Cerkak atau Cerita Cekak merupakan salah satu jenis karya sastra Jawa modern yang dapat dipakai sebagai hiburan dan pengisi waktu luang.

Cerkak merupakan sebuah karya sastra Jawa berbentuk prosa fiksi yang berkisah tentang peristiwa yang dialami tokoh utama.

Pada artikel ini, Mamikos akan memberikan contoh cerkak bahasa Jawa lengkap dengan sinopsi serta struktur penulisannya untuk kamu gunakan panduan membuatnya.

Struktur Menulis Cerkak

Baca Juga :

80 Peribahasa Jawa Tentang Kehidupan dengan Artinya Lengkap

Sebelum mempelajari contoh cerkak bahasa Jawa, alangkah baiknya memahami cerkak terlebih dahulu.

Cerkak bisa diciptakan secara bebas sesuai dengan imajinasi penulis atau dapat pula disesuaikan dengan keadaan yang ada di dalam kehidupan masyarakat.

Cerita yang disuguhkan dalam cerkak dirancang secara jelas dan teliti dengan menggunakan bahasa yang mudah dimengerti.

Meski ditulis secara bebas. Namun, sebuah cerkak tetap harus mematuhi kaidah dan struktur yang berlaku.

Baca Juga :

3 Contoh Pawarta Bahasa Jawa tentang Sekolah 5 W + 1 H

Adapun struktur dalam sebuah contoh cerkak bahasa Jawa adalah sebagai berikut

1. Abstrak merupakan bagian yang memberikan gambaran keseluruhan dari isi cerita. Tetapi, bagian abstrak dari sebuah cerkak sifatnya opsional, sehingga dapat dituliskan atau tidak.
2. Orientasi, merupakan bagian cerita untuk memperkenalkan tokoh di dalam cerita dan masalah yang dihadapi tokoh.
3. Komplikasi atau puncak masalah merupakan bagian cerita yang menunjukkan puncak masalah yang dialami tokoh utama. Supaya cerita menjadi dramatis dan menarik untuk dibaca bagian ini dapat dibuat sedramatis mungkin sehingga emosi dari pembaca dapat merasa penasaran dan tegang.
4. Evaluasi merupakan bagian dari cerita yang berisikan pendapat penulis mengenai puncak masalah dalam cerita yang dituliskan dalam sebuah penggambaran secara langsung atau dapat memakai tokoh lain dalam cerita untuk mewakilinya.
5. Resolusi merupakan bagian terakhir dari seluruh cerita. Pada bagian ini masalah yang dihadapi tokoh hanya tinggal sedikit. Sehingga ketegangan yang dirasakan pembaca dapat berangsur reda.
6. Koda merupakan bagian cerita yang berisikan kesimpulan mengenai hal-hal yang dirasakan tokoh.

Di bawah ini akan Mamikos berikan beberapa contoh cerkak bahasa Jawa dengan berbagai tema.

Baca Juga :

Contoh Pidato Bahasa Jawa Singkat tentang Kebersihan Lingkungan

Contoh 1 Cerkak tentang Persahabatan

Jarik Warisan

“Um..Ummu, awakmu ngerti apa ora jarikku?” takone Irma menyang Ummu, kancane.

“Jarik sing ndi, Ma?” Ummu ganti takon menyang kancane.

“Jarik sing biyasane dakgawa latihan kae, hlo?”

“Sing motife Satria Wibawa kae ta?”

“Iya. Piye awakmu ngerti apa ora?”

Ummu godheg tandha dheweke ora ngerti. Weruh sing ditakoni godheg Irma ambegan landhung. Dheweke ngrasa sedhih banget jalaran jarik sing paling ditresnani kuwi durung kinawruhan ana ngendi dununge.

Jarik sing digoleki dening Irma kuwi mujudake jarik kesayangane. Irma tresna banget karo jarik kuwi merga jarik kanthi motif satriya wibawa kuwi mujudake jarik paringane simbahe.

 “Luhmu usapana nganggo iki, Ir,” ujare Ummu sinambi ngulungake tisu.

Kotak wadhah tisu iku ditampa dening Irma. Tisu dijupuk telung lembar banjur digunakake kanggo ngusapi luhe.

“Ir, awakmu ora pengin gawe sayembara?

“Sayembara sing piye?”

“Ya kaya ndek kethoprak-kethoprak ngono kae. Upama sing nemokake wedok bakal kok angkat dadi sedulur sinarawedi lan dijajanke menyang warunge Mbok Jum, sewulane suwene.

Dene yen sing nemu bocah lanang bakal kok dadekake pacar. Aku iki jan-jane mesakake banget karo dhirimu. Wis ayu kelangan jarik, sik ditambahi nyangga beban perasaan sing abot merga isih tetep jomblo di semester tua. Hahahahaha.”

“Ummu…….”

“Piye awakmu sanggup apa ora? Yen ora sanggup aku wegah ngrewangi.”

“Ya, wis aku sanggup.”

Gandhenge Irma kepengin jarike mbalik. Senajan abot, dheweke gelem gawe sayembara kuwi. Ing njero ati dheweke ndonga muga-muga sing nemokake jarike iku dudu bocah lanang.

Kanggone Irma luwih entheng nukokake jajan sewulan suwene tinimbang kudu pacaran.

“Um…awakmu lagi ana ngendi?” takone Priyo.

“Iki aku lagi ana perpustakaan, ana apa Pri?” Ummu ganti takon.

“Ngene aku iki mentas nemu jarik werna soklat.”

“Jarik werna soklat? Motife apa?”

“Yen ora kliru motife satriya wibawa.”

“Tenan? Coba aku kirimana fotone!”

Priyo banjur motret jarik sing mentas ditemokake menyang Ummu. Nalika potret foto mlebu ing hp-ne Ummu. Ana rasa seneng kang dirasakake Ummu.

“Hla, awakmu nemune ing ngendi?” takone 

“Nemuku ing ngisor panggung sing dienggo pentas jurusane awake sawetara wektu kepungkur.

Gandhenge wektu iku akeh sing mulih lan sing melu mbongkar panggung daktakoni akeh sing ora ngerti iku jarike sapa, wekasane jarik mau daksimpen.”

“Oalah, ngono jarike simpenen dhisik. Sesuk coba gawanen menyang kampus. Aku ngerti sapa sing duwe jarik kuwi sapa. Tapi tenan, hlo. Sesuk jarik kuwi gawanen menyang kampus.”

“Iya, tapi iki jarike sapa?” takone Priyo.

Emane pitakon iki ora entuk wangsulan saka Ummu. Dina candhake Priyo nggawa jarik sing sing ditemu kuwi menyang kampus.

Wektu Priyo liwat ing sacedhake Arga Budya dheweke ketemu karo Ummu sing wektu iku kebeneran lagi mlaku bareng Irma.

“Um..piye iki sidane barange wis tak gawa iki. Awakmu iki nggawe aku penasaran terus.”

“Saiki sing tenang, sing kalem. Gandhenge barange wis kok gawa lan sing nduweni barang uga ana ing kene barange enggal tokna!”

Tanpa kekahen takon Priyo banjur ngetokake barang sing dikarepake saka njero tase. Wektu tase dibukak lan Irma sempet nyawang barang sing dikarepake kancane mau. sanalika kringete dleweran.

Wektu kuwi swasana atine ora bisa digambarake. Ing perangan liya dheweke ngrasa seneng merga jarike ketemu. Lan ing perangan liya dheweke bingung marang apa sing kudu ditindakake.

Contoh 2 Cerkak tentang Kehidupan

Lakone Ki Suta

Dina iki atine Ki Suta bungah banget. Rasa bungahe Ki Suta lair merga barang dagangane wis entek sadurunge srengenge manggon ing pucuke sirah.

Kegawa rasa bungahe merga anggene dagang laris. Ki Suta kepengin menehi oleh-oleh marang sisihane.

Ing perjalanan mulih Ki Suta nukokake sisihane sandangan sapengadeg cacah loro lan rawon kang dadi kesenangane sisihane.

Gandhenge tanggungane wis rampung lan kari mulihe. Anggene mulih ora digawe kesusu. Ing sadawane dalan Ki Suta tansah ura-ura kanggo nggambarake rasa senenge.

Sawise mataun-taun anggene dodolan lengan wangi, ya lagi dina iki Ki Suta ngalami kahanan kaya ngene. Nanging rasa seneng kang dirasakake dening Ki Suta sakala sirna kalane dumadi owah-owahan cuaca.

Srengenge sing maune menthar-menthar dumadakan katutup dening mendhung sing peteng banget. Ora suwe saka katutupe srengenge mau klawan mendhung.

Dumadakan langit nyuntak banyune kanthi deres banget. Apes kanggone Ki Suta, ing kalane udan tumurun iki mau piyambake wis ana ing satengahe alas.

Merga kepengin ngendhani udan, supaya sandhangane ora teles jaran tunggangane digelak sakayange. Merga ora prayitna anggene ngendhalene jaran tunggangane. Sirahe Ki Suta ketatap pang wit maoni.

Ngalami kahanan kaya mangkene sanalika Ki Suta tiba. Sing ceblok ing lemah ora mung awake wae, nanging uga sandhangan sing dituku kanggo sisihane lan rawon kanggo sisihane uga melu ceblok.

Gandhenge papan panggone ceblok mau lendhute akeh banget. klambi anyar sing rupa putih wis malih dadi soklat.

Apese maneh wadhah rawon kang ginawe saka lempung mau kalane ceblok dadak nabrak watu padhas. Ora wurunga isine kutah pating slengkrah.

“Duh, Gusti. Saiba apese nasib kula. Upami panjenengan mboten ngudhunake udan samesthine kedadeyan ingkang kados mekaten mboten bakal dumadi ing dhiri kula,” panggresahe Ki Suta.

Sinambi ngusuk-ngusuk sirahe sing isih rinasa lara. Ki Suta banjur menyat lan gage jumangkah nyedhaki jarane. Ora kelalen sandhangan sing wis kebak lendhut mau dijupuk.

Rencanane yen wis tekan ngomah mengko Ki Suta bakal nyritakake kedadeyan kang dumadi ing tengah alas mau bakal dicritakake menyang sisihane.

Durung nganti nyingklak ing gegere jaran tunggangane. Awake Ki Suta ditarik menyang buri kanthi peksa kang njalari piyambake tiba maneh.

Ki Suta sempet arep nesu. Nanging anggene nesu digawe wurung samungkure ngerti sapa sing narik piyambake.

“Piye? Kowe ora trima? Kowe arep nesu? Nesu..nesua yen pengin tak bedhil sirahmu,” ujare pawongan gedhe dhuwur sing narik Ki Suta.

“Ora… aku ora nesu. Kowe arep ngapa?” wangsulane Ki Suta alon.

“Aku ngerti kowe mentas bakulan ing pasar. Samesthine wektu iki kowe nggawa dhuwit sing akeh banget. Yen kowe isih tresna klawan nyawamu. Cepet wenehna dhuwitmu!”

“Ampun, Ki. Aja. Dhuwitku iki bakal dakenggo nyukupi kabutuhane kaluwargaku. Yen dhuwit iki kok jaluk anak lan bojoku bakale mangan apa?”

“Piye kowe wani nulak prentahku. Ngertenana ya, sasuwene iki babar pisan durung ana sing wani nulak prentahku. Jalaran sapa wae sing nulak prentahku.

Dheweke bakal dak perjayani, iki merg akowe wani nulak prentahku. Dadi aja takon dosa lan luputmu yen dina iki mujudake dina pungkasan kanggo kowe nyawang srengenge. Rasakna iki!”

“Ampunnn……”

Samungkure kuwi begal mau ndudut bedhile lan ngarahake menyang Ki Suta. Menawa wae merga udane deres banget. Bedhile si begal mau keblebeg banyu saengga ora bisa digunakake kanggo ngalarani Ki Suta.

Bola-bali dicoba nanging bedhil mau tetep macet. Kalodhangan kang kaya ngene digunakake dening Ki Suta sabecik-becike.

Begal mau dijegal nganti tiba. Samungkure begale tiba. Ki Suta langsung numpak lan sawise kuwi langsung nggelak jarane sakayange.

Menawa wae dina kuwi nasib apik lagi mihak Ki Suta merga begale ora ngoyak playune jarane Ki Suta.

Rasa ayem bali dirasakake Ki Suta kalane piyambake kasil metu saka alas. Rasa bungah lagi sumrambah ing atine Ki Suta kalane tekan ngomah.

Sawise tekan ngomah Ki Suta enggal mudhun saka jarane lan nindakake sujud syukur. Saliyane nindakake sujud syukur Ki Suta uga nyuwun pangapura amarga wis nduweni salah pangira marang kaputusane Gusti.

Upama dina iki ora udan deres. Ki Suta ora bisa mbayangake bakal dadi apa dheweke.

Baca Juga :

Contoh Pidato Singkat Bahasa Jawa tentang Kebersihan Sekolah

Contoh 3 Cerkak tentang Kehidupan Anak Muda

Kopi Ijo Sing Nyekseni

Malem setu kepungkur aku entuk surat edaran saka kantor desa. Surat kuwi ngandhakake sesuk bakal ana pemadaman listrik total.

Suwene pemadam diperkirakake 24 jam. Merga ing omahku wis ora ana lampu petromak ibuku banjur ngakon aku supaya tuku lilin.

“Tukune lilin aja akeh-akeh, Le. Tuku papat utawa lima wae wis cukup.,” prentahe ibuku.

“Nggih, Bu,” wangsulanku cekak.

Nyatane tugas tuku lilin iku dudu perkara gampang. Kabeh toko sing tak parani liline entek resik.

Upamaa ana kira-kira mung sisa selusin lan iku mae ora didol. Jarene kanggo sing didodol. Kesel ora nemokake lilin ing toko prancangan.

Aku banjur kepikiran golek ing minimaret anyar kulon desaku. Tenan. Ing kono stok lilin isih kapetung akeh.

Mung wae tuku lilin ing minimarket kuwi ora kena eceran. Gandhenge butuh tenan. Gelem ora gelem tukune ya kudu sapak.

Wektu mlebu minimarket aku sempet rumangsa nggumun minimarkete kok sepi?

Tinimbang mikir sing ora-ora. Aku banjur mikir paling ya merga isih anyar iku sing dadi penyebab minimarkete isih sepi.

Sarampunge muter-muter kanggo nggoleki rak kanggo ndeleh lilin. Sinambi ngadhem lan nglirik mbak kasire sing ayu bianget wekasane bareng sing tak goleki kasil tak temokake. Apese kalane tanganku ndemok kothak wadhah lilin lampune mati.

Mesthi wae matine lampu ndadekake swasana ing jero minimarket sing maune padhang jingglang dadi peteng njimpret. Bebarengan matine lampu, mbak kasir sing mau lagi ibut ing ruwang kerjane mbengok.

“Maaaasss………tulung…..Aku wedi,” pambengoke mbak kasir iku.

Aku sing wengi kuwi blanja ijenan ing minimarket mesthi wae sumelang.

Jalaran yen ana wong krungu lan kliru panemu bisa-bisa aku dianggep tumindak sing ora-ora. Lan upama kelakon tenan ora wurunga aku bakal digebuki.

“Tenang mbak… yen wedi sampeyan ndik kono wae,” prentahku sinambi ngempakake senter ing hpku.

Untunge mbake manut. Aku banjur mlaku nyedhaki dheweke.

“Hla, kancane sampeyan padha nyang ndi?” takonku menyang mbake.

“Isih padha golek mangan, Mas?” wangsulane mbake.

