11 Contoh Geguritan Tema Kemerdekaan Indonesia Bahasa Jawa Singkat
11 Contoh Geguritan Tema Kemerdekaan Indonesia Bahasa Jawa Singkat – Bulan Agustus merupakan salah satu bulan paling sakral bagi masyarakat Indonesia.
Hal ini dikarenakan pada bulan inilah setiap tahunnya dilakukan peringatan hari proklamasi kemerdekaan Indonesia.
Peringatan proklamasi ini sendiri dilakukan bukan sekedar untuk mengenang perjuangan para pahlawan yang telah berjuang mengorbankan jiwa dan raga demi kemerdekaan Indonesia.
Arti Penting Kemerdekaan
Peringatan proklamasi bertujuan menumbuhkan rasa cinta kepada generasi muda untuk menghargai perjuangan para pahlawan, serta menumbuhkan cinta tanah air.
Dengan adanya rasa cinta tanah air inilah yang akan membuat para pemuda merasa terpanggil untuk menjaga kemerdekaan Indonesia.
Wujud peringatan hari kemerdekaan ini dapat dilakukan dengan berbagai macam cara. Selain dengan lomba-lomba juga dapat dilakukan dengan menciptakan geguritan dengan Tema Kemedekaan.
Di bawah ini adalah contoh geguritan Tema Kemerdekaan.
Contoh Geguritan Tema Kemerdekaan
Contoh 1
Panji Gula Klapa
Mardhika
Tembung kebak makna
Kumandhang ing saindhenging Indonesia
Diucapake dening sakabehe bangsa Indonesia
Mardhika
Endahe nembangake Indonesia Raya
Sang gula klapa kumlawe ing langit
Kaumbulake dening para pejuang Indonesia
Indonesia
Mardhika kanthi gegaman Bhineka Tunggal Ika
Ngripta kamulyan ing Nuswantara
Daktohi nyawa
Amarga tresnaku mumh Indonesia
Contoh 2
Udan Mimis
Segara getih kutah ing tanah nuswantara
Atusan nyawa musna
Katerjang mimis kang nggembol pepati
Tumrap para putra lan putri
Kang ora lila nyawang ibu pertiwi
Dirudapeksa dening bangsa manca
Kasebar ing tanah ora ana wong
Sawah, tegal, lan alas
Dadi seksi
Kaprawirane kusuma bangsa
Adol nyawa kanggo kamardhikane bangsa
Sawijining prajurit mbengok sora
Ngangkat dhuwur panji gula klapa
Tangan kiwa nyekel gegaman
Nantang penjajah sing duwe ati denawa
Mung ana rong tembung kang kawetu
Mardhika utawa mati
Sanalika dudu grimis kang dumadi
Nanging mimis kang nyebar pepati
Senajan ludira kasuntak lan raga
Ndhepani bantala
Nanging ora nyuda gilige tekad
Para pahlawan ngoncatake para penjajah
Bali menyang negarane
Murih kamardhikan sing wis suwe
Dienteni tekane ora dadi impen
Kang ilang katerjang angin sore
2022
Contoh 3
Nasibe Pejuang
Nganti saiki wis ewonan liter getih kutah
Nganti saiki wis ewonan nyawa wis ilang
Nganti kaping wis ewonan luh kutah
Nangisi kadang kang pralaya
Merga ngupayakake kamardhikane bangsa
Ana rega sing kudu dibayar
Kanggo mujudake kamardhikane Indonesia
Kamardhikan sing ora mung impen
Kamardhikan sing bakal ngowahi sejarahe bangsa
Jamane pancen wis mardhika
Ananging isih akeh sing lali
Nora ngucap atur panuwun mring para pahlawan
Kang wis ngurbanane jiwa lan raga
Kanggo kamardhikane bangsa
Ing jaman kang wis sarwa kepenak
Akeh sing tumindake sapenakake dhewe
Para pejuang dilalekake
Para pejuang dijarake
Urip kelunta-lunta
Ing dalan-dalan
Nempil kawelasan kanggo nyambung
Urip ing dina kang tansaya rengka
Ing ngendi papan dununge rasamu
Nyawang pawongan sing wis wani
Kekancan pati murih kamardhikan
Dudu sawates ana ing alam impi
Sliramu ngguyu lakak-lakak
Mbuwang panganan sapenake
Mangka pawongan sing merjuangake
Kamardhikan sasate ora nate
Mung bisa kelebon sega wetenge
Yen ana wong kang kersa
Andum kawelasan marang slirane
Contoh 6
Indonesiaku
Negaraku
Negaraku negara sugih
Negara sing kebak budaya
Negara sing tansah gumregah
Ing saben generasi
Nanging, ana crita nyata ing jaman kawuri
Kolonisasi njajah ibu pertiwi
Perjuangan nglawan penjajah culika
Kanthi semangat makantar-kantar
Wani ngurbanake nyawa
Supaya bangsa bisa mardhika
Supaya anak-putu bisa ambegan landhung.
