Salah satu jenis tugas yang sering diminta guru dalam mata pelajaran bahasa Jawa adalah membuat karangan dengan tema liburan, misalnya liburan ke pantai, kolam renang, atau ke rumah nenek.

Membuat karangan tentang liburan bisa diawali dengan menceritakan kapan kamu berangkat, apa yang kamu lihat selama perjalanan, dan apa yang kamu rasakan saat berada di lokasi.

Nah, di bawah ini adalah contoh karangan bahasa Jawa tentang liburan ke pantai, kolam renang, dan ke rumah nenek. Pelajari dengan baik agar kamu bisa mengerjakannya, ya!

Contoh Karangan Bahasa Jawa tentang Liburan

Baca Juga :

3 Cerita Liburan Sekolah di Rumah Membantu Ibu untuk Tugas Sekolah

Di bawah ini adalah beberapa contoh karangan tentang liburan yang bisa kamu pelajari, supaya kamu membuatnya sendiri

Baca Juga :

11 Contoh Mengarang Cerita Liburan Sekolah untuk Anak SD

1. Contoh Karangan tentang Liburan ke Pantai

Plesiran Menyang Pesisir Cemara Sewu

Dina setu sore, Anto lan kaluwargane budhal menyang pesisir Cemara Sewu kang manggon ing desa Kalibatur, kecamatan Kalidawir, kabupaten Tulungagung.

Anggone budhal sengaja sore amarga Anto lan kaluwargane bakal kemah ing pesisir Cemara Sewu supaya esuke bisa nyawang srengenge mlethek.

Sadurunge budhal, Anto nyepakake sawetara barang kang dibutuhakake kanggo kemah. Wiwit saka tendha, matras, nganti piranti kanggo masak dicepakake.

Sadurunge dilebokake menyang njero tas ransel kabeh piranti sing digawa dipriksa luwih dhisik. Ancase supaya kabeh piranti sing digawa bisa digunakake kaya samesthine.

Kira-kira jam setengah papat sore Anto lan kaluwargane budhal saka ngomah. Nanging, sawise tekan JLS (Jalur Lintas Selatan). Bapake Anto takon, “Le, piye yen awake dhewe njajal menyang prapatan Mekah dhisik?”

Pitakone bapake iki ndadekake Anto bingung. Jalaran lagi iki dheweke ngerti ana prapatan Mekah.
Wiwitane Anto ngrasa sing dikandhakake bapake iku mung gojekan. Ing batine apa iya ing Tulungagung ana papan sing arane prapatan Mekah.

“Bapak niki remenane gojek mawon. Mosok badhene dhateng pesisir cemara sewu kok dadak mampir Prapatan Mekah. Mangke rak nggih ketebihen,” wangsulane Anto.

“Hla iya ta, Le. Bapakmu iku ana-ana wae,” ibune Anto melu nambahi.
Bapake Anto mung mesem krungu wangsulane Anto lan sisihane.

“Bune karo Anto sing bapak karepke prapatan Mekah kuwi dudu prapatan sing ana ing Arab. Nanging, prapatan sing ana ing JLS iki. Manggone cedhak karo pesisir Kedhung Tumpang. Papan kuwi sinebut prapatan Mekah merga dadi papan kumpule para wisatawan. Jalaran sesawangane endah.”

Sawise keprungu katrangan saka bapake ngenani prapatan Mekah. Anto lan ibune sarujuk. Mobil sing disetiri bapak Anto banjur digelak menyang prapatan Mekah.

Nalika Anto lan kaluwargane teka, kahanan prapatan Mekah wis rame banget. Untunge, Anto lan kaluwargane isih kebageyan papan parkir.

Sawise kuwi Anto lan kaluwargane andhok menyang warung kopi sing manggon ing papan kang paling dhuwur. Saka warung kopi sing digawe andhok, Anto bisa nyawang jembar lan birune segara kidul.
Kateg anggone ngopi, Anto lan kaluwargane banjur nerusake laku menyang pesisir Cemara Sewu kang jarake saka prapatan Mekah udakara 4 kilonan.

Sepuluh menit candhake, Anto lan kaluwargane wis tekan pesisir Cemara Sewu. Sawise mbayar karcis lan markirake mobil. Anto lan kaluwargane golek papan kang trep kanggo ngedegake tendha.
Anggone nggolek papan sengaja milih ing papan kang cemarane rada rungkut. Ancase supaya sesuk awan ora kepanasan.

