14 Contoh Puisi Bahasa Jawa Pendek tentang Berbagai Tema

Jika kamu sedang mencari informasi tentang beberapa contoh puisi jawa dengan berbagai tema, temukan jawabannya dengan membaca artikel berikut hingga selesai.

30 Juni 2024 Zuly Kristanto

Contoh Puisi Bahasa Jawa Pendek 10

Kembang Wijaya Kusuma

Senajan kembangku wijaya kusuma
Ing tritisan omah mekar

Lan ganda arume sumebar
Menyang sajembare latar

Nanging dheweke durung kuwawa
Nyuda rasa perih lan ngusadani
Tatu ing jroning dhadha

Merga esem ngujiwat
Kang nate nglairake sewu janji

Saiki milih lali
Lan tansah mlayu kadya kilat

Samangsa daktagih janjine
Sawise daksembadani kabeh panjaluke

Contoh Puisi Bahasa Jawa Pendek 11

Punjering Donga

Muga isih ana kalodhangan
Kanggoku nyawang gebyaring lintang

Ing tlapukane mripatmu kang ora nate kendhat
Anggene paring pepadhang sarta katentreman

Tumrapku kang isih kasasar ing alas alang-alang
Saengga bisa dakcecep rasa nikmat

Nampa luberaning tresna
Saka dheweke punjering donga
Kang tansah dakwaca ing pungkasaning dina

Contoh Puisi Bahasa Jawa Pendek 12

Rasane Udan

Rasane udan taun iki beda
Tinimbang udan taun wingi
Wis ora ana maneh sing kena disambati
Jalaran kabeh wis padha lunga

Samungkure ngerti
Aku kelangan sekti
Sakawit pancene gela

Nyawang sing nate dakbela
Padha ninggalake aku kang kelangan daya
Nalikane garising pesthi

Nggawa jangkahku kudu ngadhepi pacoban
Paling abot sing kudu dakadhepi

Wiwit lair tekan saiki

Wengi isih dawa
Sinambi nyawang cagak-cagak gegayuhanku
Kang padha ambruk
Samungkure katerjang dahuru

Aku nyoba nyawang jembare langit
Ing adoh kana

Nyatane isih ana sacuwil sunare rembulan
Kang bisa dakdadekake cecolok

Nalikane winih rasa trima coba daktandur
Ing sela-selane dhadha kang isih kebak mala

Contoh Puisi Bahasa Jawa Pendek 13

Kemuning

Yen kembangku kemuning mekar
Aja kok salahake dheweke ngumbar

Gandha wangi
Ing sadawane wengi

Yen esemanmu isih kaya wingi
Aja kok salahake atiku kang wis kumawani

Nyedhiani kursi
Kang mung sliramu sawiji
Kang daklilani nglingguhi

Contoh Puisi Bahasa Jawa Pendek 14

Truntum Sumekar

Truntum kembang ing latar
Siji mbaka siji padha mekar

Mbarengi tekane taun anyar
Gandane kang arum sumebar

Nganti tekan njero kamar
Aweh pralampita murih nalar
Tansah dijaga tetep sadhar
Kalane ngadhepi wong sasar

Sing ngaku saguh dadi dedamar
Swasana taun iki bakal luwih mangar-mangar
Jarene bakal akeh wong sing tapihe wudhar

Mung kanggo nglabuhi sacuwil endhog dhadhar
Mula aja lali nggedhekake rasa sabar
Supaya paseduluran iki ora sigar

Kena trajange wong sing duwe karemenan
Mendem kadonyan lan gawe kaonaran