“Mas, tulung terna menyang kana, ya!” ujare mbake sinambi nuduh papan kang dikarepake.

“Arep ngapa Mbak?” takonku.

“Iku Mas, aku  arep ngempake jenset.”

“Ayo yen ngono, Mbak!”

Aku banjur ngeterake mbak kasir. Sadurunge kuwi aku sempet kenalan. Saka kenalan kalane mati lampu kuwi aku ngerti jenenge mbak kasir iku Desi.

Satekane papan kanggo ndeleh jenset. Desi bola-bali nyoba ngurubake jenset. Nanging bola-bali dicoba tetep wae gagal.

Nganti kringete dleweran tetep wae jenset ora gelem murub. Kegawa rasa mesakake, aku banjur nyoba nulungi.

“Sik, mbak tulung iki hp-ku cekelen. Jensete coba tak aku wae sing ngempakke!”

Kalane tak coba pisan jenset langsung murub. Bebarengan murube jenset Desi banjur ibut ndulegi tombol ing tembok sing babar pisan ora dakmangerteni.

Apa sing ditindakake dening Desi iku ndadekake lampu-lampu ing minimarket murub maneh.

“Mas, aku matur nuwun banget wis dikancani lan diewangi. Minangka rasa matur nuwunku menyang sampeyan. Sesuk aku kan mlebu esuk. Upama bengine awake dhewe mlaku-mlaku menyang Pinka piye?”

“Kena sih mbak. Ning Pinka kuwi ngendi?”

“Mosok sampeyan ora ngerti Pinka kuwi ngendi?”

Aku godheg

“Pinka kuwi Pinggir Kali mapane ing sapinggire Kali Ngrawa.”

“Oalahhh… dhareah Lembu Peteng kana ta Mbak?” 

“Iya, Mas. Piye sampeyan gelem?”

“Hla, mbok iyes…”

Sarampunge kuwi aku lan Desi ijol-ijolan nomer hp.

Dina candhake aku lan Desi dolan bareng menyang Pinka. Sawise rampung mlaku-mlaku. Aku lan Desi banjur leren ing pinggir kali Ngrawa. Ing kono sinambi nyruput kopi Ijo aku lan Desi crita akeh ngenani apa wae.

Salah siji sing paling tak eling ya iku perkara wedine Desi marang peteng. Aku sempet kaget nalika Desi nyritakake babagan kuwi. Sadurunge nyritakake babagan kuwi.

Desi sempet ngajab, “Mas bakal dakcritani rahasiaku nanging sampeyan kudu janji ora bakal nyritakake babagan iki menyang sapa wae.”

“Pinka lan Kopi Ijo iki kang bakal nyekseni. Aku ora bakal nyritakake rahasiamu menyang sapa wae.”

Desi banjur miwiti critane. Lan kalane ngrungokake critane tanpa sadhar luhku melu dleweran merga critane Desi banget ngiris ati.

Contoh 4 Cerkak tentang Kasih Tak Sampai

Udan lan Kenangan

Kira-kira jam setengah sewelas bengi, aku pamit mlebu kamar menyang kanca nunggal kost sing isih jagongan ing angkringan cedhake minimarket Solo Baru.

Angkahku satekane kost. Aku arep nyicil nulis brita asil saka liputanku awan mau.

Gandhenge mripat wis ngantuk nanging pengin meksa melek jalaran akeh garapan sing durung kecandhak. Wusanane aku mampir minimarket kanggo tuku cagak lek. Biyasane sing daktuku kacang asin lan kopi sasetan.

Sawise mbayar menyang kasir. Aku langsung ngindring bali menyang kost. Sadurunge mlebu kamar kost. Aku luwih dhisik nyumet udud. Durung pikantuk telung sedhotan.

Dumadakan udan tumurun kanthi deres banget. Nalika udan tumurun kuwi. Aku ngilang-ngilingi kamar kost kang manggon cedhak kamarku.

“Lampune isih mati. Paling cah-cah isih cangkrukan lan mesthine kudanan,” batinku.

Tenan. Lagi tak batin kaya ngono. Kanca-kancaku nunggal kost padha teka kanthi mlayu.

“Bajingan…. jebul bener kowe, Ga. Pinter kowe, bisa ngerti udan bakale teka. Dadine kowe mulih dhisik lan ora kudanan,” ujare Yofi, kancaku kost sing melu cangkrukan mau.

“Kandhani, kok. Ing alam donya iki apa ta sing ora tak weruhi? aja kok kapan tekane udan? Sesuk pira nomer sing bakale metu wae aku paham. Ning aku wegah omong-omong.”

“Gayamu, Ga…Ga. Nek babagan mbedhe pira nomer sing bakale metu. Kowe pancen dakakoni pancen jempolan. Nanging ana perangan liya sing nggawe kowe ketok bodho.”

“Apa kuwi?”

“Kowe ora bisa mbedhe isine atine cah Kediri kae. Mosok cedhak luwih saka patang taun, wis kaya wong pacaran, tiwas sayang, nanging kowe mung dianggep sawates kanca.”

Aku cep klekep ora bisa wangsulan. Weruh aku meneng kelangan tembung. Yofi katon seneng lan terus ngetokake serangane.

“Hahahaha, wis ta Ga. Arepa sasekti-sektine wong lanang. Yen wis dilarani atine. Ya tetep bakal ambyar. Aja meneh kowe sing wong biyasa.

Panglima Tian Feng sing mimpin 100 ewu prajurit langit wae isih bisa nggrantes merga tresnane karo dhik Chang’e mung keplok sesisih,” tambahe Yofi.

“Wis buyar-buyar. Kowe ndang adus-adus dhisik Yof! Aja nganti kowe mengko masuk angin lan ngrepoti kancane.”

Weruh yen aku kalah omongan. Yofi katon seneng. Dheweke banjur katon njupuk andhuk ing pemean lan jumangkah tumuju menyang kamar mandhi. Salungane Yofi kuwi aku lagi mlebu menyang njero kamar.

Sabubare nutup lawang. Aku langsung ngecek hp sing tak charge lan dakpapanake ing cedhak laptopku. Nalika hp tak candhak lan tak urubake. Ana siji pesen sing ora daknyana-nyana.

Pesen sing dikirim lumantar aplikasi WA kuwi kiriman saka bocah Kediri sing dikarepake Yofi mau. Ya bocah sing sempet cedhak, sempet tak sayang, nanging….. Ah, aku mung dianggep kanca. Bocah kuwi jenenge Amri.

“Mas, sampeyan saiki ing ngendi? Saiki aku lagi ing Solo. Bisa nyuwun tulung?” takone Amri liwat pesen WA.

“Nggonku lagi udan. Njaluk tulung apa?”

“Methuk aku, Mas. Iki aku ijenan. Gek stasiun Jebres sepi banget. Aku wedi, Mas.”

Senajan isih ngrasa mangkel lan gela merga mung dianggep kanca. Nanging kelingan dheweke kuwi tau tak senengi. Aku ora tega dheweke ngalami kahanan kaya ngono.

Senajan udan ing njaba deres banget. Aku nekad nerjang derese udan. Sadawane dalan aku ndedonga muga-muga si Amri ora ngalami kahanan kang kurang becik.

Ketarane dongaku diijabah dening Gusti. Nanging, bareng aku tekan kanthi kahanan teles kebes merga derese udan kasil nembus mantelku. Ana sesawangan kang ngrerojeh ati.

Amri katon gemujeng klawan sawijining priya. Weruh tekaku, Amri banjur ngajak priya sing diajak gemujeng jumangkah nyedhaki aku. Sawise cedhak dheweke ngenalake priya sing diajak gemujeng.

“Mas, kenalna iki tunanganku,” ujare Amri kanthi ampang.

Sabubare Amri ngomong kaya ngono. Mak gragap. Aku tangi. Jebul ngimpi.

Wengi kuwi udan deres banget lan dumadakan hpku muni. Aku sempet wedi. Apa maneh sing nelpon kuwi nganggo nomer anyar. Aja-aja sing nelpon kuwi Amri.

“Mas, ngapunten radi telat. Honor tulisan panjenengan antawis jam wolu kalawae sampun kula transfer,” ujare pawongan ing sabrang kana kang ngakune jenenge Ririn.

“Nggih, Mbak. Matur nuwun,” wangsulanku cekak.

Ah, udan sasi November. Udan sing kebak kenangan. Taun kepungkur aku kelangan lan tekan saiki isih kelingan.

Contoh 5 Cerkak tentang Kasih Tak Sampai II

Katresnan Ing Pucuk Cemoro

Sasi Januari mesthi nggawa hawa adhem sing nancep nganti balung. Esuk iku awan durung katon, nanging kabut wis ngglimpang nutupi dalan-dalan cilik ing Tawangmangu.

Aku mlaku alon karo jaket tebal, arep menyang warung wedang jahe sing kerep tak dadekake panggonan ngendhog yen pikiranku mumet.

Pas tekan warung, aku kaget. Ing kono ana pawongan sing wis suwe ora tak temoni. Saka mburi kabut, katon pasuryane: Raras.

Cah ayu sing tau nggawe dina-dinaku kebak swara swara sing angel daklalen. Cah sing tau tak sambati, sing tau tak jagani, nanging pungkasane mung nganggep aku kaya angin sing liwat sekedhap.

“Astaga… Aku kira kowe ora neng kene maneh,” pangandikane karo ngguyu tipis. Guyu sing nganti saiki isih gampang nduduhake bekas ing atiku.

Aku lungguh jejere, pura-pura ora kaget. “Aku ya kene-kene wae. Kowe piyé? Wis suwe ora krungu kabare.”

Raras mung ngadegake gelase sing kebak wedang jahe, ngisep alon. Mripate katon sayu, luwih sayu tinimbang wektu pisanan tak tinggal lunga telung taun kepungkur.

“Kabeh apik, Mas,” ujare. Nanging intonasiné ora ndhukung pangandikané. Kaya ana swara liyane sing ora diucapake.

Aku lan Raras banjur ngobrol cilik-cilik. Babagan kerja, babagan kulawarga, lan babagan urip sing rasane kok saya cepet kaya banyu mili saka pancuran. Nanging ing saben sela-sela obrolan kuwi, aku ngerti: ana perkara sing durung rampung antarané aku lan dheweke.

Sawise rong gelas wedang jahe entek, Raras mandheg ngomong lan mung ndeleng pucuk-pucuk cemoro sing goyang alon kena angin gunung.

“Mas… aku arep nikah wulan ngarep,” pangandikane lirih.

Rasane kaya ana sing njotos wetengku. Nanging aku tahan. Aku mung bisa ngguyu alon, pura-pura seneng. “Oh, apik dong. Selamet yo, Ras.”

“Kowe tenan ora apa-apa?” panjenengane takon, mripate nelusup kaya pengin ngerti tenan apa sing tak simpen.

Aku mung nggangguk. Senajan atiku rasane remuk kaya kaca disandhung watu.

Raras banjur ngadeg, mbayar pesenan, lan ngaturake pamit. Sadurunge lunga, dheweke ngomong tembung sing terus muni nganti saiki.

“Mas… mugo wae kowe entuk wong sing luwih becik. Wong sing ora malah tak tinggal.”

Aku mung bisa mesem. Ora bisa wangsulan apa-apa. Aku mung ndeleng dheweke mlaku liwat kabut, ilang alon-alon kaya swara kenangan sing mbumbung menyang pucuk cemoro.

Nalika dheweke ilang saka pandangan, aku ngerti: tresnaku tenan ora tau tekan. Katresnan sing mung dadi tamu sing ora tau disuguhake papan ing atine. Nanging ya wis. Mungkin pancen mung nganti kene critane.

Ing pucuk cemoro kuwi, aku ngerti… ora kabeh sing dakkarepake bakal dadi duweke. Nanging kenangan, kenangan tetep urip. Lan kadang, kuwi cukup kanggo wong sing tau ngasihi tanpa kasil nyandhang atiné.

Demikianlah contoh cerkak bahasa Jawa dengan berbagai tema. Semoga dapat memberimu referensi tentang menulis berbagai contoh cerkak bahasa Jawa.

Klik dan dapatkan info kost di dekat kampus idamanmu:

Kost Dekat UGM Jogja

Kost Dekat UNPAD Jatinangor

Kost Dekat UNDIP Semarang

Kost Dekat UI Depok

Kost Dekat UB Malang

Kost Dekat Unnes Semarang

Kost Dekat UMY Jogja

Kost Dekat UNY Jogja

Kost Dekat UNS Solo

Kost Dekat ITB Bandung

Kost Dekat UMS Solo

Kost Dekat ITS Surabaya

Kost Dekat Unesa Surabaya

Kost Dekat UNAIR Surabaya

Kost Dekat UIN Jakarta

The post 5 Contoh Cerkak (Cerita Cekak) Bahasa Jawa dengan Berbagai Tema appeared first on Blog Mamikos.

2 Contoh Cerkak Bahasa Jawa Pengalaman Pribadi Singkat dan Menarik –  Di dalam bahasa, tentu terdapat sastra. Demikian juga pada kasus bahasa Jawa yang pastinya melahirkan adanya eksistensi karya sastra Jawa.

Karya sastra Jawa pun mengenal konsep dan struktur cerpen (cerita pendek) pada konteks bahasa Indonesia, dan dikenal dengan istilah cerkak (cerita cekak).

Penasaran apa itu cerkak dan seperti apa contoh cerkak bahasa Jawa dengan tema pengalaman pribadi singkat dan menarik? Baca artikel ini sampai tuntas.

Apa yang Dimaksud dengan Cerkak?

Cerkak adalah akronim dari cerita cekak. Istilah cerita cekak apabila dialihbahasakan ke bahasa Indonesia artinya adalah cerita pendek.

Sebenarnya bentuk prosa cerkak di dalam karya sastra Jawa bisa digolongkan ke dalam bentuk karya sastra Jawa modern.

Sebab, bentuk seperti cerkak tidak dikenal di masa karya sastra Jawa kuna, maupun karya sastra Jawa pertengahan.

Memang ada karya sastra Jawa dari masa lampau yang bentuknya naratif, namun tidak bisa didefinisikan sebagai cerkak atau cerita cekak.

Baca Juga :

7 Judul Novel Bahasa Jawa dan Nama Pengarangnya Lengkap

Mengingat cerkak merupakan bentuk karya sastra Jawa prosa modern, maka temanya sangat beragam, dan pengarang bebas dalam menentukan sebuah tema cerkaknya.

Berbeda dengan karya sastra Jawa di masa lalu yang terikat metrum atau aturan penulisan tertentu, cerkak sepenuhnya bebas.

Unsur-unsur Cerkak

Selanjutnya, sebelum sampai pada contoh cerkak bahasa Jawa pengalaman pribadi singkat dan menarik, kamu perlu paham dahulu apa saja unsur-unsur yang ada di dalam cerkak.

Berikut adalah unsur-unsur cerkak:

1. Tema atau gagasan

2. Karakter atau tokoh

3. Setting tempat dan setting waktu

4. Alur dan plot cerita

5. Penokohan

6. Sudut pandang

7. Amanat

Itulah unsur-unsur penting yang setidaknya harus bisa dijumpai pada satu judul cerkak.

Ciri-ciri Cerkak

Agar kamu memahami bagaimana sebenarnya cerkak  atau cerita cekak itu, baiknya kamu memahami seperti apa ciri-ciri cerkak.

Adapun ciri ciri dari cerkak antara lain:

1. Satu judul cerkak atau cerita cekak tidak lebih dari total 10.000 kata.

2. Cerkak bisa dibaca hingga selesai cukup dalam sekali duduk, atau maksudnya tidak membutuhkan waktu lama untuk menamatkan satu judul cerkak.

