11 Contoh Geguritan Tema Kemerdekaan Indonesia Bahasa Jawa Singkat

Pada artikel kali ini Mamikos akan memberikan sajian tentang contoh geguritan dengan tema kemerdekaan. Supaya lebih jelas kamu dapat membaca artikel ini sampai tuntas.

28 Desember 2022 Zuly Kristanto

Contoh 9

Prau Jaman

Blarak-nlarak padha kumlawe

Nalika kasimpar sumilire angin sore

Saka sadawane pesisir kene

Daksawang lakune prau-prau wektu

Sing tansaya nyesekake dhadhaku

Kumlebat maneh panji gula klapa

Tanpa tenaga sarta katon sepa

Apa ana sing isih bisa kok luru

Nalika tembunge mung kanggo lelamisan wae

Sinempyok blarak sadawane pesisir kene

Rikala tansaya adoh sunare srengenge

Lamat-lamat keprungu

Swara tangis kawutah bebarengan ilange candhik ala

Apa iki tandha jaman wis tuwa

Nalika akeh pawongan lali marang sejarah

Perjuangane para leluhure dhewe

Angka dalam Bahasa Jawa 1 Sampai 100 Krama dan Ngoko Beserta Cara Menghafal

Contoh 10

Mangsa Tuwa

Ana crita kang sumimpen ing langit-langit sore

Ing kana tinulis kanthi trawaca

Ngenani owah mosiking mangsa

Sumilir angin sore nyempyok pang-pang aking

Ngiring angin panas

Nyipta bumi rengka ing mangsa ketiga

Wektu candhikala

Werna jingga kesaput petengi wengi

Nyasmitakake yen aku lan kowe

Kudu enggal marak seba

Kanthi nggawa swara-swara kawula kang srakat

Amrih para panguwasa ngerti sengsarane rakyat

Lamat-lamat lumakune wektu ngancik teka punjere wengi

Nalika dakcoba ngleremake mripat

Ana pitakon kang ngganjel ing ati

Apa iya para pejabat isih keprungu sambate para veteran

Kang wus ora saguh ngadhepi kejeme jaman?

Contoh 11

Tanpa Daya

Ora ana maneh sing kudu ditakoni

Ana ngendi dumununge papan palagane arek-arek surabaya

Nalika njaga kamardhikan kanthi nyawa kang dadi tumbale

Jalaran ing sore iki akeh sing lali marang lelabuhane para pahlawan

Para pemudha luwih seneng sinau budaya manca

Tinimbang sinau ngilmu rasa

Saengga bakal nuwuhake tata krama sarta trapsila marang sapadaning manungsa

Taun gumanti taun uripe basa jawa tansaya nelangsa

Akeh wong jawa lali marang basane lan lali marang adate

Taun iki mujudake taun pungkasan kanggo budaya jawa ing pawiyatan

Menawa taun-taun candhake ora bakal ana maneh bocah kang ngerti

Apa iku jumpritan lan apa iku guritan

Ngertine mung tik-tokan lan instagraman

Saeba emane nalika guritan bakal mlebu museum

Lan ora ana maneh kang ngronce ukara nalika tumekane purnama

Menawa iki mujudake wektu pungkasan kanggo basa jawa

Muga-muga isih ana kang kasisa

Pawongan kang ngerti ngelmu Jawa

Senajan iku wong manca negara

Demikianlah 11 contoh geguritan Tema Kemerdekaan Indonesia. Semoga artikel ini menambah wawasanmu tentang sastra Jawa modern utamanya tentang geguritan.

7 Judul Novel Bahasa Jawa dan Nama Pengarangnya Lengkap