Blog Mamikos

The post 15 Contoh Geguritan Tema Guru 2, 3, 4 Bait Singkat yang Menarik dan Menyentuh Hati appeared first on Blog Mamikos.

10 Contoh Geguritan Tema Lingkungan, Kesehatan, dan Kebersihan Bahasa Jawa Singkat

Zuly Kristanto — Thu, 04 Dec 2025 03:04:00 +0000

Geguritan merupakan karya sastra Jawa modern yang tata cara penulisannya memiliki kemiripan dengan puisi.

Walau setiap penulis memiliki kebebasan yang mutlak dalam membuat sebuah geguritan.

Namun, seorang penulis geguritan yang disebut pula sebagai penggurit memiliki kewajiban untuk mematuhi penulisan karya sastra Jawa berupa geguritan yang benar.

Tentang Penulis Geguritan

Pexels/Melike Benli

Baca Juga :

7 Judul Novel Bahasa Jawa dan Nama Pengarangnya Lengkap

Dengan mematuhi tata penulisan Jawa yang benar akan membuat geguritan yang dihasilkan seorang penggurit tidak ambigu dan lebih mudah dipahami pembacanya.

Seperti yang dikatakan sebagian orang bahwa karya sastra merupakan hasil dari pengamatan dan pengendapat penulis terhadap lingkungan sekitarnya.

Banyak hal di dunia ini yang bisa digunakan untuk membuat tema sebuah geguritan.

Dalam artikel ini Mamikos akan memberikan geguritan dengan tiga tema yakni tema lingkungan, tema kesehatan, dan tema kebersihan.

Supaya lebih jelasnya, bagaimana contoh geguritan dengan tema lingkungan, tema kesehatan, dan tema kebersihan, kamu dapat menyimak contoh-contohnya seperti di bawah ini.

Baca Juga :

15 Contoh Geguritan Tema Guru 2, 3, 4 Bait Singkat yang Menarik dan Menyentuh Hati

Contoh Geguritan Tema Lingkungan

Saumpama

Sliramu ayu banget
Daksawang saben esuk
Nalika bun-bun esukmu teka
Gawe segering netra

Gegodhongan ijo sarta arume kembangmu
Ngungkulake tresnaku marang sliramu
Pengin dakjaga sarta dakrumat sliramu
Supaya sliramu bisa melu njaga lestarine jagad

Saupama ijone godhongmu bisa ngasilake wifi
Samesthine bakal akeh wong kang nandur slirane
Mung bisa ngasilake hawa
Kang gunane kerep dilalekake

2022

Baca Juga :

12 Contoh Puisi Bahasa Jawa Tentang Sekolah dan Guru yang Menarik serta Singkat

Bengawan Solo

Senajan ilimu saiki kebak klawan larahan
Kasunyatane sliramu isih saguh nyathet lakune jaman
Abang birune kahanan
Kagambar kanthi cetha ing iline banyu sing sajak kabotan
Anggene nggembol cangkriman
Ing kene wis ora ana prau lelayaran
Bandar-bandar ing sapinggire bengawan
Wis padha mati
Kapendhem larahan

Baita-baita sing duk semana
Kekitrang nyigar iline banyu bengawan
Saiki padha tapa
Amarga kayu-kayune wis malih rupa dadi terbela
Sing akeh didol ing sakidule prapatan gading
Yen manungsa wis padha lirwa klawan alam
Mula aja disalahke
Yen ana nesune alam
Kang akeh gawe kapitunane manungsa

2022

Isih Kaya Wingi

Saben dakngungak jembare langit
Sing ana mung rasa pait kang tansaya njekit
Jalaran lakune dina mung nuduhake kasunyatan
Kang adoh saka kekarepan

Taun iki isih kaya taun-taun sing wingi
Isih akeh wong kandha kudu njaga
Alam amrih lestari
Nanging nyatane isih mbuwang larahan sembranan

