10 Contoh Pembuka dan Penutup Pidato Bahasa Jawa Singkat

Contoh Penutup Pidato Bahasa Jawa

Contoh 1

Kula kinten semanten rumiyin anggen kula matur. Iwak sepat kungkum ing toyaning klapa. Menawi wonten lepat anggen kula matur, saestu kula nyuwun agunging pangaksama.

Wassalamualaikum warahmatullahi wabarakatuh.

Contoh 2

Kula kinten cekap semanten atur kula. Menawi wonten kirange anggen kula matur. Gusti Allah ingkang bakal njangkepi. Saderenge kula pungkasi, kula badhe nyuwun aguning pangaksami saking sedaya kalepatan kula.

Wassalamualaikum warahmatullahi wabarakatuh.

Baca Juga :

Contoh Pidato Bahasa Jawa tentang Pendidikan, Kesehatan, Cita-cita, dan Menuntut Ilmu

Contoh 3

Sanghyaning para tamu kakung sumawana putri ingkang satuhu luhuring budi. Kadya sampun wahyaning mangsa kala paharyan paripurna.

Pramila penganten sarimbit arsa kadherekaken jengkar saking sasaana rinengga manjing mring dwaraning pawiwahan, saperlu nyadhong berkah lan idi pangestu saking para tamu, ngiras pantes nguntapake kundure para lenggah.

Awit sampun sawetawis anggenya lelenggahan, datan mokal kalamun tindaknya katingal gegleyongan.

Ginunturan sih wilasaning Gusti ingkang Akarya Jagad, jinurung idi pangestu saking sanghyaning para tamu, adicara dinten punika saged lulus widada kalising rubeda.

Ingkang hamengku gati ngaturaken panuwun dhumateng para rawuh ingkang kasdu hangestreni ngiras pantes paring pangestu dhumateng penganten sarimbit ngantos paripurnaning pahargyan.

Datan katalumpen awit saking sih kadarman panjenengan ingkang wujud punapa kemawon, aguh pratikel, bau suku, arta lan redana ingkang satuhu damel pangentheng-entheng dhumateng ingkang hamengku gati.

Kaaturaken agunging panuwun, lan mugi-mugi Gusti Allah SWT paring piwales ingkang matikel-tikel.

Nglenggana anggenipun miwaha putra mahargya siwi sampun karantam dangu saderengipun, paribasan sampun ngetok kabisan lan karosan, nanging tumapaking gati taksih kathah ingkang nguciwani, Pramila mugi wonten lumunturing samodra pangaksami.

Minangka panatacara ndhadha kathah kedaling lathi kang boten mranani wonten penggalih handika, awit saking cubluking nalar, kirange seserepan saha andhaping pawiyatan.

Pramila kula nyuwun pangaksama. Wasana mastuti raharjaning lampah.

Wassalamualaikum Wr. Wb.

Contoh 4

Kula kinten cekap semanten rumiyin atur saking kula. Mugi-mugi atur kula ingkang sekedhik menika wonten guna ugi wonten paedahipun.

Nyuwun agunge pangaksami saking pramila wonten tata lampah sarta tata tutur ingkang boten mranani dhumateng manah panjenengan sedaya. Mugi, ing sanes wekdal kita saged kepanggih malih. Wassalamualaikum warahmatullahi wabarakatuh.