3. Cerita di dalam cerkak terfokus pada satu masalah dan satu karakter saja.

4. Tokoh atau karakter yang ada di dalam cerkak disampaikan secara tersirat dan parsial.

Baca Juga :

Contoh Cerkak Bahasa Jawa Tema Sosial dan Budaya Masyarakat yang Menarik

Nah, itulah beberapa ciri-ciri dari karya sastra Jawa cerkak.

Selain ciri-ciri di atas, perlu dipahami bahwa struktur bentukan cerkak tidak berbeda dengan cerpen, yang membedakan hanya media bahasa yang digunakan saja.

2 Contoh Cerkak Bahasa Jawa Pengalaman Pribadi

Contoh Cerkak Bahasa Jawa Pengalaman Pribadi 1

1. Pulpen Ireng Sleret Emas

Ing sawijining dina kang tentrem, suasana kang ayem uga kedadeyan ana ing sekolah dhasar sing ana ing desa Nuswantara. 

Candra, salah sawijining siswa ing kelas 5 lagi ngelamun nyawangi pulpen anyar sing wujude rada unik, pulpen kuwi dadi semangate sinau amarga oleh-oleh seka bapakke. 

Pulpen kuwi ditumbasake bapakke nalika ana perjalanan dhinas menyang luwar negeri. Saben dina, Candra mesthikake pulpene wis ana ing jero tas sekolahe. 

Nalika wayah ngaso pertama, Candra banjur nglebokake pulpene menyang tas. Bocahe age-age mlayu menyang latar sekolahan kanggo dolanan karo kancane. 

Dheweke seneng dolanan bal-balan ing wayah ngaso, ngilangi rasa ngatuke pas ing kelas. 

Ing kursi pojokan kelas, Fajar ngamatake tase Candra. Asline dheweke penasaran karo pulpen sing dieman dening Candra. Dilalah, Fajar ya kentekan pulpen. 

Dheweke duweni niyat kanggo nyilih pulpenne Candra kuwi mau. Ananging, Candra lagi sibuk bal-balan. Fajar banjur jupuk pulpen ing tase Candra, niyate mung nyilih, senadyan ngomonge engko nalika Candra wis bali mlebu kelas. 

”Wah, mengko yo tak balikke, mosok Candra meh nesu sih. Aku kan ming meh nyilih.” guneme Fajar sinambi jupuk pulpen seka ta Candra. 

Ora let suwe, suwara bel wis muni. Para siswa banjur padha mlebu menyang kelas. Candra kelabakan goleki pulpene. 

Tas dibukaki kanthi kemrungsung, kabeh bagiyan tas diteliti siji baka siji, ananging pulpene tetep ora ketemu. Candra nesu, paraupane rada abang. Fajar sing weruh kuwi banjur keweden dhewe, dheweke ora wani ngaku.

Candra banjur takon menyang Fajar sing kat mau ana ing kelas, “Jar, kowe weruh pulpenku? Warna ireng ana sleret emase?” pitakone Candra karo semu nggetak.

Fajar mung isa geleng-geleng karo nundhuk, sajak emoh nyawang Candra. 

Nyawang Fajar sing kaya keweden, Candra malah saya ngamuk. “Mesthi kowe yo sing jupuk pulpenku? 

Kuwi pulpen sing tak gemateni tenan Jar, siji-sijine, sing maringi bapakku! Iyo kan, kowe sing jupuk?”

”Ora Jar, paling tiba ing jaba.” Wangsulane Fajar, sambi nyusun siasat arep metu lan nyelehke pulpene menyang jaba. “Makane aja cerobo, deleh barang ora sethithi.” sambunge Fajar. 

Krungu wangsulane Fajar sing kaya mangkono agawe nesune Candra, banjur bocah loro kuwi mau adu suwara lan arep mara tangan. 

Kanca kelas liyane ana sing nengahi ana sing meneng wae. Weruh kedadeyan sing saya rame, Bunga mlayu menyang ruang guru. Lapor menyang wali kelase, Pak Burhan. 

“Ana apa iki cah? Ayo padha lungguh ing kursine dhewe-dhewe!” Tembunge Pak Burhan. 

Karo rada anyel Candra bali menyang kursine, banjur ngomong nyang Pak Burhan kanthi rada besesek nahan tangis. 

“Pak, pulpen kula ical. Kula anggadhahi prasangka dhateng Fajar, amargi wau naming Fajar ingkang wonten kelas nalika istirahat. Punika pulpen kesayangan kula.” 

Pak Burhan meneng sawuntara, banjur nyedhaki Fajar. “Jar, apa pener kowe sing jupuk pulpene Candra?” 

Pitakone Pak Burhan alus, ananging Fajar mung meneng wae ora semaur. “Ora apa-apa Le, jawaben sing jujur, ora dadi ngapa. Ora perlu wedi.” Sambunge Pak Burhan.

Ditakoni kanthi alus, Fajar ora sanggup bendhung tangise, “Inggih kula Pak, niyat kula naming ngampil, ananging mirsani Candra ngamuk kula dados wedi, kula niyat bangsulaken nggihan mangke.”

Ngrungokake wangsulane Fajar, si Candra banjur nyaut, “Ngapa ora ngomong kat mau Jar, apa angele ngaku.” Candra ya nesu ya lega merga pulpene ketemu. 

“Yawis, saiki balikke nyang Candra pulpene. Kowe tak silihi pulpenku wae.” Tembunge Pak Burhan alus. 

Baca Juga :

3 Contoh Cerkak Bahasa Jawa Tema Pendidikan dan Sekolah Pendek

“Iki Can pulpenmu tak balikna, ngapurane ya.” Tembunge Fajar. Ananging Candra mung meneng wae karo nyaut pulpene. 

Pak Burhan sing nyawang banjur ngekeki wejangan menyang siswa kelas 5 iku. 

“Ngene ya cah, sing kapisan, dadi uwong kuwi kudu jujur, mbuh kaya ngapa dadine, intine jujur. Kaping pindho aja gampang jupuk gone liyan, yen perlu nyilih ya nembung, yen tanpa nembung kuwi jenenge nyolong. Yen disilihi ya syukur yen ora yo uwis, ora kena meksa. Kaping telu, saiki masalah uwis beres, pulpen wis ketemu, Fajar ya jaluk ngapura. Minangka kanca kelas sepran-seprene, kudu legawa ngapurani. Nggih?” 

Kabeh siswa kelas bareng semaur “Nggih.” Banjur Fajar baleni ngomong nyang Candra, “Ngapurane ya Can, aku sing luput.” Candra langsung nampani salamane Fajar. Kabeh sakkelas banjur seneng. 

Contoh Cerkak Bahasa Jawa Pengalaman Pribadi 2

2. Salah Sasaran

Udan deres tiba ing satengahing Ibukota wengi iku. Kahananing salah sawijining gang sempit krasa rada ndrawasi. 

Budi, bocah sing lagi wae ngancik 17 tahun ngadek ana ing papan peteng cedhak gang, jantunge deg-degan banter, atine krasa arep copot. 

Rong jam sedurunge, ing dalan pinggir gang iku mau ana padudon antaraning rong sekolahan. Dumandakan ana bocah sing tiba dlosor sauwise kena jotosan lan parang. Tibane bocah kuwi mau pas ing pojokan gang papan anggone Budi ngadek nyawang tawuran. 

Asline Budi kuwi bocah apik, mulane dheweke mlaku saka omahe Pakdhe arep tuku gas tabung ijo. 

Ananging weruh ana tawuran, Budi mandhek ana ing ngarep gang iku. Iya. Budi urip ing Ibukota nunut Pakdhene, supaya bisa nerusake sekolah. Wis arep telung tahun Budi urip ing kana kuwi. 

Pas bocah sing kebak getih kuwi tiba, pas polisi teka. Kabeh padha mlayu Budi kebingungan, dheweke banjur melu mlayu. Kewedan. 

Tekan ngomahe Pakdhe dheweke mikir, kudu piye, pungkasane dheweke milih bali menyang desa. Pamit karo Pakdhene yen arep ngurus KTP. Asline ming kabur saka kahanan sing bebrayani. 

Sakuwise perjalanan udakara sepuluh  jam, Budi uwis tekan omahe. 

Dheweke rada ayem, ananging isih tansah sujana. Dheweke nglakoni preinan kaya saben adate, leyeh leyeh ing ngomah, mangan masakan ibune sing dikangeni, karo nyandhak gaweyan sithik sithik. Ngewangi bapake ngurusi tegalan. 

Ora nganti seminggu, polisi tekan omahe Budi. Polisi Ibukota wis kerjasama karo polisi ngendi wae kanggo nglancak bocah-bocah sing kerekam ana ing cctv warung cedhak gang. Lha kok Budi pas banget kesorot cctv bengi iku. 

Wong tuwane Budi kaget weruh polisi teka sing arep gawa Budi nyang Ibukota. Budi mung nangis jaluk sepura gawe kaget wong tuwane. Budi ming manud jare polisi.

Nalika pemeriksaan saksi, Budi jlentrehke. Dheweke mangsuli pitakone polisi karo mimbik-mimbik. 

Pakdhene marani kantor polisi jaluk keterangan, dheweke jelaske yen Budi ora ana gandheng rentenge karo kedadeyan kuwi. 

Wiwitane Budi ming dikon tumbas gas, amarga budhene arep masak nanging gas e entek. Lha kok bali-bali jare toko gase tutup. 

Sauwise ping pirang-pirang pemeriksaan, akhire Budi kabukten ora salah. Budhene nangisi Budi, jare aja wedi ngomong karo Pakdhe Budhe senajan udu wong tuwane dewe. 

Ora dipendhem dhewe lan pungkasane malah kabur bali menyang desa. Budhe nangis karo jaluk ngapura menyang Budi yen selama iki kirane kurang anggone nggatekake Budi. Budi melu jaluk ngapura lan melu nangis. 

Demikian pembahasan mengenai contoh cerkak bahasa Jawa pengalaman pribadi singkat dan menarik yang bisa kamu pelajari. Semoga bermanfaat.

Baca Juga :

4 Contoh Cerkak Bahasa Jawa Tema Kesehatan dan Kebersihan Lingkungan secara Singkat

FAQ

Klik dan dapatkan info kost di dekat kampus idamanmu:

Kost Dekat UGM Jogja

Kost Dekat UNPAD Jatinangor

Kost Dekat UNDIP Semarang

Kost Dekat UI Depok

Kost Dekat UB Malang

Kost Dekat Unnes Semarang

Kost Dekat UMY Jogja

Kost Dekat UNY Jogja

Kost Dekat UNS Solo

Kost Dekat ITB Bandung

Kost Dekat UMS Solo

Kost Dekat ITS Surabaya

Kost Dekat Unesa Surabaya

Kost Dekat UNAIR Surabaya

Kost Dekat UIN Jakarta

The post 2 Contoh Cerkak Bahasa Jawa Pengalaman Pribadi Singkat dan Menarik appeared first on Blog Mamikos.

3 Contoh Cerkak Bahasa Jawa Tema Pendidikan dan Sekolah Pendek – Di dalam khazanah kesusastraan Jawa modern.

Cerkak merupakan salah satu jenis genre karya sastra yang masih banyak diminati. Salah satu buktinya adalah masih ada sejumlah media massa yang memberikan ruang khusus untuk cerkak setiap minggunya.

Tentang Cerkak Bertema Pendidikan dan Sekolah

Kehadiran cerkak dengan berbagai tema ini selalu dinanti penggemarnya. Tak hanya itu masih adanya kelas-kelas penulisan cerkak, baik yang dilakukan secara daring maupun luring merupakan bukti bahwa cerkak masih banyak diminati.

Cerkak bahasa Jawa dapat dibangun dengan menggunakan berbagai tema. Tema yang sering digunakan untuk membuat cerkak bahasa Jawa adalah tema tentang pendidikan dan sekolah.

Apabila kamu ingin membuat cerkak dengan tema ini. Kamu dapat menyimak contoh cerkak di bawah ini

Baca Juga :

4 Contoh Cerkak Bahasa Jawa Tema Kesehatan dan Kebersihan Lingkungan secara Singkat

Kumpulan Contoh Cerkak Bahasa Jawa Tema Pendidikan dan Sekolah

Contoh Cerkak Bahasa Jawa Tema Pendidikan dan Sekolah 1

1. Danang Kendhang

Merga ora bisa dielingake supaya ora kothekan lan gawe rame ing njero kelas. Wusanane Danang digawa menyang ruwang guru.

Ing njero ruwang guru, Danang dituturi lan diajab supaya bisa nglereni tumindake sing dianggep ngganggu murid liyane.

Nanging, senajan wis dituturi bola-bali. Danang tetep kothekan lan gawe rame dhewe. Dheweke ora nganggep babar blas pituture gurune.

Buktine ing kalane dituturi gurune. Tangane Danang ora leren saka anggene nuthuki meja. Kahanan sing kaya ngene iki ndadekake akeh gurune sing ngrasa mangkel.

Untunge ing wektu iku ana Pak Sugeng, guru karawitan kang ngerti ‘keistimewaan’ sing diduweni Danang lan ora diduweni kanca-kancane.

Miturut Pak Sugeng, Danang kuwi klebu bocah sing hiperaktif. Mulane Pak Sugeng enggal menehi kodhe menyang guru kang lagi nyidhang Danang lan ngajak Danang menyang ruwang karawitan.

Ing sekolahan iki Danang pancen isih klebu murid anyar. Anggene sekolah ing kene isih durung jangkep seminggu. Mulane bareng ngerti yen sekolahane duwe ruwang gamelan.

Danang sing lagi weruh ana sawijining ruwangan sing isine piranti musik sing sasuwene iki mung diweruhi ing tivi iku dadi nggumun.

Saka sawetara alat musik tradhisional ing ruwangan kuwi. Sing paling narik kawigatene Danang yaiku kendhang.

“Pak, kula pareng nyobi nika?” pitakone Danang menyang Pak Sugeng sinambi nuding kendhang.

Pak Sugeng manthuk kanthi alon.

Danang banjur jumangkah alon tumuju kendhang kang dikarepake. Sawise kuwi Danang langsung lingguh lan wiwit ngendhang. Senajan anggene ngendhang isih awur-awuran.

Nanging apa sing ditindakake Danang wis gawe kesengseme Pak Sugeng. Kahanan iku dumadi saka carane Danang ngendhang. Pak Sugeng percaya ing tembe mburi Danang bakal dadi salah siji pengendhang kang andhalan.

Sawetara menit candhake Pak Sugeng ngendheg anggene Danang ngendhang. “Le, saiki leren dhisik, ya! Mergane wis wayahe kowe mbalik menyang njero kelas.”

“Yah, kok sampun ta Pak? Kula pengin teng mriki terus. Yen ing kelas niku kula bosen. Soale boten pareng tetabuhan kados ing mriki.”

Pak Sugeng mung mesem.

“Kowe oleh tetabuhan ing kene sasenengmu lan sakeselmu.”

“Saestu, Pak?”

“Tenan. Nanging ana syarate?”

“Syarate napa, Pak?”

“Syarate gampang. Kowe mung cukup ora kena gawe rame lan kothekan ing kelas. Jalaran kelas kuwi papan kanggo sinau lan dudu papan kanggo rame apa maneh kanggo kothekan. Yen pengin kothekan kuwi papane sing bener, ya ing kene iki. Yen sanggup. Kowe ora mung oleh ngendhang sasenengmu. Nanging aku gelem mulang carane ngendhang sing bener. Piye sanggup?”