Wit-witan ing gunung ditegori
Kaganti gubuk-gubuk sing kena kanggo selfi
Perkara endi sing luwih wigati
Wis angel dipilah lan dipilih
Jalaran kabeh padha ngugemi benere dhewe

Kalane dakrungu kabar ana papan wisata anyar
Kang kabuka lan dadi kembang lambe
Nyatane akeh kang dikurbanake
Alas sing kudune dijaga kelestariane
Wis disulap dadi papan nyangkruk lan ngopi
Kang babar pisan ora menehi paedah
Tumrap lestarine alam

Baca Juga :

17 Contoh Teks Geguritan Bahasa Jawa dan Strukturnya yang Baik dan Benar

Contoh Geguritan Tema Kesehatan

Sejatining Usada

Muga wae sliramu isih kadunungan kasabaran

Rikala ngadhepi pait getiring kasunyatan

Nalika akeh manungsa seneng mbuwang larahan

Kanthi sembaranan tanpa ngerti empan papan

Kali, segara, lan sumber banyu wis kebak larahan

Saengga akeh lelara kang kerep njaluk tumbal nyawa

Muga wae isih padha nduweni kalodhangan

Kanggo nyawang padhange rembulan

Sabubare ngresiki sakehing larahan

Saka tengahe blumbang

Kang sasuwene iki dadi sumbere lelara

Ing jaman kang tansaya tuwa

Ing satengahe urip bebrayan

Kudu bisa empan papan

Njaga karesikan bebarengan

Supaya kaluwarga adoh saka sawernane

Lelara kang kadhang kala

Butuh arta amba

Nalika golek sarana

Amrih kang nandang lelara

Pikantuk sejatining usada

2022

Usada Utama

Sepisan maneh kudu dakwulang atiku
Amrih bisa aweh panarima
Marang garising nasib
Kaya wengi iki

Nalika ros-rosaning balung nandang lelara
Kang wolali dadi winih
Laire luh saka tlapukane netra
Nalika langit wis ora saguh andum cahyane
Kepeksa daksigar dhadhaku amrih bisa dakweruhi
Sepira gedhene panarima sing dakduweni

Saengga bisa dakweruhi sepira gedhene panandang
Kang bisa daksangga kanthi ati kang kepaten rasa
Ireng lan putih padha katon kanthi trawaca
Nalika isen-isening ati mau daklarung ing jembare samudra

Wengi wis rampung anggene netepi janji
Rasanku wis bali nyawiji
Sawise sewengi muput lelayaran
Ing jembare samudra pikir

Nalika bang-bang wetan wiwit katon ing cendhela
Dakweruhi yen mripatmu isih nyimpen cahyane lintang waluku
Mula lilakna aku nempil kawelasan sarta asihmu
Kanggo aweh usada marang raga kang tansaya rengka
Sawise wola-wali ketaman maneka werna lelara

Langgam Wengi

Wengi iki mung swarane komputerku
Sing mbengung aweh panyela mring langgam wengi
Ing kono daksuntak sekabehane rasa
Sing ana ing njero batin lan pikiran
Kanthi sedhela-sedhela swara mau kandheg

Jalaran kasentak tekane nyamuk sing pengin nyolong inspirasi
Swara napas lan swarane angin wengi wis kasil nyawiji
Lumaku kanthi ngetutake getering jantung
Ah, nyatane aku mung trima wayang
Sing ora kuwagang pepinginane dhalang
Mumpung pakeliran isih padhang lan katon damang
Bakal daklari ana ngendi dununge tamba sejati

Menawa ing perangan bumi liya
Ana tamba sing kena digawe usada
Tumrap lara kang puluhan taun daksangga
Kang wis nyebabake aku kelangan akeh kalodhangan

Wiwit pikantuk pakaryan tekan endahing katresnan
Ning, aku kudu tansah eling
Ora ana critane wayang kang kumawani gugat
Katetapan kang wus karancang dening Dhalang

