecep ngilmu ing papan ngriki. Mesthinipun wonten tumindak utawi tata tutur ingkang kirang mranani dhumateng manah panjenengan sedaya.

Mula saking niku ing kalodhangan menika, kula badhe nyuwun agunging pangapunten dhumateng sedaya bapak kepala sekolah, bapak lan ibu guru, ugi para staf SMP 7 Ngunut.

Mugya kanthi apura saking panjengan sedaya saged dados jejimat tumrap kula dalah kanca-kanca kagem mujudaken menapa mawon ingkang dados gegayuhanipun.

Babagan salajenge, senaosa kula sakanca sekedhap malih sampun sanes siswa papan pawiyatyan punika. Mugi-mugi bapak ugi ibu guru taksih kersa nganggep kula sakanca putra piyambak.

Saengga menawi wonten tumindak utawi tata krama ingkang kirang tepak pinuju kepanggih ing margi utawi ing pundi mawon. Mugya panjenengan kersa ngemutaken.

Saderenge kula tutup pidhato pepisahan menika. Mugi-mugi kita sedaya ingkang wonten papan ngriki mugi-mugi tansah ginanjar yuswa panjang lan saged gadhah manpangat tumrap rahayuning jagad.

Cekap semanten rumiyin atur saking kula. Menawi wonten lepat anggen kula matur. Kula nyuwun agunging pangaksami

Wassalamualaikum warrhamtullahi wabbarakatuh.