Danang katon mikir rada jeru. Sakawit dheweke kabotan kanggo nyaguhi. Jalaran ing njero kelas tanpa rame lan ora kothekan kuwi kanggone Danang mboseni tenan.

Nanging ngelingi bakal ana kalodhangan sinau kendhang saka Pak Sugeng lamun dheweke bisa nyaguhi panyuwune. Bareng dipikir kanthi mateng. Wusanane Danang gelem nyaguhi panyuwune Pak Sugeng.

Wiwit dina kuwi ana owah-owahan kang ditindakake Danang. Owah-owahan sing kaya ngene iki cetha gawe bungahe guru-gurune.

Senajan ing kelas tangane Danang kerep krasa gatel jalaran ngempet ora kothekan kaya padatan. Nanging Danang tetep nyoba ngempet rasa gatel kuwi. Awale pancen ora gampang. Nanging suwe-suwe Danang dadi kulina.

Kanggo ngobati rasa gatel ing tangane kuwi. Danang kerep ngentekake wektune ing ruwang karawitan.

Mesthi wae iki ditindakake ing wanci ngaso utawa bubaran sekolah sinambi ngenteni disusul wong tuwane.

Nalika ngentekake wektune ing ruwang gamelan. Danang kerep dibimbing Pak Sugeng carane nabuh gamelan lan carane mainake kendhang sing bener. Gandhenge anggene sinau kanthi temenan. Suwening suwe Danang dadi ngerti carane mainake gamelan kanthi bener.

Sawijining dina sekolahane Danang pikantuk undangan melu lomba gamelan. Kabeh pengrawit wis komplit mung kurang tukang kendhang.

Wiwitane pihak sekolahan sempet bingung golek tukang kendhang. Sejatine Pak Sugeng wis nunjuk Danang minangka tukang kendhange. Nanging pihak sekolah isih durung patia percaya.

Mula kanggo gawe pihak sekolahan percaya. Pak Sugeng ngusulake supaya dianakake audhisi pengendhang.

Untunge usulane Pak Sugeng iki ditampa pihak sekolahan. Sabanjure sekolah banjur nganakake audhisi pengendhang. Eloke, ing audhisi kuwi Danang bisa kapilih dadi pemenange.

Sawise kapilih Danang lan para pengrawit liyane banjur digladhi lan dilatih saben dina. Ngarepake lomba jam latihan ditambah.

Gandhenge wis dipercaya pihak sekolah. Danang lan kanca-kancane  sing kapilih dadi pengrawit ora gelem gawe isine sekolahan. Mulane anggene sinau digawe temenan.

Malah kanggo luwih nglanyahake anggene nabuh gamelan. Danang lan kanca-kancane isih latihan maneh ing daleme Pak Sugeng.

Latihan ing daleme Pak Sugeng iki ditindakake ing sanjabane jam sekolahan. Weruh semangat, tekad lan gedhene pepinginan kanggo gawe tampilan kang paling apik kalane lomba saka murid-muride iki banget gawe bungahe Pak Sugeng.

Dina sing dienteni wusanane teka. Sadurunge lomba diwiwiti Pak Sugeng kang wektu iku ditugasake ndampingi bocah-bocah sing lomba pesen.

“Cah, sing jenenge lomba iku mesthi ana sing menang lan ana sing kalah. Yen mengko kowe kalah aja ngresula lan suwalike yen kowe mengko bisa dadi pemenang aja pisan-pisan rumangsa gumedhe. Tetepa andhap asor lan aja kendho anggenmu latihan.”

“Nggih, Pak,” jawabe bocah-bocah bebarengan.

Lomba banjur diwiwiti. Ing lomba kuwi Danang sakanca kasil gawe tampilan sing apik lan kompak banget. Kira-kira sajam candhake sapa sing dadi pemenang ing lomba kuwi diumumake panitia.

Saiba bungahe atine Danang lan kanca-kancane nalika pihak panitia ngumumake yen tim-e kasil dadi juara siji. Ora mung iku wae sing gawe bungah atine Danang lan kancane. Rasa bungah kang dirasakake Danang lan kancane tansaya tikel pindho.

Nalika Danang kasil dipilih pihak panitia minangka pengendhang cilik sing paling apik. Ya, gara-gara iki kang ndadekake Danang pikantuk celukan Danang Kendhang saka kanca-kancane.

Celukan anyar iki orane ndadekake Danang mangkel. Suwalike celukan iki malah gawe seneng atine Danang.

Jalaran saka celukan iki Danang rumangsa duwe tanggungjawab supaya tetep sinau ing babagan kendhang. Pamrihe supaya bisa nyundhukake karo celukane anyare. 

Baca Juga :

Contoh Cerkak Bahasa Jawa Tema Sosial dan Budaya Masyarakat yang Menarik

Contoh Cerkak Bahasa Jawa Tema Pendidikan dan Sekolah 2

2. Gegayuhane Rendra

Kesebelasan Naga Emas sing dibela Rendra lagi nandang sungkawa gedhe, merga Aryo, bek tengen andhalane mentas ngalami kecelakaan kang ndadekake sikil tengene catu abot. Dening dokter, Aryo disaranake supaya ora bal-balan suwene telung wulan.

Larane Aryo iki ora mung ndadekake sedhihe atine Aryo lan kaluwargane. Nanging kanca-kanca nunggal tim lan pelatihe melu sedhih lan bingung.

Kanca nunggal tim lan pelatihe ngrasa sedhih lan bingung merga ora suwe maneh time Aryo bakal melu kompetisi tingkat propinsi.

Ngerti salah siji pemain andhalane ora bisa dimainake ing kompetisi sing bakal dieloni. Pak Min, pelatihe Aryo banjur nindakake seleksi para pemaine sing dirasa bisa ngganteni posisine Aryo.

Saka seleksi kuwi Rendra sing wekasane dipilih Pak Min. Rendra sing sadurunge ngisi posisi gelandang bertahan.

Saiki dheweke dipilih lan dipercaya pelatihe kanggo ngisi posisi bek tengen, posisi sing ditinggal Aryo.

Gandhenge sing milih pelatihe dhewe lan anggene kepilih iku merga seleksi sing kapetung angel. Cetha ana rasa mongkog ing atine Rendra.

Emane rasa mongkog iki ora suwe dirasakake Rendra. Anane penganggep saka kanca-kancane kang nganggep Rendra kurang trep ngisi posisine Aryo ndadekake Rendra cilik ati.

Apa maneh ana salah siji staf pelatih sing ngomong awake Rendra ngono keciliken, saengga ora pantes dadi bek tengen tansaya ndadekake atine Rendra entek.

Sore kuwi bubar latihan, Rendra mampir menyang omahe Dimas, kakange sing kuliyah ing jurusan Olah Raga. Rendra pengin takon lan pengin ngerti kaya ngapa bek sing apik kuwi.

Rendra milih takon Dimas ora mung merga kakange kuwi kuliyah ing jurusan olah raga. Nanging merga Dimas mujudake pemain bal sing ngisi posisi bek.

“Mas, aku oleh takon?” takone rendra sinambi lungguhan ing cedhake Dimas.

Dimas manthuk.

“Takon apa, Ndra?”

“Anu, Mas. Aku arep takon, nanging sampeyan jawab sing jujur, ya?”

“Sajake kok wigati temenan? Kowe arep takon apa?”

“Ngene, Mas. Aku arep takon ngenani tengere bek sing apik kuwi piye. Pemain bek kuwi apa kudu duwe awak sing gedhe, Mas?”

“Bener, Ndra. Bek kuwi pancen luwih apik yen duwe awak gedhe. Nanging ora mung kuwi wae sing diduweni. Saliyane gedhe awake, sing jenenge bek kuwi kudu lincah, tliti, bisa maca serangan, lan luwih apik maneh banter playune.”

Wangsulan saka kakange iki ndadekake Rendra ambegan landhung. Jalaran saka sing dikandhake kakange kuwi. Mung playu banter sing diduweni Rendra.

Weruh ponakane ambegan landhung. Dimas ngrasa bingung.

“Kok kowe ambegan landhung, Ndra. Kowe lagi ana masalah?”

“Dadi aku iki ora pantes dadi bek ya Mas? Mergane awakku cilik?”

Dimas kaget lan bingung kudu mangsuli piye pitakone ponakane. Kanggo sawetara Dimas meneng kanggo mikir wangsulan sing trep kanggo mangsuli pitakone Rendra.

Ing kalane dheweke meneng kanggo mikir kuwi. Dimas kelingan karo bek kiwa lan bek tengen andhalane Klub Liverpool sing ing musim tetandhingan taun iki kerep sinebut bek paling apik sadonya.

Senajan awake cilik lan kerep dianggep kurang pantes ngisi posisi bek. Nanging bek tengen lan bek kiwane klub Liverpool iki kasil mencut kawigatene wong akeh lan kerep dianggep tuladha bek modern paling apik.

Sinebut bek modern, jalaran bek kiwa lan bek tengen duweke klub Liverpool iki ora mung pinter njaga pertahanan, nanging pinter nindakake serangan. Malah wis akeh umpan saka bek-bek iki sing bisa ngasilake gol.

“Ndra, kowe kan pemain bal. Kowe pernah nonton tandhinge klub Liverpool?”

Rendra godheg.

“Hla, kok bisa?”

“Soale, aku seneng nonton Liga Italia, Mas. Yen liga Inggris kurang seneng. Dadine aku kurang ngerti babagan klub-klub Liga Inggris.”

“Oalah, yen ngono coba tontonen iki!”

Sore kuwi Rendra diajak Dimas nonton siaran ulang tetandhingan leg II semi-final UCL antarane Liverpool mungsuh Barcelona.

Ing kalane nonton siaran ulang kuwi Rendra kepincut karo aksine Trent Arnold, bek andalane Liverpool sing duwe awak cilik.

Yen ditonton saklebatan pemain bal sing umure durung jangkep 20 taun kuwi babar pisan ora pantes dadi bek.

Wiwitane akeh sing ngrasa Trent Arnold sing duwe awake cilik lan kuru banget kanggo ukuran bek kurang pantes ngisi posisi bek. Nanging, sapa ngira yen aksi-aksine, dheweke kerep gawe pemain mungsuh kangelan mlebu garis pertahanane Liverpool.

Eloke, maneh dheweke kerep menehi umpan mateng sing banjur bisa didadekake gol dening pemain penyerang. Tuladhane kaya kang dheweke tindakake sajroning tetandhingan leg II semi-final UCL taun kepungkur.

Trent Arnold bisa ngirim umpan mateng saka sepak pojok sing banjur digolake Origi lan gol iki mujudake gol pungkasan ing tetandhingan kuwi. Lan gol iki mujudake gol kemenangan sing wusanane dadi tiket kanggo Liverpool budhal menyang tetandhingan final.

“Wah, pemain iki hebat banget ya Mas? senajan awake cilik, nanging dhweke ora minder. Malah dheweke bisa ngowahi kekurangane kuwi dadi kaluwihane.”

Dimas manthuk tandha sarujuk menyang panemune Rendra.

“Kanggo pemain sing dipilih utawa kapilih dadi bek, duwe awak gedhe kuwi pancen wigati. Nanging kuwi dudu syarat utamane. Sing dadi syarat utamane bek kuwi kudu bisa njaga garis pertahanan. Lan sing ora kena dilalekake kudu bisa kerja bareng tim. Duwe awak gedhe nanging ora bisa njaga garis pertahanan lan senenge mung karepe dhewe ya percuma.”

“Matur nuwun, ilmune ya, Mas?”

“Iya, Ndra. Tur maneh kowe kuwi dipilih pelatihmu lak ya saka seleksi. Dadine pelatihmu duwe petungan dhewe kanggo kabisanmu. Ngenani wong-wong sing ngiloke utawa kasarane nyinyiri kowe. Becike ora dilebokake ati. Luwih becik, tetembungan sing kurang penak kuwi dadekna penyemangatmu. Kanthi mangkono kowe bakale luwih semangat lan duwe greget kanggo mbuketake pilihane pelatihmu ora kliru.”

Sing dikandhakake Dimas iki ndadekake rasa cilik ati sing sempet dirasakake Rendra sithik mbaka sithik ilang.

Apa maneh ing kalodhangan sore kuwi Dimas janji bakal menehi latihan tambahan lan trik-trik khusus sing kudu diduweni pemain sing ngisi posisi bek. Janjine Dimas iki kasil gawe atine Rendra seneng.

Saliyane kuwi merga semangat lan ngilmu sing bakal diwenehake kakange ponakan. Redra pengin nuduhake menyang wong-wong sing ngremehake yen dheweke bisa dadi bek sing apik lan sing ora kalah pentinge.

Rendra pengin bisa kaya Trent Arnold kang ora mung kuwat anggene njaga garis pertahanan, nanging bisa mbantu serangan lan ngirim umpan-umpan apik kanggo para pemain penyerang.

Baca Juga :

65 Contoh Parikan 2 dan 4 Baris dalam Bahasa Jawa yang Menarik

Contoh Cerkak Bahasa Jawa Tema Pendidikan dan Sekolah 3

3. Fajar Ajar Nggawe Kupat

Merga ora bisa dolan-dolan menyang tangga lan sedulure kaya lebaran sing wingi. Ing riyaya ing saben dina sing ditindakake Fajar mung dolanan hp lan mangan jajan kang sumadya ing ruwang tamu.

Pinuju sawijining esuk, nalika ngancik riyaya dina kapitu Fajar didangu bapake, “Le, mengko sore melu bapak ya?”

Fajar sing lagi dolanan hp banjur ndelehake hpne lan mangsuli pitakone bapake, “Badhe dhateng pundi, Pak?”

Sinambi mangsuli pitakone bapake. Ing jero batine Fajar tansah ngarep-arep bakal diajak dolan karo bapake.

Pambatin sing kaya ngene tuwuh merga Fajar wis ngrasa bosen ing ngomah terus lan ora bisa dolan menyang ngendi-ngendi gara-gara anane virus corona kang isih durung rampung tekan saiki.

“Melu bapak menyang tegalan.”

Wangsulan saka bapake iki ndadekake rasa marem kang sempet dirasakake Fajar ilang sanalika.

“Hlah, teng tegalan badhe pados napa, Pak?”

“Golek janur kanggo nggawe kupat, Le.”

“Hlo, kan mboten pareng dibeta dhateng masjid, Pak. Lajeng kupate didamel napa?”

“Ya, dimaem dhewe karo diterake menyang mae tangga cedhak omah, Le. Masiya kupate ora digawa menyang masjid kaya lebaran taun kepungkur. Nanging kahanan kaya ngene aja nggawe awake dhewe ninggal tradhisi nggawe kupat.”

Sawise kuwi Fajar mikir. Saka anggene mikir kuwi wusanane Fajar gelem melu bapake menyang tegalan saperlu nggolek janur kanggo nggawe kupat.

Sorene Fajar lan bapake watara jam setengah telu sore budhal menyang tegalan. Tekan tegalan bapake langsung menek klapa saperlu ngerah janur kang dibutuhake.

Ana patang papah janur sing dierah bapake Fajar. Janur-janur sing dierah bapake Fajar kuwi banjur dikumpulake Fajar.

Bareng dirasa cukup. Janur kuwi banjur digawa mulih karo Fajar lan bapake. Sadurunge tekan ngomah telung papah janur karo bapake Fajar didumake menyang tangga-tanggane.

Weruh apa kang ditindakake bapake kuwi. Ana rasa kurang seneng ing atine Fajar.