2022

Contoh Geguritan Tema Kebersihan

Tanpa Kena Dinuga

Yen tengah wengi iki slirane isih durung merem
Muga wae isih bisa nemu esem
Minangka gegaman kanggo ngadhepi jaman
Kang kebak larahan

Ing kene daktandur pangarep-arep
Enggal akeh wong pinaringan kesadharan
Amrih ngerti wigatine karesikan tumrap panguripan
Yen tengah wengi iki slirane durung merem
Sawangen lintang-lintang sing katon surem

Polusi sing tansaya ndadra wis gawe lintang kelangan esem
Sunare lintang-lintang wengi nyatane
Ora mung saderma dadi pepaese wengi
Nanging mujudake pepiling wigati
Yen sekabehe tumindake manungsa
Ing salumahe bumi
Bakale ana piwalese dhewe-dhewe

Yen senengane mbuwang larahan sembranan
Aja kaget menawa nemu lelara kang tekane
Tanpa kena dinuga

2022

Nyata lan Mardhika

Sejatine aku wis weruh
Sapa kang mapanake dheweke ing kene
Kutahna tangismu murih lega atimu
Supaya sing tumindak kaya ngene
Ngerti asil saka tumindake

Sejatine aku wis weruh
Kena ngapa pagebluk iki ora ana enteke
Apa gunane golek usada
Yen nyatane larahan-larahan
Ing kene isih dadi susuhing tikus
Sarta coro sing bisa ngundang tekane lelara
Tumrap manungsa kang lali njaga karesikan
Pribadhi, kaluwarga, sarta lingkungan

Aja mung seneng umuk
Ngakon njaga karesikan
Ning nyatane kanthi sesidheman
Isih seneng mbuwang larahan kanthi sembranan

Sejatine aku ngerti
Kepriye carane nyirnakake lelara
Saka salumahe bawana
Nanging apa iya manungsa saguh
Ngupayakake karesikan sacara nyata lan mardhika

Ambegan Bumi

Ambeganing bumi saya sesek
Katindhes larahan lan bledug ireng
Wit-witan sing biyen ngiyupake urip
Saiki mung kari tunggak garing kerip

Manungsa padha geguyon bab kamajuan
Nanging lali marang titipan alam
Segara dadi kubangan reged
Kali dadi saksi tumindak sembranan

Yen siji dina bumi wiwit ngamuk
Aja sambat lan aja gumun
Sebab nesune alam
Asale saka tumindak manungsa dhewe

Tetesing Lestari

Isih ana swara banyu mili
Ing sela watu lan oyod suket
Isih ana suwara manuk nembang
Sanajan saya arang sing krungu

Aku nyekseni alas saya nyusut
Katukar beton lan kaca gedhe
Jenenge kaendahan mung kari foto
Ing layar piranti genggeman

Nanging muga isih ana tetes kesadaran
Ing atine manungsa kang urip saiki
Supaya anak putu mbesuk
Isih bisa nyawang alam kanthi rasa syukur

Demikianlah contoh geguritan yang disusun dari berbagai tema mulai dari lingkungan, kesehatan, hingga kebersihan. Semoga artikel ini dapat membuatmu lebih terampil menciptakan geguritan.

Klik dan dapatkan info kost di dekat kampus idamanmu:

The post 10 Contoh Geguritan Tema Lingkungan, Kesehatan, dan Kebersihan Bahasa Jawa Singkat appeared first on Blog Mamikos.

11 Contoh Geguritan Bahasa Jawa tentang Ibu dan Ayah Singkat Penuh Makna

Zuly Kristanto — Tue, 02 Dec 2025 08:54:00 +0000

Jika dilihat dari tahun kelahirannya, geguritan dapat dikatakan sebagai salah satu genre sastra Jawa yang usianya masih sangat muda.

Geguritan yang ditulis dengan menggunakan bahasa Jawa modern yang telah ditemukan dibuat sekitar tahun 1920-an.

Meski usianya hampir satu abad, tetapi bila dibandingkan dengan sastra Jawa lain yang usianya ratusan dan bahkan ribuan tahun, geguritan tetaplah yang termuda.