Kebeneran, wektu Anto lan kaluwargane kemah kuwi nepaki mangsa ketiga ing wektu purnama. Dadine mbulane katon cetha banget.

Ya, saka anane cahya purnama kuwi kang ndadekake swasana ing sakiwa tengene tendha rada suda petenge.

Watara jam pitu bengi, wetenge Anto krasa luwe. Senajan ing kono ana warung sing nyedhiakake maneka panganan nganti jam sanga bengi.

Nanging ibune Anto milih masak dhewe. Ing wektu kuwi Anto, bapake, lan ibune padha gotong royong kanggo masak sega goreng. Ibune Anto sing nggoreng segane, bapake Anto sing nggoreng sosis, lan Anto sing ngonceki sosis sing isih kabuntel plastik.

Sawetara menit candhake, sega goreng wis mateng lan dimaem bebarengan. Ganda arume sega goreng katambahan swara ombak lan segere hawa wengi ing pesisir Cemara Sewu ndadekake rasa wetenge Anto tansah ndadi.

Senajan sing dimaem sega goreng, nanging merga dimasak bebarengan lan dimaem ing pesisir Cemara Sewu ing wayah wulan purnama rasane enak banget.

Nalika jam nuduhkake jam sanga wengi, Anto mlebu tenda kanggo turu. Merga hawane adhem banget, Anto turune nganggo sleeping bag.

Esuke, watara jam setengah lima Anton wis tangi. Untunge esuk kuwi langite ora mendhung. Saengga Anto bisa nyawang srengenge mlethek.

Anto bungah banget bisa nyawang srengenge mlethek saka pesisir Cemara Sewu. Bareng srengengene wis rada dhuwur. Anto bisa dolanan ing gisike segara bareng bapake.

Kira-kira jam setengah rolas awan Anto lan kaluwargane mulih.  Sadurunge mulih Anto lan kaluwargane ngresiki papan sing digawe kemah. Pengalaman kemah ing pesisir Cemara Sewu mujudake salah siji pengalaman nyenengake sing dirasakake Anto.

2. Contoh Karangan tentang Liburan ke Kolam Renang

Baca Juga :

Ringkasan Cerita Fabel Kucing dan Tikus beserta Struktur dan Pesan Moralnya

Dolan Menyang Pacet

Sawise sedina muput dolan menyang maneka tinggal sejarah Majapahit wiwit saka candhi Wingin Lawang, candhi Brahu, lan candhi Tikus. Dino lan kaluwargane ora langsung bali mulih menyang ngomah.
Ananging Dino lan kaluwargane milih nginep menyang salah siji penginapan sing cakrik omahe mirip kaya omah tinggalan jaman Majapahit.

Dino lan kaluwargane ora langsung bali amarga sesuk isih ana sawetara papan ngemu sejarah sing bakal didolani. Salah sijine yaiku museum Majapahit kang manggon ing Trowulan.

Miturut bapake, ing museum Majapahit iki akeh banget tinggalan sejarah saka jaman Majapahit sing disimpen.

Watara jam wolu bengi, Dino kepengin mapan turu, pamrihe sesuk tangine ora kawanen. Nanging kekarepan Dino iki dipenggak.

“Hlo, aja turu dhisik. Ayo budhal!” pangajake bapake.
“Jam sementen badhe dhateng pundi, Pak?” takone Dino pengin ngerti.
“Renang ing Pacet!”
“Jam, sakmenten kok renang ta Pak. Rak nggih asrep sanget.”
“Yen ora kepengin renang mengko awakmu bisa jajan jadah bakar.”

Wusanane Dino melu bapake renang. Dino kepeksa melu merga ora kepengin ijenan ing penginapan. Nalika mobil sing ditumpangi mlebu wewengkon Pacet hawane wengi tansaya adhem. Dino ngrapetake jakete supaya adheme gelem sudah.

Sawetara wektu candhake, Dino wis teka ing salah siji pemandian ing Pacet. Sepisanan teka, Dini ngrasa nggumun merga weruh akeh wong sing lagi adus. Dheweke nggumun kena ngapa adheme kaya ngene akeh banget wong sing lagi lelangen ing kolam renang.