“Ngapa sih dadak diwenehke?” batine Fajar.

Masiya rumangsa ora seneng, nanging surasa sing kaya ngono mung dibatin karo Fajar. Sawise tekan ngomah, Fajar banjur kepingin bali dolanan hp maneh.

Nanging pepinginan sing kaya ngene wurung ditindakake jalaran dheweke diutus bapake melu nggawe klonthongan kupat.

“Le, yen ora repot bapak lan ibu rewangan nggawe klonthongan kupat, ya?”

“Nggih, Pak.”

Kupat kanggone Fajar pancen dudu barang anyar. Saben riyaya kaluwargane mesthi nggawe lan pikantuk pawenehan kupat saka tangga-tanggane.

Sing paling disenengi Fajar yaiku kupat kang dilawuhi nganggo lodho ayam kampung, Nanging yen nggawe klonthongan kupat, iki isih barang anyar kanggone Fajar.

Gandhenge durung ngerti kepriye carane. Fajar mung nonton bapak lan ibune kang astane katon trampil nyulap janur dadi klonthongan kupat kanthi maneka bentuk.

Kegawa pengine bisa nggawe klonthongan kupat kaya bapak lan ibune. Fajar banjur njupuk janur kang wis dipisahake saka sadane.

Emane, masiya wis bola-bali nyoba nanging Fajar ora kasil anggene nggawe klonthongan kupat kaya sing digawe bapak lan ibune.

“Pak, Bu, kula nyerah mawon. Pranyata ndamel klonthongan kupat niku rekaos sanget. Tinimbang susah-susah ndamel klonthongan kupat kados mekaten. Kenging menapa kita boten tumbas klonthongan kupat ing pasar kados wingi-wingi? Kan langkung praktis?”

Bapak lan ibune mesem.

“Le, sampeyan lak ya ngerti dhewe. Saiki kuwi usume corona. Senajan isih ana pasar sing buka nanging bakul-bakule jarang ana sing dodolan. Tinimbang ngejibne tuku menyang pasar, ning mengko ora bisa tuku gara-gara ora ana bakul klonthongan kupat. Rak ya luwih becik nggawe dhewe wae,” wangsulane bapake.

“Oh, nggih, Pak. Kula kesupen.”

“Dadi bocah aja gampang nyerah ngono, Le. Sing jenenge nggawe klonthongan kupat kuwi ngilmu katon. Tegese kenek disinaoni. Ayo jajal saka awal maneh!”

Fajar sing ngrasa apa sing dingendikake bapake ana benere. Dheweke ngrasa isin yen nganti ora bisa nggawe kupat. Kegawa rasa isine iki nuwuhake krenteg anyar kanggone Fajar.

Sawise kuwi Fajar nyoba nyawang kepriye bapak lan ibune nggawe klonthongan kupat. Weruh anake nyawang bapak lan ibune sing maune anggene nggawe kanthi rikat. Saiki digawe rada alon. Masiya wis digawe alon, nanging Fajar tetep durung bisa nggawene.

“Carane ngene hlo, Le,” ngendikane bapake sinambi nuduhake carane nggawe klonthongan kupat.

Fajar banjur nindakake kaya sing dicontoni bapake. Alon nanging mesthi. Wusanane Fajar kasil ngrampungake siji. Ana rasa bungah kang dirasakake Fajar samungkure kasil ngrampungake klonthongan kupat.

Fajar kepengin nyoba maneh. Sinambi nyoba nggawe maneh kuwi. Fajar nyuwun pirsa menyang bapake ngenani sejarah kupat kuwi kaya ngapa.

“Pak sejarahe kupat niku pripun? Lan kenging menapa mesthi ndamel janur?”

Sawise rampung anggene nggawe klonthongan kupat. Bapake lagi mangsuli pitakone Fajar.

“Kupat kuwi diperkirakake wis dikenal wong Jawa wiwit jaman kasultanan Demak. Ing jaman kawitane kupat kuwi digunakake media dakwahe Sunan Kalijaga kanggo nyebarake agama islam ing tanah jawa. Lan alesane nganggo janur. Merga janur kuwi dadi identitas dhaerah pesisiran sing mujudake daerah sing wargane paling dhisik ngrasuk agama islam.”

Fajar manthuk-manthuk tandha ngerti apa sing dikarepake bapake.

“Lan kena ngapa isine kupat kuwi beras?”

Fajar godheg kanthi alon.

“Jalaran beras kang dadi isen-isening kupat kuwi dadi bukti yen bangsane dhewe iki mujudake bangsa agraris. Tegese bangsane dhewe kuwi ngandelake uripe saka tetanen.”

“Dados menawi mekaten kupat niku boten namung dhaharan mawon nggih, Pak. Nanging ugi ngandhut cathethan sejarah ingkang kedah dijaga?”

“Bener, Le. Mulane kuwi, masiya saiki wis akeh sing dodolan kupat. Awake dhewe kudu tetep bisa nggawe dhewe. Amarga sapa maneh sing gelem njaga warisan sejarah sing jenenge kupat yen dudu awake dhewe?”

Demikianlah contoh cerkak bahasa Jawa tema pendidikan dan sekolah yang dapat kamu jadikan referensi. Semoga artikel ini semakin membuatmu memahami bagaimana cara membuat cerkak bahasa Jawa yang menarik.

Baca Juga :

9 Contoh Novel Bahasa Jawa beserta Nama Pengarangnya Lengkap

Klik dan dapatkan info kost di dekat kampus idamanmu:

Kost Dekat UGM Jogja

Kost Dekat UNPAD Jatinangor

Kost Dekat UNDIP Semarang

Kost Dekat UI Depok

Kost Dekat UB Malang

Kost Dekat Unnes Semarang

Kost Dekat UMY Jogja

Kost Dekat UNY Jogja

Kost Dekat UNS Solo

Kost Dekat ITB Bandung

Kost Dekat UMS Solo

Kost Dekat ITS Surabaya

Kost Dekat Unesa Surabaya

Kost Dekat UNAIR Surabaya

Kost Dekat UIN Jakarta

The post 3 Contoh Cerkak Bahasa Jawa Tema Pendidikan dan Sekolah Pendek appeared first on Blog Mamikos.

4 Contoh Cerkak Bahasa Jawa Tema Kesehatan dan Kebersihan Lingkungan secara Singkat – Selain sebagai hiburan sebuah karya sastra dapat dipakai sebagai sarana untuk mengampanyekan masalah kesehatan dan kebersihan lingkungan.

Sebenarnya himbaun untuk menjaga kesehatan dan kebersihan lingkungan sudah dilakukan dengan banyak jalan. Selain menggunakan poster himbauan juga disampaikan melalui penyuluhan. Namun, terkadang hasil yang didapat belum sesuai dengan keinginan.

Makanya, supaya lebih efektif himbauan ini kemudian disisipkan dalam suatu karya sastra baik dalam bentuk puisi dan cerita pendek. Supaya cerkak bahasa Jawa Tema Kesehatan dan Kebersihan buatanmu menarik ada beberapa cara yang harus kamu lakukan.

Tips Membuat Cerkak Bahasa Jawa

• Tentukan tema cerita yang akan kamu buat
• Berikan gambaran jelas tentang tokohnya
• Tentukan siapa sasaran pembacanya
• Gunakan bahasa yang sesuai dengan sasaran pembacanya
• Usahakan pesan yang disampaikan jangan seperti menggurui

Setelah mengetahui bagaimana tips-tipsnya, sekarang kamu sudah dapat mulai membuat sendiri cerkak. Tetapi jika masih kesulitan. Kamu dapat menyimak contoh cerkak berikut.

Baca Juga :

Contoh Cerkak Bahasa Jawa Tema Sosial dan Budaya Masyarakat yang Menarik

Contoh Cerkak Bahasa Jawa Tema Kesehatan

Di bawah ini adalah contoh cerkak bahasa Jawa Tema Kesehatan

Contoh Cerkak Bahasa Jawa Tema Kesehatan 1

Nalika Untune Vino Lara

Vino seneng banget ditukokake permen coklat karo Wawan, Paklike. Permen coklat paringane Paklike langsung dipangan karo Vino.

Ing satengahe mangan permen coklat. Ibune Vino mulih saka sekolahan kanthi nggawa kerdhus werna jambon.

“Le, iki jatahe ibu saka sekolahan. Maemen dhisik!” ngendikane Ibune.

Vino bingung kudu mangan sing endi dhisik.

Kerdhus werna jambon sing mentas ditampa saka ibune iki bola-bali disawang.

“Ndang maemen, Le. Eman-eman yen nganti mambu,” tambahe Ibune.

Vino langsung mbukak kerdhus kuwi. Nalika weruh isine kerdhus kuwi. Vino kaget. Vino ora percaya yen isine kerdhus kuwi jebul donat susu. Vino banjur njupuk siji.

“Ibu purun?” takone Vino.

“Ibu wis wareg. Telasna wae supaya cepet gedhe,” wangsulane Ibune.

Vino banjur mangan donat susu kuwi kanthi telap-telep. Kanggo sawetara Vino lali karo permen coklate. Samungkure maringake kerdhus werna jambon marang Vino.

Ibune banjur mlebu menyang kamar kanggo salin sandhangan. Rampung salin sandhangan. Ibune banjur jumangkah menyang pawon saperlu nyepakake mangan awan kanggo bapake Vino.

“Le, iki permene sapa? Kok pating mblasah ing kene?” pitakone Ibune.

Sanalika Vino mandheg anggene mamah. Dheweke kelingan maneh karo permen coklate.“Permen kula, Bu,” wangsulane Vino sinambi jumangkah nyedhaki ibune.

“Mbok yen wis ora dimaem, permene disinggahne sing permati. Eman-eman yen kepidak utawa dirubung semut.”

“Nggih, Bu, ngapunten. Kula kesupen.”

Sawise kuwi Vino banjur ngringkesi permen coklate. Permen coklat sing maune mblasah kuwi banjur diringkesi lan disimpen ing njero kulkas. Sawise kuwi Vino nerusake anggene mangan donat susu.

Nalika donate sisa siji. Dumadakan Vino mbengok, “Aduh….aduh….aduh.” Sawise kuwi Vino banjur nangis sinambi nyekeli pipine.

Keprungu swara anake mbengok, mesthi wae gawe kagete ibune sing lagi masak. Ibune banjur ninggal sawetara anggene masak saperlu mesthekake apa kang dialami Vino.

“Ana apa, Le?” takone Ibune.

“Anu, Bu. Waja kula sakit,” wangsulane Vino sinambi nyekeli pipine.

Ngerti untune Vino lara. Ibune banjur njupukake obat lara untu kanggo Vino. Emane nalika nggoleki obat ing kotak P3K.

Obat lara untu sing digoleki ibune ora ketemu. Ibune sempet bingung kudu piye kanggo ngusadani larane Vino. Arep ditinggal tuku obat samar yen masakane gosong.

Untunge wektu iku ibune kelingan karo ujare Bu Dewi, bidan Desa sing rong dina kepungkur dolan menyang omahe. Miturut Bu Dewi ana cara alami lan kapetung ampuh kanggo nambani lara untu.

“Le, saiki tulung njupuka andhuk cilik sing ana pemeyan, ya!” prentahe Ibune.

Tanpa takon apa tujuane ibune ngutus kaya mangkono. Vino langsung nuruti prentahe Ibune. wektu Vino njupuk andhuk. Ibune njupuk es batu kang ana ing njero kulkas.

“Bu, niki adhuke,” ujare Vino sinambi ngempet lara.

Kanthi rikat es sing mentas dijupuk saka njero kulkas iku banjur dibuntel nganggo andhuk cilik sing mentas dijupuk Vino.

Es batu kang wis dibuntel nganggo andhuk iku banjur diwenehake menyang Vino. Mesthi wae Vino ngrasa bingung.

“Niki damel napa, Bu?” takone Vino maneh.

“Saiki kompresna menang perangan untu sing lara lan gulumu sing kaku, Le. Ibu ngakon iki supaya awakmu bisa ngira-ira dhewe. yen krasa kadhemen dilereni sedhela. Banjur diambali maneh nganti larane suda.”

Wiwitane Vino babar pisan ora percaya. Pikire Vino apa iya lara untu bisa ditambani nganggo es batu.

Kamangka sasuwene iki Vino ngertine wong lara untu iku paling anti karo sing jenenge adhem. Buktine saben hawa adhem. Lara untune Vino kerep kumat.

Salungane ibune kang nerusake anggene masak. Vino banjur ngompresake es batu kang diblebet andhuk mau menyang pipi lan gulune sing krasa kaku. Semenit-rong menit kawitan isih durung ana owah-owahan sing dirasakake Vino.

Nanging bareng nyandhak lima las menit candhake. Lara untu sing dirasakake Vino wis akeh sudane.

Kahanan kaya ngene iki mesthi wae gawe bungahe Vino. Sajam candhake lara untu sing sempet dirasakake Vino ilang tanpa tilas. Kahanan iki mesthi wae gawe bungahe Vino.

“Bu, matur nuwun. Sakniki wajane Vino sampun boten sakit malih.”

Krungu apa sing dikandhakake anake ibune uga kaget. Jalaran piyambake ora ngira yen sing dikandhakake Bu Desi sawetara wektu kepungkur kabukti ampuh tenan.

“Yen wis mari tenanan. Aja lali ngonjukake sokur menyang Gusti Allah, Le.”

“Alhamdulillah,” ujare Vino. “Lajeng niki andhuke dideleh pundi, Bu?”

“Pepenen maneh wae, Le. Supaya garing,” wangsulane Ibune.

Sadurunge anake jumangkah saperlu nindakake prentahe. Ibune aweh prentah liya.

“Le, awakmu iku rak ya seneng mangan legi-leginan. Mulane ibu pesen, awakmu kudu pinter lan tertib anggenmu ngresiki untu. Pamrihe untumu ora kropos lan ora gampang lara untu.”

Contoh Cerkak Bahasa Jawa Tema Kesehatan 2

Aldo Kena Uler Lintang

Sasuwene iki Aldo jarang gelem diajak bapakke menyang tegalan. Nanging saiki beda. Jalaran Aldo ngrasa bosen ing ngomah lan ora kegiyatan kang bisa ditindakake kanggo ngilangi rasa bosen kang dirasakake.

Wusanane Aldo gelem diajak bapake menyang tegalan. Sadurunge budhal menyang tegalan. Aldo diutus bapakke nganggo krim anti-nyamuk.

“Hlo, kenging menapa kedah ndamel krim anti nyamuk, Pak?”

“Kanggo jaga-jaga supaya ora dicakot nyamuk sing mbebayani kanggo awake dhewe, Do. Soale awake  dhewe ora ngerti nyamuk apa wae kang ana ing tegalan.”

Diaturi bapakke kaya ngono Aldo bisane mung manut.

Sawise nganggo krim anti-nyamuk lan nggawa piranti kang dibutuhake. Kekarone banjur budhal menyang tegalan sing papane ora adoh saka omahe Aldo.

Tekan tegalan bapakke Aldo langsung njebol pohung. Dene Aldo babat-babat suket. Ing kalane mbabati suket. Tanpa dinyana tangane Aldo krasa panas banget.

“Adhuh……,” pambengoke Aldo sinambi ndelehake arit kang digunakake mbabati suket.

Keprungu pambengoke anakke. Bapakke langsung nglereni anggene njebol pohung lan mlayu nyedhaki Aldo. Bareng wis cedhak bapakke weruh Aldo lagi pringisan ngempet lara sinambi nyekeli tangane.