Mengenal Geguritan

Getty Images Signature/Viorika

Baca Juga :

12 Contoh Puisi Bahasa Jawa Tentang Sekolah dan Guru yang Menarik serta Singkat

Geguritan memiliki kemiripan dengan tembang macapat. Meski demikian ada perbedaan yang sangat mencolok diantara keduanya.

Geguritan dapat dituliskan secara bebas tanpa ada aturan ketat yang mengekangnya. Sementara tembang macapat merupakan kebalikannya.

Meski dituliskan secara bebas dan tanpa aturan yang mengekangnya. Seorang pembuat geguritan tetap harus memperhatikan sejumlah hal agar geguritannya bagus.

Di dalam karya sastra Jawa seseorang yang menciptakan geguritan disebut dengan penggurit. Supaya geguritan yang dibuatnya bagus dan maknanya tersampaikan beberapa hal yang diperhatikan seorang penggurit.

Baca Juga :

7 Judul Novel Bahasa Jawa dan Nama Pengarangnya Lengkap

Beberapa Hal yang Perlu Diperhatikan Membuat Geguritan

Kesesuaian tema
Pilihan bahasa yang digunakan
Gunakanlah tata penulisan yang benar
Dapat diterima nalar
Tujuan dan maksud yang ingin disampaikan jelas

Dalam membuat geguritan, seorang penggurit dibebaskan memakai tema apa saja. Diantara tema yang sering dipakai seorang penggurit dalam menciptakan sebuah geguritan.

Biasanya penggurit memakai tema yang dekat dengan dirinya sendiri. Hal yang paling dekat dengan penggurit tidak lain adalah keluarga.

Sebuah keluarga yang berisi bapak, ibu, dan anak adalah sumber inspirasi yang tidak akan habis untuk digali dan kemudian digubah menjadi sebuah geguritan yang indah.

Baca Juga :

17 Contoh Geguritan Bahasa Jawa Tema Pendidikan dan Ilmu Singkat dan Menarik

Contoh Geguritan Bahasa Jawa tentang Ibu dan Ayah yang Penuh Makna

Contoh Geguritan Bahasa Jawa tentang Ibu dan Ayah 1

Sasuwir Dongane Ibu

Satekem lintang kang dakpetik saka jembare langit
Sarta sasuwir dongane
Muga isih bisa gawe sangu cecoloking laku
Rikala sadawaning dalan pangrantu
Mung dikebaki esem wayu
Duweke prawan ayu
Sing omahe kidul gunung lawu

Sacuwil angin kangen dakrangket saka pategalan
Muga bisa nuwuhake kesabaran
Marang titah kang nate kelangan katresnan
Saengga masia durung tekan wayahe
Ngrasakake endah lan manise

Dheweke ora nyupatani jaman
Kanthi sewu supata
Kang bisa nambak samudra

Nyatane bagya lan kuciwa
Padha karo hawa
Sing tekane tanpa aweh pawarta
Lan samangsa gelem lunga
Babar pisan ora nate menehi pirsa

Mulane mumpung wengine isih turu
Becike padha elinga pesene ibu
Supaya tatu ing dhadhamu dadi lebu
Luntur lebur dadi sawijining kenangan
Kang bakal dadi pepaesing jaman

Contoh Geguritan Bahasa Jawa tentang Ibu dan Ayah 2

Pesene Bapak

Bapak nate pesen prasaja marang anake
Bapak mung pengin duwe anak prasaja
Gelem nampa urip kanthi apa anane
Ngupaya samadya tanpa ngangsa
Utawa gugat marang Kang Maha Kuwasa

Pesene bapak liyane
Aja dadi konang sing melik dadi lintang
Aja dadi lintang sing melik dadi rembulan
Aja dadi rembulan sing melik dadi srengenge
Aja dadi srengenge sing seneng menange dhewe
Kena dadi apa wae sauger ora pengin dadi liyane

