5 Cerita Rakyat Bahasa Jawa Singkat Berbagai Tema yang Menarik

Di Indonesia, banyak sekali cerita rakyat yang berasal dari berbagai daerah. Biasanya cerita rakyat memiliki banyak versi.

Dalam artikel ini, mamikos akan memberikan contoh cerita rakyat bahasa Jawa singkat berbagai tema yang menarik.

Walau kebenarannya belum terbukti, tetapi banyak cerita rakyat yang dipercaya kebenarannya. Beberapa cerita rakyat berhubungan dengan terjadinya asal-usul suatu tempat. 📖✨

Kumpulan Cerita Rakyat Bahasa Jawa yang Menarik

Baca Juga :

5 Contoh Cerkak (Cerita Cekak) Bahasa Jawa dengan Berbagai Tema

Cerita Rakyat Bahasa Jawa dari Tulungagung

Asal-usul Desa Mirigambar

Ing jaman biyen ana salah siji prajurite Pangeran Diponegoro kang mlayu ngetan parane merga dioyak pasukan Walanda.

Kocape crita, prajurit mau teka dhaerah Tulungagung sisih kidul kang wektu iku isih wujud alas gung liwang liwung.

Saking kesele prajurit mau leren lungguh semendhe ing sawijining wit miri kang gedhe banget.

Nalika enak-enak leren. Prajurit mau weruh sesawangan kang nggumunake. Ing sacedhake anggene lungguh.

Prajurit mau weruh ana tumpukan watu kang kapendhem lemah. Anehe, tumpukan watu kang kapendhem lemah iku ana gambare kang werna-werna.

Kegawa rasa pengin ngertenine prajurit mau banjur ngadeg lan nyoba ndhukiri lemah kang ngurug tumpukan watu kasebut.

Saiba kagete nalika lemah kang ngurug tumpukan watu kasebut disisihake. Pranyata tumpukan watu sing ana ngarepe mujudake sisa-sisa candhi tinggalan jaman kawuri.

Sesawangan kang ana ing ngarepe iku nduweni penganggep yen papan sing ditekani iku ing jaman biyene mujudake sawijing desa makmur kang wis ditinggalake pendhudhuke.

Ing perangan liya, prajurit mau ngrasa ayem atine manggon ing papan kasebut.

Sanalika tuwuh pepinginane prajurit mau kanggo babad alas ing dhaerah kono. Cekake crita prajurit mau banjur nindakake babad alas ing dhaerah kono.

Sarehne wektu sepisanan teka ing dhaerah kono dheweke weruh ana gambar ing sangisore wit miri kang gedhe banget. Dheweke banjur nengeri dhaerah mau kanthi tetenger Mirigambar.

Wektu terus lumaku. Lan papan kang dibabad dening prajurite pangeran diponegoro mau dadi sawijining desa kang sacara administrasi klebu wewengkone kecamatan Sumbergempol, kabupaten Tulungagung.

Ngenani sapa jenenge prajurit sing babad alas mau akeh versine. Salah sijine ana kang nyebutake prajurit mau pinaringan asma Mbah Margono.

Miturut crita, Mbah Margono manggon ing Mirigambar nganti tekan sedane.

Baca Juga :

11 Contoh Pacelathon dalam Bahasa Jawa beserta Cara Membuatnya

Cerita Rakyat Bahasa Jawa dari Kediri

Asal-usul Desa Pandantoyo

Baca Juga :

25 Contoh Teks Anekdot Bahasa Jawa Berbagai Topik dan Strukturnya

Senajan Pangeran Diponegoro kasil diasingake menyang Manado. Nanging pihak Walanda isih ngrasa durung marem.

Pihak Walanda pengin kabeh pengikute Pangeran Diponegoro dirangket lan diukum sing abot banget. Tujuane supaya ora maneh wong Jawa sing wani nglawan Walanda.

Gara-gara kahanan iki akeh banget prajurite Pangeran Walanda sing padha mlayu menyang dhaerah wetane Mataram.

Rancake para prajurit mau padha singidan ing papan kang angker lan gawat. Tujuane supaya ora ana wong sing wani ngoyak playune.

Sawetara prajurite Pangeran Diponegoro kang mlayu mengetan yaiku Mbah Tondo Mantri lan Mbah Seleh Raga.

Pawongan loro iku dicritakake mujudake prajurit kang sekti mandraguna lan pinter gawe siasat perang.

Merga terus dioyak pihak Walanda, Mbah Seleh Raga lan Mbah Tondo Mantri singidan ing sawijining alas kang cedhak karo gunung Kelud.

Playune Mbah Seleh Raga lan Mbah Tondo Mantri iki ora mung kanggo ngendhani pihak Walanda. Nanging uga kanggo golek papan urip kang anyar.

Sawise mlaku pirang-pirang dina. Mbah Seleh Raga ngrasa kesel lan ngelak banget. Piyambake banjur lungguh sumendhe ing sawijining wit kang gedhe banget.

Nalika lungguh kuwi, tanpa sengaja Mbah Seleh Raga weruh yen cedhak saka papan lungguhe iku ana sendhang kang banyune bening banget.

Kegawa rasa ngelake kang banget. Mbah Seleh Raga banjur langsung ngombe nganggo banyu sendhang kuwi.

Sawise rasa ngelake suda. Mbah Seleh Raga banjur tumenga menyang ndhuwur. Sanalika piyambake kaget jalaran wit sing disendheni mau jebul wit pandan kang gedhe banget.

Sawise ngombe banyu sendhang, Mbah Seleh Raga ngrasa pikantuk wisik. Isine wisik yaiku ngakon supaya Mbah Seleh Raga lan Mbah Tondo Mantri manggon ing papan kasebut.

Merga Mbah Seleh Raga lan Mbah Tondo Mantri padha ngrasakake ayem atine nalika leren ing papan kono.

Mbah Seleh Raga lan Mbah Tondo Mantri banjur babad alas papan kasebut. Sawise babad alas dening Mbah Seleh Rogo papan kasebut diwenehi tenger Pandantoyo.

Jeneng iki dijupuk saka kedadeyan sepisanan kang Mbah Seleh Raga alami nalika tekan papan kasebut. Piyambake ngerti ana sendhang ing sangisore wit pandhan kang gedhe banget.