Rasa nggumune Dino lagi suda bareng ngulati papan sing ana tulisane pemandian banyu anget. Jebul kolam renang sing ditekani wengi kuwi dudu kolam renang biyasa kaya sing digunakake Dino latihan renang. Nanging, kolam renang banyu anget alami.

Kanggo nyuda rasa adhem sing tansaya rinasa. Dino langsung salin sandhangan banjur nyemplung menyang kolam. Rasa adhem sing sadawane dalan dirasakake sanalika ilang samungkure Dino njegur menyang njero kolam.

Saliyane rasa adhem sing ilang, rasa kesel sing dirasakake Dino merga dolan menyang situs-situs sejarah uga rada suda.

Sawise kateg anggene adus lan kungkum ing kolam renang banyu anget. Dino banjur adus nganngo banyu anget. Rampung reresik awak Dino, bapak, lan ibune andhok wedang jahe lan njajan jadah bakar sinambi ngirup hawa wengi wewengkon Pacet kang seger.

Baca Juga :

5 Contoh Cerita Fabel Panjang beserta Struktur dan Pesan Moralnya, Lengkap!

3. Contoh Karangan tentang Liburan ke Rumah Nenek

Piwulang saka Manggis

Nalika liburan, bapak lan ibune Jefri nindakake ibadah umroh. Merga ora ana kancane ing omah, Jefri banjur dititipake menyang daleme simbahe kang daleme nunggal desa, nanging beda pedhukuhan karo omahe.

Mulane senajan ora ing omahe dhewe, Jefri isih bisa dolanan karo kanca-kancane. Nanging, sore kuwi Jefri ora dolanan bal-balan kaya adate.

“Jef, kena ngapa kowe ora gelem melu tandhing bal-balan? Mangka mau kowe wis diajak Lukman?” takone Eyang putrine menyang Jefri.

“Males, Yang. Larene ketawise nakal-nakal kok. Paling bal-balane nggih namung awur-awuran anggene nyadhuk. Boten wonten senine,” wangsulane Jefri sinambi dolanan hp.
“Hush.. ora oleh ngomong ngono.”
“Pancen kasunyatane kados mekaten, Yang. Lare-larene hlo sami boten purun sepaton sedaya lan bal-balane awur-awuran.”

Rumangsa judheg merga ora ngerti apa sing dikarepake putune. Kakunge bnjur golek cara liya supaya putune bisa sadhar.

Sejatine Eyang putrine ngerti kena ngapa Jefri ora gelem melu tandhing bal-balan. Jefri ora dhemen didadekne pemain tengah. Jalaran dheweke pengin dadi penyerang. Nanging kekarepan sing kaya ngono kuwi mung disidhem dhewe lan ora nate dikandhakake menyang kancane.

“Tinimbang hp-nan wae. Awakmu ora pengin melu Kakung?”
“Dhateng pundi, Yang?”
“Menyang kebon. Kakungmu arep ngundhuh lan nandur wit manggis.”

Gandhenge wis waleh dolanan hp lan pengin nindakake samubarang sing anyar. Wusanane Jefri gelem melu Kakunge.

“Kula ndherek, nggih, Kung?” takone Jefri.
“Iya, nanging sadurunge menyang kebon. Iki gawenen!” prentahe Kakunge sinambi ngelungake anti-nyamuk cari.
“Nggih, Kung,” wangsulane Jefri sinambi nampa lan sabanjure ngolesake anti-nyawuk menyang awake.
Jefri lan Kakunge banjur menyang kebon duweke kakunge sing mapan ora adoh saka omahe Kakunge.

Kebon duweke kakunge ora patia amba, nanging ing kono tuwuh maneka woh-wohan kanthi apik, sawetara wis kembang, lan sisasne wis padha awoh.

Nalika mlaku tumuju papan sing bakal dienggo nandur manggis. Sikile Jefri nyaruk wewujudan sing dirasa aneh.

“Kung, niki woh napa ta? kok wujude aneh sanget?”
“Mosok ora ngerti?”
Jefri godheg.
“Sing jenenge manggis ya kuwi Le.”
Jefri manthuk-manthuk.
“Menawi wohe kados ngeten kenging menapa kok kakung badhe nandur? Kok mboten nandur pelem napa rambutan mawon?”
“Kaya ngene sing piye maksude?”
“Ngeten, Kung. Manggis niki lak kulite cemeng semu biru kados niki. Wujude awon sanget, ning kenging menapa Kakung kok remen?”