Tanpa ngrasakake rekasane diidak bangsa liya
Ing negarane dhewe
Contoh 7
Surabaya Mangsa Ketiga
Kumlebat maneh lelabuhanmu nalika mbela negara
Senajan langit kebak mendhung sarta grimis mimis
Nanging tan bias nyandhet laku bela negaramu
Senajan mung nganggo jejege tekad
Sliramu saguh pralaya sauger bumi pertiwi tetep mardika
Nanging lelabuhanmu saiki wis dianggep kaya crita wingi
Sing mung gawe panglipure ati
Jerit pananglangsamu
wis kasirep swara-swara kutha sing wis kok bela
nyatane sejarah wis owah
jalaran sing salah wis dianggep lumrah
senajan Surabaya wis dadi kutha kang manjila
sajake Surabaya wis lali marang sapa pahlawane
jalaran luwih nengenake pawongan sing njarah tinimbang
nengenake pawongan sing wis ngrakit sejarah
mangsa ketiga isih dawa jerit panalangsa kumawa mbedhah angkasa
nanging apa iya jeritane isih keprungu dening para nata praja?
2014
Contoh 8
Nalika Sejarah Ora Bisa Diejrah
Nalika sejarah wis dadi aksara kang ora bisa diejrah
Mula aja koksalahke yen akeh tatanan kang dadi owah
Nalika para pejabat wis kasubya dening rasa nikmat
Mula aja koksalahke yen weruh uripe rakyat tansaya kesrakat
Nalika ora ana sing mangerteni negara iki duweke sapa
Mula aja koksalahke yen akeh para kawula padha ngutahake tangis panalangsa
Nalika ana pambiji kliru marang luhuring budaya
Mula aja koksalahake yen dinane iki akeh sing ora ngerti tata krama
Nalika
Nalika
Nalika
Nyatane kabeh kawiwitan saka tembung nalika
Kira-kira apa kang bisa didadekake wangsulan
Nalika para pejuang takon geneya negara iki dadi kaya ngene?
Contoh 9
Prau Jaman
Blarak-nlarak padha kumlawe
Nalika kasimpar sumilire angin sore
Saka sadawane pesisir kene
Daksawang lakune prau-prau wektu
Sing tansaya nyesekake dhadhaku
Kumlebat maneh panji gula klapa
Tanpa tenaga sarta katon sepa
Apa ana sing isih bisa kok luru
Nalika tembunge mung kanggo lelamisan wae
Sinempyok blarak sadawane pesisir kene
Rikala tansaya adoh sunare srengenge
Lamat-lamat keprungu
Swara tangis kawutah bebarengan ilange candhik ala
Apa iki tandha jaman wis tuwa
Nalika akeh pawongan lali marang sejarah
Perjuangane para leluhure dhewe
Contoh 10
Mangsa Tuwa
Ana crita kang sumimpen ing langit-langit sore
Ing kana tinulis kanthi trawaca
Ngenani owah mosiking mangsa
Sumilir angin sore nyempyok pang-pang aking
Ngiring angin panas
Nyipta bumi rengka ing mangsa ketiga
Wektu candhikala
Werna jingga kesaput petengi wengi
Nyasmitakake yen aku lan kowe
Kudu enggal marak seba
Kanthi nggawa swara-swara kawula kang srakat
Amrih para panguwasa ngerti sengsarane rakyat
Lamat-lamat lumakune wektu ngancik teka punjere wengi
Nalika dakcoba ngleremake mripat
Ana pitakon kang ngganjel ing ati
Apa iya para pejabat isih keprungu sambate para veteran
Kang wus ora saguh ngadhepi kejeme jaman?
Contoh 11
Tanpa Daya
Ora ana maneh sing kudu ditakoni
Ana ngendi dumununge papan palagane arek-arek surabaya
Nalika njaga kamardhikan kanthi nyawa kang dadi tumbale
Jalaran ing sore iki akeh sing lali marang lelabuhane para pahlawan
Para pemudha luwih seneng sinau budaya manca
Tinimbang sinau ngilmu rasa
Saengga bakal nuwuhake tata krama sarta trapsila marang sapadaning manungsa
Taun gumanti taun uripe basa jawa tansaya nelangsa
Akeh wong jawa lali marang basane lan lali marang adate
Taun iki mujudake taun pungkasan kanggo budaya jawa ing pawiyatan
Menawa taun-taun candhake ora bakal ana maneh bocah kang ngerti
Apa iku jumpritan lan apa iku guritan
Ngertine mung tik-tokan lan instagraman
Saeba emane nalika guritan bakal mlebu museum
Lan ora ana maneh kang ngronce ukara nalika tumekane purnama
Menawa iki mujudake wektu pungkasan kanggo basa jawa
Muga-muga isih ana kang kasisa
Pawongan kang ngerti ngelmu Jawa
Senajan iku wong manca negara
Demikianlah 11 contoh geguritan Tema Kemerdekaan Indonesia. Semoga artikel ini menambah wawasanmu tentang sastra Jawa modern utamanya tentang geguritan.
Klik dan dapatkan info kost di dekat kampus idamanmu: