Contoh Pidato Bahasa Jawa tentang 17 Agustus 2024 di Sekolah Singkat
Contoh Pidato Bahasa Jawa tentang 17 Agustus 2024 di Sekolah Singkat – Hingga saat ini pidato dengan menggunakan bahasa Jawa masih sering digunakan dalam berbagai kesempatan.
Selain untuk melestarikan keberadaan bahasa Jawa yang semakin hari semakin terkikis perkembangan zaman.
Penggunaan bahasa Jawa dalam berbagai kesempatan juga merupakan upaya untuk mengenalkan ragam bahasa Jawa kepada para generasi muda yang di masa depan memiliki tugas untuk melestarikan bahasa ibunya.
Mengenal Pidato Bahasa Jawa
Seperti pidato yang disampaikan dalam bahasa Indonesia. Pidato yang disampaikan dalam bahasa Jawa juga mempunyai tiga unsur yakni pembukaan, isi, dan penutup.
Supaya kamu lebih jelas dalam memahami bagaimana contoh pidato bahasa Jawa.
Simak contoh pidato Bahasa Jawa tentang 17 Agustus pada artikel berikut.
Contoh Pidato Bahasa Jawa tentang 17 Agustus 2024
Contoh Pidato Bahasa Jawa tentang 17 Agustus 1
Assalamualaikum warahmatullahi wabarakatuh,
Sugeng enjing lan salam sejahtera kagem kita sedaya ingkang sampun rawuh dhateng papan ngriki dinten punika.
Mugi-mugi kita sedaya ingkang rawuh dhateng papan ngriki tansah pinayungan welas asihipun Gusti Ingkang Maha Kuwaos.
Bapak/Ibu Kepala Sekolah ingkang kula hormati, bapak/ibu guru, saha staf karyawan sekolah ingkang kula hormati, sarta kanca-kanca ingkang kula tresnani.
Kagem pambukaning adicara dinten punika, sumangga kitasesarengan ngonjukaken raos puji syukur dhumateng Allah SWT, inggih Gusti Ingkang Maha Tunggal, awit namung saking palilahipun tuwin kawelasanipun kita saged kempal dhateng papan ngriki kanthi jangkep tanpa kekirangan setunggal punapa.
Salejingipun sumangga kita tansah ndedonga mugi-mugi sholawat saha salam tansah katur kagem junjungan kita Nabi Agung Muhammad SAW ingkang sapangatipun tansah kita rantos dhateng dinten kiyamat mangke.
Dhateng titi wanci punika, kula badhe ngaturaken agunging panuwun amargi tansah dipunpercados kagem paring sekedhik sesorah ngenani pengetan ambal warsanipun republik Indonesia.
Para rawuh, kita sedaya sami sampun mangertos menawi sagedipun negari ingkang kita trenani nggayuh kamardhikanipun menika boten gampil.
Para pahlawan ngantos nglilaken ngurbanaken jiwa ugi raganipun kagem mujudaken kamardhikanipun nagari Indonesia.
Senaosa samenika Indonesia sampun nggayuh kamrdhikan. Boten ateges kita namung mangku asta.
Kita kedah ngupaya manut kasagedanipun piyambak-piyambak supados kamardhikan ingkang sampun kaupayakaken dening para pahlawan saged kaisi dening samubarang ingkang becik.
Kathah sanget tumindak becik ingkang saged dipundamel ngisi kamardhikan.
Contonipun wiwit saking nresnani sapadha, ngurmati sedaya pambeda, dumugi boten tumindak korupsi, estu menika tumindak sae ingkang saged dipundamel ngisi kamardhikan.
Ing perangan sanes, dhateng adicara punika, sumangga kita sesarengan ngemut-emuyt sedaya lelabuhanipun para pahlawan ingkang sampun pralaya tanpa nate saged ngraosaken endahe gesang dhateng alam mardhika.
Saking cathethan sejarah, kita saged sinau kados pundi kucemipun kahanan negara kita nalika taksih kajajah dening bangsa eropa ugi bangsa nipon.
Samesthinipun kita boten kepingin kahanan kucem kados mekaten dumados malih. Salah satunggiling cara supados bangsa kita boten kajajah.
Kita tansah kedah nguripaken semangat nasionalisme sarta ngraketaken lawening paseduluran marang sinten kemawon tanpa perduli marang ras, agama, ugi suku.
Kanthi kagungan persatuan ing rumaket. Kita bakal boten gampang didamel crah dening pihak ingkang kagungan watak culika.
Kula kinten cekap semanten rumiyin. Menawi wonten kirang langkung anggen kula matur. Kula nyuwun agunging pangaksami.
Wassalamualaikum warrahmatullahi wabbarakatuh.
Contoh Pidato Bahasa Jawa tentang 17 Agustus 2
Assalamualaikum wr. wb.
Para rawuh ingkang kula hormati, sepisan, sumangga sesarengan kitangonjukaken puji lan syukur dhumateng Allah SWT.
Amargi saking kanugrganipun ingkan arupi kasarasan ugi karaharjan kita saged kempal ngestreni pengetan dinten ambal warsa kaping 79 Republik indonesia.
Para rawuh ingkang kula hormati, dinten punika leres 79 warsa, Indonesia madeg minangka salah satunggaling nagari merdeka.
Mardhika ingkang dipunkajengaken ing ngriki inggih mardhika saking sedaya penjajahan fisik lan mental kolonialisme ingkang sampun atusan warsa dipunraosaken bangsa Indonesia.
Perjuangan kagem nggayuh kamardikan menika awrat sanget lan kedah wantun toh jiwa lan raga.
Contoh Pidato Bahasa Jawa tentang 17 Agustus 3
Assalamualaikum warahmatullahi wabarakatuh
Ingkang kawula khurmati Bapak Kepala RW 17. Ingkang kinurmatan Bapak/Ibu para tamu Kampung Lembu Ingkang kula tresnani, para mitra sedaya.
Puji syukur sumangga tansa kita konjukaken ing ngarsanipun Gusti Allah SWT, awit ing wekdal menika kita sedaya taksih pinaringan kasarasan ugi karaharjan saengga kita saged nyawiji raos dhateng adicara tirakatan kagem mengeti dinten kemerdekaan kanthi jangkep tanpa kekirangan setunggal punapa.
Nuwun sewu, tepangaken kula Arya, badhe ngaturaken agunging panuwun dhumateng Bapak Ibu ingkang sampun rawuh dhateng malem tirakatan punika.
Bapak Ibu sarta sedherek ingkang kula khurmati, kados sampun kita sesarengan mangertosi bilih ing dinten Jemuah, 17 Agustus 1945, Indonesia kasil damel gegering jagad amargi saged mroklamasekaken kamardhikanipun.
Sasampunipun dados negari ingkang mardhika. Boten ateges perjuwangan sampun rampung. Malah saniki perjuwangan dados langkung awrat. Amargi kita kedah njagi sarta ngisi kamardhikan punika kanthi samubarang ingkang sae.
Saengga nagari Indonesia saged tuwuh dados nagari ageng ingkang saged ngayomi sedaya warganipun. Ing perangan sanes, lumantar adicara tirakatan ingkang katindakaken ing dalu punika.
Sumangga kita tansah kirim donga dhateng sedaya pahlawan ingkang sampun kondur dhateng kasedan jati supados tansah pikantuk pangaksama sedaya lepatipun sadangunipun gesang dhateng alam donya.
Sasanese niku lumantar adicara menika mugiya kerukunan sarta persatuan Indonesia saged lestari saengga kita boten gampil congkrah klawan sedherek piyambak.
Mugi-mugi kanthi lampah mekaten ugi saged ndayani kahananipun bangsa Indonesia saklajengipun langkung sae, ayem, sarta tentrem.
Cekap semanten atur kula. Bilih wonten lepat anggenipun matur, kula nyuwun agenging pangaksama.
Wassalamualaikum wr. wb
Contoh Pidato Bahasa Jawa tentang 17 Agustus 4
Assalamualaikum Warahmatullahi Wabarakatuh,
Ingkang tansah kinurmatan Bapak Kepala Sekolah SMP XXXXXXX
Para Bapak/Ibu guru dan staf, ing kula khurmati saha para mitra teman-teman ingkang kula tresnani.
Kapisan, sumangga sesarengan tansah kita konjukaken raos puji sokur ig ngarsanipun Gusti Allah awit namung saking kawelasan saha asihipun kita saged kempal dhateng adicara pengetan dinten kamardikan Indonesia ing dinten punika kanthi boten kekirangan setunggal punapa.
Dinten punika surya 17 Agustus 2024, kita bangsa Indonesia nindakaken pengetan ambal warsanipun nagari ingkang sanget kita tresnani ingkang kaping 79.
Minangka generasi mudha, kita kagungan lelabuhan ingkang wigati kagem njagi sarta ngisi kamardhikan menika kanthi tumindak ingkang mupangati.
Sampun ngantos kita ngisi kamardhikan punika kanthi tumindak ingkang kirang prayogi kados ta cecongkrahan klawan sedherek piyambak, damel riyakipun lingkungan, utawi ngina kapitayan sedherek sanes.
Dhateng pengetan ambal warsanipun Indonesia ingkang kaping 79 punika, kita kedah tansah kemutan menawi kita ingkang gesang dhateng Indonesia kedah ngecakaken nile-nile bhineka tunggal ika dhateng gesang saben dinten.
Kita kedah saged khurmat kagem sedayaning beda sarta kita kedah percados menawi salah satunggiling cara supados kamardhikanipun bangsa Indonesia saged lestari kanthi ngraketaken paseduluran tumrap sedaya warga negara Indonesia.
Ing perangan sanes, lumantar semangat bhineka tunggal ika. Kita para generasi mudha kedah saged dados generasi ingkang optimis kagem ngadhepi sedaya tantanganipun jaman. Sampun ngantos dados pribadhi ingkang gampil nglokro utawi minderan.
Kita kedah percados menawi kita menika pancen mujudaken generasi ingkang dipungadhang dening para pahlawan supados ndadosaken nagari Indonesia dados salah satungiling negari ingkang makmur ing dinten-dinten ngajeng.
Kagem mujudaken gegayuhanipun para pahlawan ingkang mekaten. Kita tansah kedah sinau sarta berjuang supados saged dados pribadhi ingkang langkung sae tinimbang dinten wingi.
Kula kinten cekap semanten rumiyin ingkang saged kula aturaken.
Wassalamualaikum Warahmatullohi Wabarakatuh.
Penutup
Demikian contoh pidato bahasa Jawa dengan tema 17 Agustus 2024. Semoga artikel singkat ini bisa mendatangkan manfaat.
Klik dan dapatkan info kost di dekat kampus idamanmu: