12 Contoh Puisi Bahasa Jawa Tentang Sekolah dan Guru yang Menarik serta Singkat

4. Mula

Nalika sejarah wis dadi aksara kang ora bisa diejrah                                          

Mula aja koksalahke yen akeh tatanan kang dadi owah

Nalika para pejabat wis kasubya dening rasa nikmat

Mula aja koksalahke yen weruh uripe rakyat tansaya kesrakat

Nalika ora ana sing mangerteni negara iki duweke sapa

Mula aja koksalahke yen akeh para kawula padha ngutahake tangis panalangsa

Nalika ana pambiji kliru marang luhuring budaya

Mula aja koksalahake yen dinane iki akeh sing ora ngerti tata krama

5. Apa Jaman Wis Tuwa

Kumlebat maneh gendhera wungu

Kang kebak dening ukara-ukara wagu

Apa ana sing isih bisa kok luru

Nalika tembunge mung kanggo lelamisan wae

Sinempyok blarak sadawane pesisir kene

Rikala tansaya adoh sunare srengenge

Lamat-lamat keprungu

Swara tangis kawutah bebarengan ilange candhik ala

Apa iki tandha jaman wis tuwa

Nalika akeh bocah wani karo para dwija

Baca Juga :

Kumpulan Puisi tentang Ibu Tersayang Populer, Oh Ibu, Ibuku Surgaku, Hingga Pengorbanan Seorang Ibu

6. Manggihi Guru Sejati

Muga-muga wae isih cetha pandulumu

Merga saya suwe jagad gumelar tansaya  katon lelimengan

Senajan ing adoh kana rembulane isih setya aweh pepadhang

Nanging sliramu kudu ngerti

Yen  mbulane wis pilih-pilih anggone aweh pepadhang

Prayogane wengi iki sliramu gumregah

Nggugah kancamu sing isih padha turu

Banjur golekana sasmita kang tinulis ing imbang wengi

Amrih bisa manggihi sapa sing pantes sinebut guru sejati

Demikianlah 12 Contoh Puisi Bahasa Jawa Singkat Tentang Sekolah dan Guru. Semoga dapat menginspirasimu dalam membuat Puisi Bahasa Jawa yang baik.