Merga sing jenenge nuruti karep ora bakal ana enteke

Contoh Geguritan Bahasa Jawa tentang Ibu dan Ayah 3

Pituture Bapak lan Ibu

Mungguhe Bapak
Papan iki kabeh kamanjingan kabebasan
Mulane aja nggumun
Rikala nyipati akeh wong umuk
Kang wicarane tansah muluk-muluk

Wulangane Bapak
Yen kepengin dolan cecawisa kesabaran
Merga ing kene tembung-tembung sengit kebak pangece
Diumbar sadawane dalan
Sapa sing beda panemu bakal diasorake
Tanpa wedi ketaman panase sawan

Ibu njangkepi
Ing kene akeh kang seneng nggunakake tetembungan langit
Tembung sing angel dimangerteni kawula alit
Ing kene basa rinengga tansah disubya-subya

Bapak lan ibu ngelingake
Ing donya iki kang duwe ngelmu sejati
Mung suket teki
Senajan diurug lan dijabel bola-bali
Dheweke tetep saguh tuwuh ngrembaka
Urip mardhika ing satengahe jaman kang saya tuwa

Baca Juga :

17 Contoh Teks Geguritan Bahasa Jawa dan Strukturnya yang Baik dan Benar

Contoh Geguritan Bahasa Jawa tentang Ibu dan Ayah 4

Pengin Ngambali Dina Wingi

Ombak kang pijer kekitrang ing sadawane gisik
Nyasmitakake lebure karang-karang kasetyan
Merga ketaman pait getiring kasunyatan
Bebarengan keprungu swarane manuk dares
Kang ndadekake swasana batin dadi ngeres
Saka gumuk kulon samudra
Papan siningite srengenge
Sabubare rampung anggene tandang gawe
Akeh tresna kang kalarung
Jalaran sesambungan tanpa jluntrung
Yen terus dijarke
Pindha ngalungi gulu nganggo lawe
Kang sawayah-wayah bisa megat nyawa saka raga
Yen nyawang langit sore kaya ngene
Aku kelingan jaman sing wis suwe
Kenangan-kenangan lungse
Bali ngebaki sirah kang kebak masalah
Upama bisa aku pengin ngambali
Dina sing wingi
Nalika ngertine mung nonton Tipi
Lan dolan menyang pantai
Tanpa ngerti rasane urip sepa
Tanpa anane tresna

Contoh Geguritan Bahasa Jawa tentang Ibu dan Ayah 5

Udan Wayah Wengi

Rikala udan wayah wengi tumiba
Seger banyune njilma dadi tamba
Tumrap rasa kapang ing dhadha
Dudu kapange priya wanita
Nanging kapange anak marang wong tuwa
Ing antarane watu-watu karang
Kang ngadeg jejeg ngadhepi pacobaning jaman
Bisa kapethik sacuwil piwulang
Ngenani kepriye carane negesi abang-birune panguripan
Lumantar tekane udan mangsa wengi
Daktitipake sethithik rasa kapang
Marang dina-dina kang wus kawuri
Ing kalane kita isih bebarengan ngrungokake tembang
Sinambi nyemak pangudarasane bumi

Contoh Geguritan Bahasa Jawa tentang Ibu dan Ayah 6

Sacuwil Cahya saka Sisih Wetan

Samungkure rembulan bali menyang paturone
Sacuwil cahya saka sisih wetan
Mratandakake panguripan anyar kawiwitan
Senajan mung sethithik
Ing tembe bakal dadi sesulihe
Minangka pepadhange jagad
Kanthi gegeman sagegem dongane
Ibu bumi lan bapa angkasa
Dalem nyuwun palilah
Kepengin ngupadi dununge rejeki
Ing kalane bun-bun esuk isih padha rerangkulan
Minangka tandha pamit sadurunge pepisahan
Petenge pedhut bakal katebas
Klawan rasa yakin lan ulete tekad
Saka bocah cubluk kang pengin nggayuh urip mulya
Kanthi gegeman lan gegaman dongane wong tuwa