“Tanganmu kena ngapa, Do?”

“Mboten ngertos, Pak. Nanging tangan kula raose panas lan gatel sanget.”

“Coba tak deloke!”

Bapakke banjur niti priksa tangane Aldo.

“Wah iki tanganmu kena ulu uler lintang, Do.”

Merga ora kuwat ngempet gatel lan panase. Aldo ngukuri tangane sing kena ulu uler.

Ing kalane Aldo ngukuri tangane. Bapakke menggak, “Aja kok kukuri, Do. Mengko mundhak mbrentek tekan ngendi-endi!”

“Lajeng pripun, Pak? Kula boten kiyat ngempet niki.”

“Saiki awakke dhewe bali mulih dhisik. Nanging aja kok kukuri tenan, hlo!”

“Nggih, Pak.”

Gandhenge ora kuwat ngempet rasa gatel ing tangane. Pisan-pisan Aldo nyoba ngukur tangane kang kena ulu uler.

Batine Aldo kanthi ngukuri kuwi bisa nyuda rasa gatel kang dirasakake. Ning sing ditindakake Aldo nyatane kliru. Gatel sing dirasakake orane suda, nanging malah mbrentek tekan ngendi-endi.

Ngerti sing ditindakake kliru lan wis ora manut ature bapakke. Aldo arep sambat dadi ngrasa isin dhewe.

Saengga kanggo ngempet rasa lara kang dirasakake dheweke sabisa-bisane ngempet.

Ing wektu kuwi Aldo banget ngrasa salah. Saupama dheweke manut ature bapakke. Sameshine lara sing dirasakake ora bakal luwih nemen.

Tekan ngomah, bapakke langsung nimbali ibune Aldo.

“Bu, Bu… Tulung jupukna uyah lembut!” prentahe bapakke menyang ibune.

Ibune kang ibut masak ing pawon. Langsung njupukake uyah lembut. Ing kalane dijupukake uyah kuwi Aldo mbatin.

“Bapak iki kepriye sih? Mosok tangan kena uler kok arep diuyahi?” batine Aldo.

Sawetara wektu candhake ibune metu saka pawon sinambi nggawa uyah lembut.

“Iki uyahe, Pak! Arep digawa apa kok dadak ngakon dijupukake uyah lembut barang iki?” takone ibune.

“Iki, hlo tangane Aldo kena uler lintang,” wangsulane bapakke.

Ibune banjur takon Aldo endi tangane sing kena ulu uler.

“Endi tanganmu sing kena uler, Do?”

“Niki, Bu!”

“Biyuh-biyuh kok bisa dadi kaya ngene ambane? Iki mau kok kukuri apa piye?”

Aldo manthuk.

“Pak, ngapunten kula mboten manut ature panjenengan. Amargi kula mboten kiyat ngempet raos gatel lajeng kula kukur. Kula kinten gatele bakalan suda, nanging dadose malah kados mekaten.’

Sawise kuwi ibune banjur mblonyohi tangane Aldo sing kena ulu uler nganggo uyah lembut sing dijupuk saka pawon. Ajaib.

Sawise uyah lembut diblonyohake ing perangan tangane Aldo sing kena ulu uler. Rasa gatel lan panas kang dirasakake Aldo akeh sudane. Ora nganti sepuluh menit candhake rasa gatel lan panas kuwi ilang tanpa tilas.

Kahanan kaya ngene iki ndadekake Aldo nggumun. Kok bisa uyah lembut bisa didadekake tamba kanggo rasa gatel lan panas kang mentas dirasakake.

Merga pengin ngerti alesane. Aldo banjur nyuwun pirsa menyang bapak lan ibune.

Pitakon saka Aldo diwangsuli kanthi cetha lan trawaca dening bapak lan ibune. Saiki Aldo lagi ngerti yen uyah lembut kuwi kena kanggo tamba wong kang kena ulu uler.

Baca Juga :

9 Contoh Novel Bahasa Jawa beserta Nama Pengarangnya Lengkap

Contoh Cerkak Bahasa Jawa Tema Kebersihan Lingkungan

Contoh Cerkak Bahasa Jawa Tema Kebersihan Lingkungan 1

Reresik Sarang Nyamuk

“Wa, yen rampung pasaran kuwi dolanane disigeki. Aja dijarke awut-awutan kaya mangkono,” ujare Puput menyang adhine.

“Dudu aku hlo mbak. Dolananku wis daksigeki kabeh kok. Sing durung disegeki kuwi dolanane Dewi, mbak, dudu dolananku,” semaute Dewa.

“Dolanane Dewi rak ya dolananmu ta? ayo gagih disigeki. Kae tontonen mendhunge wis peteng kae! Mengko yen udan dolananmu ilang embuh hlo. Ayo enggal disigeki!” prentahe Puput.

Kanthi rasa mangkel wekasane Dewa gelem nindakake prentahe mbake kasebut.

“Hla, Dewi ana ngendi Wa?” takone Puput.

“Aku ndak ngerti, mbak,” wangsulane Dewa sinambi nglebokake dolanane menyang njero keranjang.

Ora watara bocah sing digoleki njedhul.

“Hla, iki bocahe. Kowe saka ngendi Wi?”takone Puput menyang adhine.

“Aku mentas tuku bumbu, mbak. Ibu ngutus aku supaya dipundhutake bumbu soto ing warunge Budhe Maryam,” wangsulane Dewi.

“Suk-suk maneh yen arep ditinggal lunga, dolananmu sigekana dhisik. Jajal yen dolananmu ilang awakmu dhewe ta sing rugi?”

“Inggih. Mbak.”

“Ya, wis kana, enggal ewangana Dewa nyigeki dolanan. Ketarane arep udan. Mengko yen ora kok sigeki dolananmu kentir katerjang ilinging banyu udan!”

Dikandhani mbake kaya mangkono, Dewi banjur klunuh-klunuh jumangkah menyang latar.

Ing latar, Dewa sedulur kembare wis ibut nglebokake maneka jinis dolanan sing awan mau dienggo pasaran masak-masakan menyang njero kranjang.

“Sampeyan kuwi piye hlo mbak? Rampung dolanan ora gelem nyigeki. Gara-gara iki aku malih melu diseneni mbak Puput,” ujare sinambi mecucu.

“Ya, aku ngaku salah. Sejatine aku mau kepengin ngringkesi dolanan iki luwih dhisik. Nanging gandhenge ibu ngutus supaya dipundhutake bumbu soto rada ceper. Wekasane aku ora sempet nyigeki dolanan iki luwih dhisik. Lan awakmu aja sumelang, Wa. Aku nduwe oleh-oleh kanggo kowe.”

“Apa iku, mbak?”

“Aku nduwe jajan wafer coklat cacah loro. Mau susuk saka tukon bumbu ngendikane ibu entuk ditukokake jajan. Lan dhuwit iku banjur daktukokake wafer coklat kesenenganmu. Saiki iki siji kanggo kowe lan siji kanggo aku,” ujare Dewi sinambi ngelungake wafer coklat menyang Dewa, sedulur kembare.

“Wah, matur nuwun, ya mbak.”

“Iya, padha-padha. Heh, ayo ndang dirampungke anggene nyigeki dolanan. Mengko yen mbak Puput ngerti awake dhewe diseneni maneh!”

“Oke, mbak.”

Ora watara suwe bocah kembar iku mau rampung anggene nyigeki dolanane.

Sawise dilebokake menyang njero keranjang. Sawise kuwi kranjang isi dolanan iku mau banjur digawa menyang njero gudhang.

“Saiki wis rampung. Ayo, Wa, gek ndang adus. Ketarane anggene ibu masak soto sedhela maneh rampung. Ambune sing sedhep wis kaambu saka gudhang kene!” pangajake Dewi.

“Iya, mbak. Wetengku wis luwe tenan iki. Wah, ketarane sedhela maneh pancen udan, mbak. Iki wis wiwit gremis. Udan-udan maem soto sinambi ngombe susu anget mesthine enak tenan, ya mbak?”

“Wis mesthi kuwi, Wa,” wangsulane Dewi mesem.

Rikalane Dewa jumangkah ninggalake gudhang, sikile Dewa nyenggol kaleng tilas cet.

Lan isine kaleng iku mau langsung wutah. Sakawit Dewa rumangsa wedi bakal didukane mbake utawa bapake merga ngutahake isine kaleng bekas iku mau.

Nanging bareng ditilike apa sing utah saka njero kaleng cet iku mau. Dewa orane wedi nanging malah kamigilanen. Sing gila amarga weruh isine kaleng cet iku mau dudu Dewa wae. Nanging Dewi uga melu gila.

Bocah loro iku mau saking gilane nganti ora wani metu saka njero gudhang.

Bocah kembar iku mau ngrasa gila jalaran saka njero kaleng cet iku mau metu udhik-udhik sing wujude kaya uler nanging cacahe akeh banget.

“Mbak Puput, tulung iki ana uler akeh!” pambengoke Dewa.

“Iya, mbak tulung. Aku lan Dewa ora wani metu gara-gara ngerti akeh uler,” tambahe Dewi.

Keprungu pambengoke adhine cacah loro iku mau. Puput banjur mlayu menyang gudhang sinambi nggawa sapu lan cikrak.

Sajroning angen-angene Puput mbatin yen apa sing diweruhi dening adhine iku mau pancen uler.

Nanging, bareng tekan gudhang lan ngerti apa sing jarene adhine kuwi uler, Puput malah guyu dhewe.

“Sampeyan kok malah ngguyu ta, mbak?” takone Dewa sinambi ngrangkul Dewi amarga wedine marang kewan sing ana ing ngarepe.

“Ora ngguyu piye? Hla kowe sakloron kuwi lucu. Mosok uget-uget kok kandhakake uler,” wangsulane Puput.

“Mosok ta, mbak? Mosok iki anake nyamuk? Hla nyamuk rak ya bisa mabur. Dene kewan iki rak ya ora bisa mabur?” takone Dewa.

“Dewa, Dewa. Bocah ayu, mulane ta sregepa maca. Kanthi sregep maca kowe bakale ngerti proses owah-owahan sajroning uripe nyamuk. Ngertia ya, ndhuk, nyamuk kuwi miwiti uripe saka endhog, banjur dadi udhik-udhik kaya kuwi, sawise kuwi dadi kepompong, lan yen wis rampung dadi kepompong banjur lagi dadi nyamuk,” jelase Puput.

“Betul, betul, betul,” tambahe Dewi sing nirokake paraga kasenengane sajroning film kartun Upin & Ipin.

Weruh tumindake adhike sing kaya ngene iki Puput ngguyu tipis. Dene Dewa ngrasa rada mangkel amarga diece dening sedulur kembare.

“Eh, kewan iki asale saka ngendi?” takone Puput.

“Saka njero kaleng iki, mbak,” wangsule Dewa.

“Wah, bahaya iki. Mesthine banyu kang njero kaleng cet sing diendhogi nyamuk iku gara-gara ketrocohan udan wingi kae. Dewa, Dewi sadurunge adus, saiki mbak njaluk tulung jajal kaleng bekas sing ana njero gudhang iki ditokne kabeh ya!”

“Siyap, mbak,” wangsulane bocah kembar iku bebarengan.

Siji mbaka siji cet bekas sing ana njero gudhang iku ditokake. Bareng dietung cacahe kaleng cet bekas ana sepuluh kaleng.

Bareng dititi priksa dening Puput jebul kabeh kaleng cet bekas sing ora ana tutupe iku kebak klawan uget-uget.

Kaleng bekas cet sing isine banyu lan kebak klawan uget-uget iku banjur disuntak ing sangisore wit sawo dening Puput.

 “Aku kok mesakake ta mbak? Kena apa dheweke dipateni?”

“Yen, ora dipateni kewan iki bakale dadi nyamuk. Awakmu gelem dicokot nyamuk? Ngertia biyasane nyamuk sing ngendhog ing papan kaya ngene iki nyamuk Demam Berdarah. Awakmu gelem kena Demam Berdarah?”

Keprungu tembung Demam Berdarah, sanalika Dewa rumangsa wedi banget.

Dheweke rumangsa wedi jalaran ing kelase ana kancane sing kena Demam Berdarah lan wis seminggu luwih ora mlebu sekolah amarga nganti wektu iki. Kancane Dewa nunggal kelas kuwi isih diramut ing rumah sakit.

Saliyane kuwi bareng keprungu yen uget-uget kuwi bakale dadi nyamuk. Sanalika rasa gila lan jijike Dewa ilang.

Ing atine Dewa tuwuh rasa wani lan dheweke enggal ngrewangi mbake nyuntak kaleng bekas sing isine uget-uget kuwi ing sangisore sawo.

“Kok awakmu dadi kendel ngono, Wa?”

“Iya, mbak. Aku bakal nelukake nyamuk nakal. Gara-gara nyamuk kancaku ora mlebu sekolah lan kudu diramut menyang rumah sakit. Mbayangake wae aku ora wani, mbak. Mula supaya ora ana maneh sing mlebu rumah sakit uget-uget iki ora entuk dadi nyamuk.”

Keprungu apa sing diomongake Dewa, Dewi uga melu nyuntak kaleng bekas sing ana uget-ugete menyang sangisore wit sawo.

Baca Juga :

5 Contoh Cerkak (Cerita Cekak) Bahasa Jawa dengan Berbagai Tema

Contoh Cerkak Bahasa Jawa Tema Kebersihan Lingkungan 2

Tikus-tikus Nakal

Wis ana telung minggu iki omahe Vino ora aman. Akeh tikus sing pating sliwer. Ora mung iku wae.

Gara-gara tikus sing nyaba omahe nganti nyebabake sawetara kabel listrik ing omahe Vino pedhot.

Saliyane kuwi, buku lan sepatu kang disimpen ing gudhang padha rusak kabeh. Bapake Vino wis jibek. Piyambake wis kentekan cara kanggo ngusir tikus saka omahe.

Telung dina kepungkur tikus-tikus kuwi wis dipasangi racun lan lem khusus kanggo tikus. Anehe ora ana tikus sing keracun lan kena lem kasebut.

Merga ngrasa racun lan lem tikus sing dipasang ora ampuh kanggo nyuda tikus kang nyaba omahe. Wusanane racun lan lem tikus kuwi dipendhem karo ayahe Vino. Alesane supaya ora mbebayani kanggo kaluwargane.

Dina minggu sore adate Vino latihan bal-balan ing lapangan cedhak omahe. Nanging dina kuwi Vino malah dolan menyang daleme Om Wawan.

 “No, kok kadingaren awakmu ora latihan bal-balan?” takone Om Wawan.

“Sepatu kula bolong mergi dikrikiti tikus, Om,” wangsulane Vino.

“Hla, sepatumu kok deleh ngendi kok nganti dikrikiti tikus?” takone Om Wawan maneh.

“Nggih, ing papan samesthine, Om. Tapi sampun tigang minggu niki tikus sing nyaba griya kathah sanget. Maneka cara sampun ditindakaken Ayah. Nanging asile sami mawon. Cacahe tikus kados boten suda, nanging malah tambah kathah. Sepatu kula ingkang jebol niku namung salah setunggal korbane. Saliyane niku kabel-kabel ing nggriya kathah kang pedhot gara-gara dikrikiti tikus,” wangsulane Vino.

Keprungu apa sing dikandhakake Vino iki ndadekake Om Wawan kelingan lelakon sing nate dialami sawetara taun kepungkur.

Nalika kuwi omahe uga nate disaba tikus. Gara-gara tikus sing nyaba omahe kuwi ndadekake sentrat pakan iwake morat-marit sawise wadhahe dijebol tikus.

