12 Contoh Puisi Bahasa Jawa Tentang Sekolah dan Guru yang Menarik serta Singkat

Contoh Puisi Bahasa Jawa Tentang Sekolah dan Guru – Tema Guru

1. Gurit Panantang

Upama wae siswamu nate kok tepungake marang donya nyata

Mesthine kabeh ora bakal ewuh

Nalika ngadhepi perkara sing ora padha klawan weninge pangrasa

Apa merga ndika mung mikirake sertifikasi

Saengga nasibe siswa ndika ing tembe mburi

Ora nate panjenengan pikirake

Utawa panjengan ora nate pirsa

Menawa ing saben pundhake siswa ndika

Ana sawijining pengarep-arep wong tuwane

Sing isine kabeh kurang luwih padha

Bisa mikul dhuwur jenenge wong tuwa

Sarta bisaa ngrasakake urip kang luwih minulya

Sarta ngowah-ngowahi tatanan donya sing wis ora tumata

Banjur yen saben sasi ndika mung ibut riwut babagan sertivikasi

Lan tunjangan gaji

Apa isih bisa ndika nebah dhadha banjur kandha dwija utama

Baca Juga :

Contoh Puisi Ibu Islami yang Mengharukan dan Penuh Makna Pendek

2. Sagelas Ilmu

Sepisan maneh kudu datata ati

Supaya bisa aweh panampa

Marang perih lan paite kasunyatan

Kaya wengi iki

Nalika langit wis ora saguh andum cahyane

Kepeksa daksigar dhadhaku amrih bisa dakweruhi

Apa sing wis njalari

Tuwuhe rasa perih kaya sing lagi dakrasake

Ireng lan putih padha katon kanthi trawaca

Nalika isen-isening ati mau daklarung ing jembare samudra

Wengi wis rampung anggene netepi janji

Lan baitaku bali ngambah wedhi pesisir

Sawise sewengi muput lelayaran ana ing jembare samudra

Nalika bang-bang wetan wiwit katon ing cendhela

Dakweruhi yen ati ndika isih nyimpen cahyane lintang waluku

Mula lilakna daktempil sagelas ilmu

Kanggo usada gurung kang kasatan toya

3. Jerite Para Guru

Kumlebat maneh lelabuhanmu nalika mbela negara

Senajan langit kebak mendhung sarta grimis mimis

Nanging tan bias nyandhet laku bela negaramu

Senajan mung nganggo jejege tekad

Sliramu saguh pralaya sauger bumi pertiwi tetep mardika

Nanging lelabuhanmu saiki wis dianggep kaya crita wingi

Sing mung gawe panglipure ati

Jerite para guru

Wis kasirep swara-swara kutha sing wis kok bela

Nyatane sejarah wis owah

Jalaran sing salah wis dianggep lumrah