Contoh Geguritan Bahasa Jawa tentang Ibu dan Ayah 7

Sabubare Udan ing Sasi Desember

Lebu sing kasirep udan sasi Desember
Ngasilake hawa anyep ing sadawaning wengi
Wengi iki lamat-lamat dakrungu swara tangis kekejer
Saka para bayi kang isih suci
Jarene angin dheweke nangis merga ibune katrem
Anggene lelayaran ing jagad maya
Nganti lali marang kewajibane kanggo nyusoni anake
Ing pikiranku si ibu lagi nglempit donya sinambi mesam-mesem
Gojek klawan mitrane ing sabrang kana
Tanpa preduli marang tangise bayine kang pengin nyecep susune

Contoh Geguritan Bahasa Jawa tentang Ibu dan Ayah 8

Dongane Ibu

Udane wis rampung, Le
Nanging aja kesusu bali
Lungguha kene ngancani ibu
Sinambi rembugan wigati
Murih reribet sajroning ati
Bisa luntur bebarengan tekane bun-bun wengi

Yen saben prahara wis pinasthi
Kena ngapa isih kudu kok tangisi
Kalane nemahi kuciwaning ati
Aja banget anggenmu nggetuni

Nalika akeh mripat wis padha turu
Pengin dikirim salembar pawarta
Marang para putra
Kang lagi padha ngumbara
Muga wae enggal kok temu
Manising madu ing uripmu
Saengga tresna kang suwe kok rantu
Enggal bisa ketemu

Contoh Geguritan Bahasa Jawa tentang Ibu dan Ayah 9

Langkah Ibu ing Subuh Dina

Nalika lintang isih gumantung ing pucuk langit
Lan ayam durung muni
Ibu wis tangi luwih dhisik
Njur nyiapake urip saka pawon sing sepi

Asape geni dadi saksi
Yen tresna ora nate butuh sora
Tangane sing wis keriput
Ngrumat nasib anak-anake kanthi sumarah

Aku mung bisa ndeleng saka adoh
Nggawa rasa kangen sing ora tau entek
Ibu ora nate ngeluh marang wektu
Nanging tansah ndonga ing saben sujudmu

Yen mengko aku wis adoh saka omah
Muga asmamu tetep dadi padhang dalanku
Amarga saben langkahku
Ana berkah saka lemesing tanganmu

Contoh Geguritan Bahasa Jawa tentang Ibu dan Ayah 10

Jejaking Bapak

Langkahmu alon, Pak
Nanging jejake jero ing atiku
Keringetmu dadi madu gesang
Kanggo nyukupi kabutuhan kulawarga

Saben tatu ing sikilmu
Ora nate mbok critakake
Saben kesel ing dadhammu
Mbok kubur ing eseman prasaja

Bapak ora akeh tembung
Nanging piwulangmu tansah lumebu
Lumantar tuladha lan tumindak
Sing luwih lantang tinimbang swara

Saiki aku ngerti, Pak
Yen kejantanan sejati
Ora ana ing swara seru
Nanging ana ing tanggung jawab sing tansah dicekel nganti mati

Contoh Geguritan Bahasa Jawa tentang Ibu dan Ayah 11

Antara Ibu lan Bapak

Ibu kaya segara
Sing sabar nampung sakabehing lara
Bapak kaya gunung
Sing jejeg ngadhepi badai lan angkara

Ibu ngelus nganggo rasa
Bapak ndhedheg nganggo daya
Loro-lorone padha mulya
Ing carane nglindhungi kulawarga

Yen aku tiba
Ibu ngrangkul kanthi luh
Yen aku bingung
Bapak nuduhake dalan nganggo arah tumuju

Ing antarane ibu lan bapak
Aku sinau arti urip lan katresnan
Yen tresna ora mung diucap
Nanging dikorbanke kanthi katulusan

Demikianlah contoh tentang geguritan bahasa Jawa tentang ibu dan ayah yang dapat Mamikos sampaikan buat kamu.