“Om, njenengan ngertos pripun carane supados tikus-tikus niku minggat saking nggriya kula?” takone Vino.

“Om ora yakin, nanging biyen Om nate kasil nganggo cara iki,” wangsulane Om Wawan.

“Carane pripun, Om? Kula sampun mangkel sanget kalih tikus-tikus niku. Saliyane nyebabake kathah karusakan. Swarane tikus-tikus ingkang playon ing nginggile plapon wanci dalu ngganggu sanget,” tambahe Vino.

Om Wawan ora langsung mangsuli. Piyambake meneng sawetara wektu sadurunge mangsuli pitakone Vino.

Sawise nenimbang apa sing bakal dikandhakake. Wusanane Om Wawan ndudohi Vino cara sing dirasa aman lan ampuh kanggo ngusir tikus.

“Awakmu goleka karbit. Mengko yen wis entuk. Karbite kuwi lebokna ing njero rong tikus,” ujare Om Wawan.

Sawise diwenehi ngerti Om Wawan. Vino ngucapake matur nuwun lan pamitan mulih. Ing satengahe perjalanan mulih. Vino mampir ing tokone Mak Sulinah saperlu tuku karbit.

“Nggawa apa kuwi, No?” takone ayahe.

“Karbit, Yah,” wangsulane Vino.

“Arep kok gawe apa?” takone ayahe maneh.

“Sanjange Om Wawan karbit niki saged didamel ngusir tikus.”

“Piye carane?”

Vino banjur nyritakake apa sing dikandhakake Om Wawan marang ayahe. Sawise kepriye carane nggunakake karbit kanggo ngusir tikus sing nyaba omahe. Ayahe banjur ngajak Vino nggoleki rong sing dinuga dadi ronge tikus.

 “Yah, ronge tikus niku napa kados niki?”

“Iya, Le. Bener. Ya, iku ronge tikus.”

Sawise kuwi karbit sing mentas dituku Vino ditokake saka wadhahe. Rampung kuwi karbite dilebokake menyang njero rong. Ora kelalen rong mau diurugi nganggo lemah.

“Saiki kari didelok asile ya, Le?”

“Nggih, Ya.”

Tekan ngomah Vino lan ayahe rada kaget. Jalaran swasana ing omahe dadi rada beda.

“Njenengan napa masang pewangi ruwangan, Bu?” takone Vino.

“Iya, Le. Iki maeng ing nyoba mbukak internet. Hla, ing kono ana maneka cara ngusir tikus kuwi bisa nganggo pewangi ruwangan. Miturut sumber sing ibu buka mau. Tikus kuwi ora seneng karo samubarang sing ambune wangi.”

Vino lan ayahe manthuk-manthuk.

Sawise ronge dileboni karbit lan omahe dipasangi wewangian wis ana owah-owahan ing omahe Vino.

Dhuwur plapon sing biyasane keprungu swarane tikus playon. Wengi kuwi dadi sepi. Ora mung iku wae.

Tikus sing biyasane clurat-clurut turut kabel uga katon. Kahanan kaya ngene iki ndadekake Vino lan kaluwargane seneng banget.

Dina candhake nalika ketemu Om Wawan. Ing kalodhangan kuwi Vino ngucapake matur nuwun jalaran wis diwenehi ngerti carane ngalahake tikus kang wis gawe sepatu bal-balan karemenane jebol.

Demikianlah contoh cerkak bahasa Jawa tema kesehatan dan kebersihan lingkungan. Semoga artikel ini membantumu untuk lebih mengenali sastra Jawa utamanya cerkak.

Baca Juga :

7 Judul Novel Bahasa Jawa dan Nama Pengarangnya Lengkap

Klik dan dapatkan info kost di dekat kampus idamanmu:

Kost Dekat UGM Jogja

Kost Dekat UNPAD Jatinangor

Kost Dekat UNDIP Semarang

Kost Dekat UI Depok

Kost Dekat UB Malang

Kost Dekat Unnes Semarang

Kost Dekat UMY Jogja

Kost Dekat UNY Jogja

Kost Dekat UNS Solo

Kost Dekat ITB Bandung

Kost Dekat UMS Solo

Kost Dekat ITS Surabaya

Kost Dekat Unesa Surabaya

Kost Dekat UNAIR Surabaya

Kost Dekat UIN Jakarta

The post 4 Contoh Cerkak Bahasa Jawa Tema Kesehatan dan Kebersihan Lingkungan secara Singkat appeared first on Blog Mamikos.

Contoh Cerkak Bahasa Jawa Tema Sosial dan Budaya Masyarakat yang Menarik – Keadaan sosial serta budaya yang dimiliki masyarakat Jawa ibarat telaga ide yang tidak akan pernah kering untuk dijadikan dalam penulisan cerkak bahasa Jawa.

Seluruh peristiwa yang terjadi di sekitarmu, sebenarnya dapat dibuat sebagai bahan membuat cerita yang menarik.

Sedikit Tips Menulis Cerkak

Untuk membuat cerkak yang baik, yang harus kamu perhatikan selain tema adalah tujuan penulisan cerkak tersebut.

Maksudnya begini, tujuan kamu menulis cerkak itu sebatas hobi, tugas sekolah, atau tujuan lain seperti diikutkan lomba, dicetak menjadi buku atau ingin dikirimkan ke media yang bersedia menerbitkan cerkak buatanmu.

Jika kamu menulis cerkak untuk sekedar hobi. Kamu bebas melakukan eksplorasi baik dari ide, tema, maupun gaya bahasa yang kamu pakai dalam membangun cerkak buatanmu.

Namun, jika tujuanmu adalah mengirimkan naskahmu ke media dan berharap tulisanmu dapat dimuat di media massa. Ada beberapa hal yang perlu kamu perhatikan.

Baca Juga :

7 Judul Novel Bahasa Jawa dan Nama Pengarangnya Lengkap

Tips Membuat Cerkak Lolos Media

• Pakailah bahasa Jawa yang baku
• Pakailah penulisan bahasa Jawa sesuai dengan ejaan yang berlaku
• Bualah cerkak dengan panjang sekitar 1.200-1.400 kata
• Buatlah cerkak yang sesuai dengan media tujuan
• Sebaiknya hindari tema-tema yang sensitif

Tema-tema tentang sosial, budaya, dan tradisi punya peluang besar untuk dimuat.

Setelah mengetahui tips-tipsnya. Sekarang kamu bisa melihat contoh cerkak bahasa Jawa tema sosial dan tema budaya masyarakat.

Baca Juga :

9 Contoh Novel Bahasa Jawa beserta Nama Pengarangnya Lengkap

Contoh Cerkak Bahasa Jawa Tema Sosial

Sawang-Sinawang

Yen ing dhaerah liyane padha wiwit ngrembug babagan pemilu. Ngrembug sapa sing bakal dipilih dadi DPRD, DPR, nganti sapa presiden sing bakale dipilih.

Beda critane karo sing dumadi ing dhaerahku. Tangga-tanggaku ora ana sing tertarik karo pesta demokrasi sing digelar limang taun pisan kuwi.

“Pemilu kenek, ora pemilu ya kenek. Hla, asile ya tetep kaya ngene,” ujare Kang Karto nalika rondha wengi kuwi.

“Iya, senajan sing dijanjekake beda-beda, nanging intine tetep padha. Apus-apus, thok,” Kang Suti melu nambahi. “Hla, njenengan mangke nderek milih napa mboten, Dhe?” takone Kang menyang Pak Dhe Ranto sing katrem anggone nonton sinetron ing TV.

Sadurunge mangsuli pitakone Kang Karto, priya sepuh pensiunan guru kuwi luwih dhisik nglirihake swara TV kang dipasang ing Poskamling. Bareng swara TV wis lirih Pak Dhe Ranto lagi mangsuli.

“Ya tetep milih, ning…,” durung rampung anggene mangsuli wis dipenggak Kang Karto.

“Nanging napa Dhe?” takone Kang Karto.

“Hush, yen ana wong sepuh ngomong. Aja kesusu dipenggak. Ora apik,” ujare Kang Suti.

Kang Karto rada klincutan sithik.

“Sepuntene nggih, Dhe.”

“Ora apa-apa,” wangsulane Pak Dhe Ranto mung mesem tipis. “Aku gelem milih nanging yen ana sangune,” sambunge Pak Dhe Ranto.

Wangsulane Pak Dhe Ranto iki ndadekake Kang Karto lan Kang Suti kaget. Kekarone ora ngira yen Pak Dhe Ranto bakale ngomong kaya ngono.

“Nha, nek ana sangune aku ya gelem, Dhe,” ujare Kang Karto.

“Sokur-sokur ana caleg sing gelem nukokake tipi, ya Dhe. Tipi sing layare tipis ngono kae lho, Dhe. Mengko TV-ne dipasang ing pos kene. Mesthine mengko bakale luwih gayeng,” Kang Suti melu nambahi.

“Ho oh, nanging caleg edan saka ngendi sing gelem nuruti kekarepane wong-wong kaya awake dhewe iki. Tinimbang dhuwite dienteke kanggo nukokake awake dhewe TV. Para caleg kae lak ya padha milih nyenengke atine wong-wong sing duwe pengaruh gedhe. Misale tokoh-tokoh masyarakat.”

Kang Karto lan Kang Suti manthuk-manthuk tandha sarujuk marang sing diomongke Pak Dhe Ranto.

“Hla, sampeyan lak ya tokoh masyarakat ta Dhe?” takone Kang Suti.

“Iya, tokoh masyarakat perposkamlingan. Sing penggaweyane ngancani wong-wong rondha merga ing ngomah wis ora duwe guling sing bisa ngentut maneh,” wangsulane Pak Dhe Ranto sing ndadekake Kang Karto lan Kang Suti ngguyu kepingkel-pingkel.

Sawise ditinggal tilar donya sisihane limang taun kepungkur. Pak Dhe Ranto mutusake ora rabi maneh alias nduda lan nunggoni omahe ijenan.

Sejatine anak-anake Pak Dhe Ranto sing saiki wis padha-padha omah ing kutha. Kabeh padha pengin ngajak bapake menyang kutha. Ning apa sing dijaluk anake iku ora disarujuki Pak Dhe Ranto.

“Mesakake anak lan ora ngrepoti anak,” alesane Pak Dhe Ranto saben ditakoni wong kenapa apa ora gelem melu urip anake ing kutha.

Kanggo ngusir rasa sepine. Saben wengi Pak Dhe Ranto mesthi menyang poskamling kanggo ngancani wong sing lagi giliran rondha.

Wong sing lagi rondha siji-sijia ora ana sing kabotan dikancani Pak Dhe Ranto. Suwalike Pak Dhe Ranto malah diantu-antu tekane.

Jalaran saben teka Pak Dhe Ranto mesthi nggawa nyamikan lan nggawekake kopi saceret gedhe.

Senajan nyamikan lan kopi wis dadi barang mesthi sing digawa Pak Dhe Ranto. Nanging sing paling diantu-antu wong sing dikancani rondha dudu kuwi.

Wejangan, pitutur, lan crita ngenani pengalamane Pak Dhe Ranto mujudake salah siji perangan kang paling dienteni wong-wong rondha sing dikancani Pak Dhe Ranto.

Wong-wong iku rumangsa seneng jalaran anggene menehi wejangan lan pitutur ora ngguroni kaya wong-wong liyane.

Saliyane kuwi senajan yuswane wis kapetung sepuh dhewe. Pak Dhe Ranto ora isin njaluk warah menyang sing luwih enom.

Contone wingi, sabubare ditukokake hp android karo anak lanange sing saiki dadi kepala sekolah.

Saben wengi Pak Dhe Ranto mesthi njaluk warah menyang Nova, mantune Kang Suti sing dadi guru TIK ngenani kepriye carane nggunakake aplikasi Whatsapp.

Saka anggene tlaten lan temenan anggene sinau. Durung jangkep rong minggu anggene sinau. Pak Dhe Ranto wis wasis nggunakake aplikasi whatsapp.

Ya gara-gara iku sing ndadekake Pak Dhe Ranto nyempetake video call-an karo putu-putune saben wengi. Babagan iki ditindakake merga putune Pak Dhe Ranto ora gelem turu yen durung mireng swarane kakunge.

Wengi kuwi udane kapetung deres banget. Saengga wong-wong sing oleh giliran rondha akeh sing ora padha teka. Saka wong lima sing wayahe rondha. Mung Kang Suti lan Kang Karto sing gelem teka.

Sejatine ana rasa ora trima sing dirasakake Kang Suti lan Kang Karto. Nanging bareng didhem Pak Dhe Ranto wong loro kuwi wusanane gelem nrima kasunyatan lan ngikhlasake kancane sing ora teka rondha.

Ing kalane katelune jejagongan dumadakan ana sedan putih sing mandheg ing cedhak poskamling.

Wong telu sing padha jejagongan nglereni anggene cecaturan. Kabeh padha noleh menyang mobil mandheg merga pengin ngerti sapa sing bakale metu saka mobil.

Udakara limang menit candhake. Ana wong wedok enom sing rambute disemir pirang mudhun saka mobil.

Wong wadon sing mudhun saka mobil katon sempoyongan lan katon sajak neson karo sing nyetiri mobil.

Ora watara suwe saka mudhune wanita rambut pirang iku mau. Mobil sedan putih langsung mblandhang nyigar sepine wengi.

“Ngono maneh,” grenenge Pak Dhe Ranto samungkure nyipati sesawangan

“Ngono piye Dhe?” takone Kang Suti pengin ngerti.

“Ya, kaya sing kok tonton. Muring-muring lan mendem maneh,” wangsulane Pak Dhe Ranto entheng sinambi njupuk rokok saka sak jakete.

“Sampeyan kenal karo wanita kae, Dhe?” Kang Karto ganti takon.

“Kenal sih ora, ning……,” durung rampung anggene Pak Dhe Ranto wis luwih dhisik kapenggak pambengoke Kang Suti.

“Kkkk…kae tontonen… wonge ambruk, ngglethak ing tengah dalan. Ayo cepet  ditulungi!” pambengoke Kang Suti.

Sanalika wong telu sing kawit jam sanga lungguhan ing poskamling langsung mlayoni papan ambruke wanita sing mentas saka mobil sedan putuh mau. Bareng wis cedhak. Katelune ora enggal aweh pitulungan.

Jalaran katelune kamitenggengen kahanane nyawang wanita sing mentas mudhun saka mobil sedan putih mau.

Sandhangan sarwa minim nganti ngatonake bokong lan susu sing dienggo wanita sing ambruk tanpa daya iku kang ndadekake wong lanang telu sing arep menehi pitulungan.

“Kang Suti  sarungmu copoten,” prentahe Pak Dhe Ranto.

Sing dikongkon bisa mung manut. Kang Suti nyopot sarung sing diubelne ing gulune sinambi mripate ora uwal anggene nyawang awake wanita sing ambruk merga mau.

Saka ambu sing metu saka tutuke. Katelune yakin yen sing ndadekake wanita iku kelangan kesadharane yaiku merga kekakehen anggene ngombe alkohol.

Sawise nyopot sarunge Kang Suti langsung ngelungake menyang Pak Dhe Ranto. Sawise kuwi dening Pak Dhe Ranto sarung saka Kang Suti langsung dienggo nutupi awake wanita mau sing perangan ngisor.

“Oalah, Ndhuk…Ndhuk. Kowe kuwi nglakoni urip kaya ngapa,” grenenge Kang Karto sinambi nyopot sarung ing gulune lan langsung ngrubutake sarunge menyang perangan dhuwur saka awake wanita sing ambruk mau.