Pitakon saka Jefri iki ora enggal diwangsuli dening Kakunge. Malah Kakunge anggene ngguyu kemekelen samungkure oleh pitakon saka putune. Nanging Kakunge ngrasa maklum karo apa sing dialami putune. Mapan ing kutha sing jarang ana tetuwuhan. Dadi jarang ngerti kaya ngapa wujude woh-wohan.
Jefri bingung kena ngapa Kakunge ngguyu kemekelen.

“Menapa wonten sing kliru, Kung?”
“Ora. Kowe ora salah. Yen kowe pengin ngerti kena ngapa alesane Kakung seneng karo manggis. Jajal manggise oncekana!”

Samungkure ngetokake karosane. Wusanane Jefri bisa nindakake prentahe Kakunge. Jefri kaget banget weruh perangan jero saka manggis sing mentas dionceki. Daginge manggis putih banget lan beda adoh saka kulite.

“Hlo, Kung. Kok saged ngeten?”
“Ngeten piye? Sing jenenge manggis pancen kaya ngono wohe.”
“Mila ta Kung? Mosok kulite cemeng boten sae, nanging jerone saged putih kados ngeten.”
“Ya sing jenenge kuwasaning Gusti kuwi kaya kuwi, Le. Durung mesthi sing njaba ketoke ala banjur jerone ala. Contone manggis iki. Masia jabane ala nanging jerone apik ta?” Jefri manthuk.

Kakunge banjur mbacutake, “Beda maneh karo dhondhong. Masia njabane ketok alus lan apik nanging isine semrawut kaya iki,” ujare kakunge sinambi nuduhake isine dhondhong menyang Jefri.
Kanggo sawetara Jefri meneng sedhela kanggo ngerteni apa sing dikarepake Kakunge.

“Mulane awakmu aja seneng wong saka njabane. Yen durung ngerti sawutuhe ya, Le!”
“Inggih, Kung.”

Adoh ing atine Jefri ngaku salah amarga wis mbiji kancane mung saka njabane tanpa kenal kaya ngapa sing sawuthe.

“Saliyane rasane sing legi manggis uga menehi piwulang ngenani kejujuran. Mulane Kakung seneng banget karo manggis.”
“Piwulang ngenani kejujuran ingkang kados pundi, Kung?”
“Coba itungen iki! Ana pira?”
“Enem, Kung.”
“Manggis iki isine mesthi ana enem. Yen ora percaya. Pecahen saiki!”

Gandhenge ora percaya. Jefri banjur mecah manggis kuwi. Saiba kagete bareng dipecah. Jebul apa sing dibadhe Kakunge bener.

“Kok saged, Kung?”
“Ya bisa ta! Jalaran manggis kuwi mujudake woh-wohan paling jujur sadonya. Cacahe tangkai sing ana ing ngisore bakal padha karo isine.”
“Dados alesane Kakung nandur manggis menika amargi manggis klebet woh-wohan ingkang kebak piwulang nggih?”

Kakunge manthuk kanthi alon lan kebak teges. Pengalaman liburan ing daleme eyange iki mujudake pengalaman sing nyenengake kanggone Jefri.

Demikian informasi tentang contoh karangan bahasa Jawa yang menceritakan liburan, mulai dari ke pantai, kolam renang, sampai ke rumah nenek. Semoga artikel ini bermanfaat, ya!

Klik dan dapatkan info kost di dekat kampus idamanmu:

Kost Dekat UGM Jogja

Kost Dekat UNPAD Jatinangor

Kost Dekat UNDIP Semarang

Kost Dekat UI Depok

Kost Dekat UB Malang

Kost Dekat Unnes Semarang

Kost Dekat UMY Jogja

Kost Dekat UNY Jogja

Kost Dekat UNS Solo

Kost Dekat ITB Bandung

Kost Dekat UMS Solo

Kost Dekat ITS Surabaya

Kost Dekat Unesa Surabaya

Kost Dekat UNAIR Surabaya

Kost Dekat UIN Jakarta

The post 3 Contoh Karangan Bahasa Jawa tentang Liburan ke Pantai, Kolam Renang, dan Rumah Nenek appeared first on Blog Mamikos.