Bareng wis ditutupi sarung saengga awake sing mrusuh ora ketok. Katelune banjur njunjung wanita iku.

“Digawa menyang ngendi Dhe?” takone Kang Suti.

“Terke menyang omahe wae!” prentahe Pak Dhe Ranto “Omahe kae hlo sing cet ijo,” tambahe Pak Dhe Ranto.

Tanpa kekakehen takon katelune banjur ngeterne wanita mau menyang omahe. Bareng wis tekan ngomahe.

Kancane sing tunggu ngomah langsung mbukake lawang lan nyuwun tulung supaya awake kancane sing lagi pingsan iku mau diturokake ing kamare.

*

Tekan poskamling ambegane wong telu sing mentas nulungi wanita pingsan merga kakehen anggene ngombe alkohol padha krenggosan.

Sing ndadekake ambegane katelune krenggosan ora mung merga kakurase tenaga, nanging uga merga nyawang sesawangan ora sebaene nalika mlebu menyang omahe wanita mau.

Senajan omahe katelune lan omahe wanita mau ora patia adoh. nanging ana pambeda sing ndadekake antarane wong telu lan wanita ora patia akrab. Pak Dhe Ranto, Kang Suti, lan Kang Karto mujudake warga kampung asli.

Dene wanita sing ditulungi iku warga perumahan anyar sing kabangun ing tengahe kampunge Pak Dhe Ranto, Kang Suti, lan Kang Karto.

Wong-wong sing manggon ing perumahan iku durung akeh jalaran isih rampung anggene mabngun. Rata-rata sing manggon ing kono manten anyar. Saliyane kuwi ana sing mung tuku omah kanggo investasi.

Tegese mung dituku nanging ora dienggoni. Dene sisane ya kaya wanita mau. Dienggo ngekosake wanita-wanita pemandu lagu ‘plus-plus’ lan wanita sing gelem dadi simpenane para bos-bos hidung belang.

“Ora hlo, bocah-bocah wedok mau pamite menyang wong tuwane kerja apa, ya?” takone Kang Suti. “Mosok ya padha blaka suta. Ngomong menyang wong tuwane arepe kerja dadi ngono kae mau,” tambahe Kang Suti.

Ora ana sing bisa mangsuli pitakone Kang Suti. Kabeh padha katrem ing pikirane dhewe-dhewe.

“Masia asile akeh. Nanging tenan. Aku ora ikhlas lan ora bakal lila anak-putuku mergawe kaya wanita-wanita mau,” ujare Kang Karto.

“Yen wong waras cetha ora ana sing bakal nglilakake anak-putune mergawe kaya wanita mau, Kang,” sambunge Pak Dhe Ranto, Kang Suti, lan Kang Karto.

“Ning, nggumunku kena ngapa ya penggaweyan sing kaya ngono iku ora bisa sirna, terus ana nganti saiki. Padahal jaman wis tansaya maju. Lan pilihan kerja dadi luwih akeh. Malah saiki lagi ngetren-ngetrene prostitusi on-line. Kaya brita wingi kae. Ana artis sing dodolan apeme nganti 80 yuta. Apa ora edan kuwi. Padahal wis artis, hlo. Apa bayare ora cukup. Mosok isih kurang penak anggene dadi artis?” takone Kang Karto.

“Bab penak lan orane anggene dadi artis awake dhewe ora bakal ngrasakake. Ning dakkira senajan kuwi artis, pejabat, bos gedhe, apa maneh wong cilik kaya awake dhewe iki. Kabeh ora bisa uwal saka ukume alam sing ngandhakake urip kuwi sawang-sinawang. Apa sing disawang penak, durung karuwan penak kanggone sing nglakoni,” wangsulane Pak Dhe Ranto.

“Iya bener, Dhe. Apa maneh yen uripe mung kanggo nuruti hawa nepsu lan mung ngutamakne babagan kadonyan. Paribasan wong ngelak sing ngombe banyu segara. Orane ilang rasa ngelak ing gorokane, nanging tansaya ngelake,” semaute Kang Suti.

“Wah, dengaren kowe bisa ngomong bijak, Kang?” panyelane Kang Karto.

“Ya gara-gara awak sing mrusuh kae mau utegku dadi rada encer,” wangsulane Kang Suti kang ndadekake kabeh ngguyu kemekelen.

Bareng anggene ngguyu leren. Pak Dhe Ranto banjur ngendikan, “Ing jaman sing tansah kebak godha kaya jaman saiki.

Saiba apike yen kita tansah tetep eling lan wasda sarta ngajak anak-putu tetep lumaku ing dalan kang utama yaiku dalan kang ora nerak aturane negara lan agama.”

“Bener Dhe. Karo maneh aja lali kabeh kudu tetep gondhelan ing panembah marang Gustine. Supaya uripe ora nggladrah. Saengga bisa ngarah-arah endi sing bener lan endi sing kurang bener. Ora mung ngumbar hawa nepsune thok,” Kang Karto melu nambahi.

Udan sing sempet terang sedhela. Saiki tumurun maneh kanthi deres banget. Ing kalane udan dadi tansaya deres. Panyawange wong lanang telu padha tumuju ing TV sing mbritakake banjir kang dumadi ing sadengah papan.

Baca Juga :

5 Contoh Cerkak (Cerita Cekak) Bahasa Jawa dengan Berbagai Tema

Contoh Cerkak Bahasa Jawa Tema Sosial Budaya Masyarakat

Nonton Wayang

Wiwit cilik Jefri pancen seneng klawan kesenian tradisional utamane pagelaran wayang kulit.

Mula ora nggumunake menawa ing umure kang isih ngancik 10 taun dheweke wis ngapalake saperangan paraga-paraga kang ana sajroning donyane wayang.

Saliyane nonton pagelaran kanthi langsung Jefri uga nduweni kepingan vcd sing nyimpen pamentasan dhalang-dhalang kang wis terkenal.

Amarga karemenane nonton lan ngoleksi pagelaran iki saben-saben ana piwulang ing sekolahan kang ana sambung rapete klawan wayang dheweke mesthi pikantuk biji sing luwih apik tinimbang kanca-kancane.

Saka saperangan paraga kang nduweni watak becik ing jagading pewayangan ana salah sawijining paraga kang dadi idholane Jefri.

Paraga kesenengane Jefri iku ora liya yaiku Raden Werkudara. Jefri seneng klawan paraga kasebut jalaran saliyene gedhe-dhuwur, gagah-pideksa, lan  sekti mandra, paraga kasebut uga mujudake sawijining paraga wayang kang ngurmati banget marang gurune.

Apa kang dumadi ing pribadhine saengga bisa dadi paraga kang sekti mandraguna kuwi ora uwal saka setya tuhune marang gurune.

Saliyane Jefri ana uga kanca sakelase sing ngidholakake paraga Raden werkudara. Kancane jefri mau nduweni jeneng Adhi. Beda Jefri beda uga Adhi.

Senajan Adhi seneng klawan marang paraga Raden Werkudara nanging Adhi ora sepiraa seneng marang pagelaran wayang.

Adhi mung seneng marang paraga Raden Werkudara iku jalaran weruh blegere kang gedhe dhuwur sarta nduweni kuku pancanaka sing sektine kliwat-kliwat.

Dina senin awan watara jam setengah siji awan piwulangan kang ana ing sekolahan wis dipungkasi. Sadurunge piwulangan awan iku katutup dening donga bu Ely minangka guru kelas menehi tugas tumrap para muride.

Tugas sing diwenehake bu Ely awan iku yaiku para siswa nggawe crita pewayangan kanthi migunakake basane dhewe-dhewe.

Mangerteni tugas sing diwenehake menyang murid-muride iki rada abot, mula bu Ely mbagi murid-muride dadi saperangan kelompok lan saben kelompok isine bocah cacah loro.

Kebeneran wektu iku Jefri lan Adhi dadi sakelompok. Weruh dadi saklompok klawan Adhi rumangsa ayem dhisik jalaran dheweke oleh kanca saklompok sing paling ora ngerti ing babagan pewayangan.

Tugas kang diwenehake dening bu Ely kuwi bakale dikumpulake dina senin candhake. Kahanan iki uga ndadekake rasa marem tumrap bocah-bocah jalaran isih nduweni wektu kang lumayan dawa kanggo ngerjakake tugas kasebut.

Semono uga kang dirasakake dening Jefri lan Adhi bocah iku uga ngrasa marem jalaran nduweni wektu kang lumayan dawa kanggo ngerjakake tugas kasebut.

Kanthi anane wektu kang dawa iku Jefri lan Adhi nduweni pepinginan bisa ngrampungake tugas kasebut kanthi asil kang nyenengake.

Senajan wektu kanggo ngrampungake tugas kasebut isih seminggu suwene nanging kahanan iki ora tansah ndadekake Jefri lan Adhi males-malesan anggene ngerjakake tugas kasebut.

Wektu iku kebenaran sedina sawise bu Ely menehi tugas kasebut katepakan klawan dina libur nasional. Kahanan kasebut dimanfaatake kanthi becik dening Jefri lan Adhi kanggo ngrampungake tugas kasebut.

Nalika kanca-kanca liyane lagi padha nyantai lan dolan-dolan bocah loro kuwi malah ngerjakake tugas kang diwenehake dening gurune iku kanthi sengkud.

Sawise padha dipikir kanthi bebarengan bocah loro kuwi nduweni panemu mung ana telung cara amrih bisa ngrampungake tugas kasebut.

Cara kang kapisan yaiku kanthi maca buku-buku pewayangan, sing kapindho takon marang pawongan kang ngerti ngenani lakon pewayangan, lan sing pungkasan yaiku nonton pagelaran wayang.

Gandhenge Jefri nduweni akeh kolek pagelaran wayang mula cara sing nomer telu iku mau kang dipilih dening bocah loro kasebut. Amarga padha-padha nyenengi paraga Raden Werkudara kekarone banjur pengin nggawe crita ngenani paraga kasebut.

Kaya wektu kang wis ditemtokake jam 9 esuk sabubare sarapan Adhi wis teka ing omahe Jefri.

Sawise teka ing omahe kancane iku Adhi langsung diajak mlebu ngomah lan diajak nyethel salah sijine vcd  koleksine Jefri kang ngamot lakon Bima Suci.

Sawise rampung anggene nonton wayang kekarone banjur dhiskusi lan wiwit nulis crita wayang kasebut kanthi migunakake basane dhewe-dhewe.

Nanging satengahe nulis kasebut Adhi ngendhegake anggene nulis bagiyane lan ngomong menyang Jefri, “Jef, tibake ngarang iku jebule ora gampang ya? Aku rumangsa wis ora sanggup maneh. Kepriye upama bagianku iku sing ngrampungake awakmu wae?”

“Ya, ora bisa Dhi, awakmu kudu ngrampungake bageyanmu. Mengko yen sing ngrampungake aku tegese nilai sing bakal diolehi mengko kuwi hakku lan awakmu ora nduweni hak. Mula saka kuwi awakmu ya kudu ngrampungake apa sing wis dadi bageyanmu saengga mengko nilai sing bakal diweneheke bu guru menyang awake dhewe bener-bener digayuh kanthi usahane awake dhewe bebarengan” kandhane Jefri.

“Tapi rumangsaku tugas sing diwenehake dening bu guru wektu iki abot banget. Kaya-kaya tugas sing diwenehake dening bu guru iku durung wayahe dikerjakake dening awake dhewe. Dakrasa kanca-kanca yang ngrasakake kangelan. Apa kira-kira bu guru kliru anggene menehi tugas ya?” pitakone Adhi maneh.

“Hush, aja nduwe pandakwa kaya mangkono marang gurune dhewe Dhi. Awake dhewe mau lak ya wis nonton wayang kanthi lakon Bima Suci, sejatine lakon kuwi menawa dionceki bakal ana piwulangan sing becik lan bisa didadekake patuladhan kang becik tumrape siswa kaya awake dhewe iki” ujare Jefri.

“Bageyan sing ndi ta Jef? Aku kok lali.”

“Mosok lali? Mau nalika Bima diutus dening Begawan Durna kanggo nggoleki tirta perwitasari. Mosok awakmu ora kelingan babar pisan?”

“Aku kelingan Jef. Nanging aku ora ngerti maksude. Coba aku mbok diterangke!” panjaluke Adhi.

“Ngene ya Dhi. Wektu Bima nampa tugas ngupadi banyu turta perwitasari saka gurune iku sejatine nggambarake rasa taat-e siswa marang gurune. Saliyane iku tugas-tugas abot sing diwenehake dening Begawan Durna marang Bima lan bisa dirampungake kanthi becik dening Bima iku nuduhake gedhene rasa khurmat siswa marang gurune. Mula saka iku minangka siswa kudune awake dhewe bisa nuladhani sipate Bima sing kaya mangkono kuwi. Mula saka mangeteni sipate Bima kang kaya mangkono kuwi aku tansah ndadekake dheweke salah sawijining paraga wayang idholaku” kandhane Jefri maneh.

Sawise krungu apa kang dijelasake dening Jefri ngenani sipate Bima kuwi tansah nuwuhake semangate Adhi maneh. Saliyane kuwi Adhi uga ngrasa isin marang awake dhewe jalaran senajan padha-padha ngidholakake

Werkudara nanging dheweke ora ngerti yen Raden werkudara utawa Bima nduweni sipat luhur. Dheweke mung seneng nyawang blegere Raden Werkudara kang gedhe dhuwur.

Wiwit keprungu apa kang dikandhakake dening Jefri mau Adhi nduweni tekad bakal nuladhani sipate raden wekudara sing nduweni rasa khurmat lan taat marang gurune.

Sipat sing kaya mangkono kuwi mau bisa ditindakake kanthi nglaksanakake apa wae kang diutus dening gurune.

“Matur nuwun ya Jef, amarga panjlentrehanmu ngenani kepriye sipate Bima utawa Raden Werkudara iku bali nuwuhake semangatku kanggo ngrampungake bageyanku. Aku kepingin bisa kaya Werkudara jalaran paraga kuwi uga paraga idholaku” kandhane Adhi.

Keprungu apa kang dikandhakake dening kancane iku Jefri mesem lan ngomong, “Ayo gek dirampungake tugas-tugas sing wis dibagi mau amrih awake dhewe enggal bisa ngaso” pangajake Jefri.

“Siap pak Guru” saute Adhi sing sabanjure disusul swara guyu renyah bocah loro iku bebarengan.

Demikianlah contoh cerkak bahasa Jawa tema sosial dan tema budaya masyarakat yang dapat kamu pakai sebagai referensi membuat cerkak. Semoga artikel ini bermanfaat untukmu.

Baca Juga :

9 Contoh Geguritan Gagrag Anyar dan Lawas Berbagai Tema Lengkap

Klik dan dapatkan info kost di dekat kampus idamanmu:

Kost Dekat UGM Jogja

Kost Dekat UNPAD Jatinangor

Kost Dekat UNDIP Semarang

Kost Dekat UI Depok

Kost Dekat UB Malang

Kost Dekat Unnes Semarang

Kost Dekat UMY Jogja

Kost Dekat UNY Jogja

Kost Dekat UNS Solo

Kost Dekat ITB Bandung

Kost Dekat UMS Solo

Kost Dekat ITS Surabaya

Kost Dekat Unesa Surabaya

Kost Dekat UNAIR Surabaya

Kost Dekat UIN Jakarta

The post Contoh Cerkak Bahasa Jawa Tema Sosial dan Budaya Masyarakat yang Menarik appeared first on Blog Mamikos.