Semoga artikel ini membantumu dalam membuat geguritan bahasa Jawa tentang ibu dan ayah.

Klik dan dapatkan info kost di dekat kampus idamanmu:

The post 11 Contoh Geguritan Bahasa Jawa tentang Ibu dan Ayah Singkat Penuh Makna appeared first on Blog Mamikos.

9 Contoh Geguritan Gagrag Anyar dan Lawas Berbagai Tema Lengkap

Zuly Kristanto — Sun, 30 Nov 2025 06:49:00 +0000

Selain bahasa, sastra daerah adalah salah satu kekayaan nusantara yang harus dijaga kelestariannya. Keberadaan bahasa daerah di era globalisasi seperti saat ini mengalami pergeseran akibat semakin tergerus budaya manca negara.

Sebetulnya hal ini adalah hal yang positif karena dapat memajukan pendidikan dengan mengenal bahasa Internasional. Tetapi di sisi lain, memberikan dampak negatif terhadap pelestarian budaya dan bahasa daerah atau bahasa ibu di Indonesia.

Salah satu dampak negatifnya adalah kurangnya rasa memiliki dan kebanggan generasi muda terhadap bahasanya sendiri terutama bahasa daerah. Apabila dibiarkan saja, bukan tidak mungkin akan membuat generasi muda akan merasa asing dan bahkan lupa dengan bahasa daerahnya sendiri.

Kondisi Bahasa Daerah Hari Ini

capturenow/Eliza Alves

Baca Juga :

11 Contoh Geguritan Tema Kemerdekaan Indonesia Bahasa Jawa Singkat

Hilangnya kemampuan untuk mengenali dan menguasai bahasa ibu akan membuat seserang kehilangan identitas bangsa.

Sebab itulah, di sekolah-sekolah saat ini telah diberdayakn mata pelajaran bahasa daerah untuk mendidik siswa mencintai bahasa daerah.

Bahasa Jawa adalah salah satu bahasa daerah dengan jumlah penutur terbesar di dunia.

Bahasa jawa selain digunakan sebagai aalat komunikasi bagi masyarakat Jawa. juga dipakai dalam penciptaan sejumlah karya sastra.

Baca Juga :

15 Contoh Geguritan Tema Guru 2, 3, 4 Bait Singkat yang Menarik dan Menyentuh Hati

Salah satu karya sastra yang dapat diciptakan dengan memakai bahasa Jawa adalah geguritan yang bentuk penulisannya mirip dengan puisi dalam bahasa Indonesia.

Geguritan yang berkembang di zaman sekarang lebih dikenal atau dapat juga diartikan (sinonim) dengan puisi berbahasa bahasa Jawa gagrag anyar (modern) yang dapat ditulis secara bebas tanpa ada aturan.

Jika dilihat dari bentuk penulisannya, geguritan dibedakan menjadin dua yakni geguritan gagrag lawas dan geguritan gagrag anyar.

Di bawah ini adalah contoh perbedaan antara geguritan gagrag lawas dan geguritan gagrag anyar. Melalui contoh geguritan gagrag anyar dan lawas tersebut, kamu pasti akan tahu bedanya.

Baca Juga :

11 Contoh Geguritan Bahasa Jawa tentang Ibu dan Ayah Singkat Penuh Makna

Geguritan Gagrag Lawas

Geguritan lawas merupakan puisi jawa yang dalam penciptaannya terpengaruh dengan penciptaan sastra Jawa lama semisal kidung dan tembang baik itu tembang macapat, tembang tengahan, maupun tembang gedhe.

Ciri-cirinya

Biasanya diawali dengan ‘sun gegurit’ yang memiliki makna saya memulai menulis geguritan atau ‘sun amiwiti hanggegurit’ saya memulai menggurit.
Jumlah suku kata dalam setiap kata tetap biasanya terdiri dari 8 suku kata.
Guru lagunya menggunakan purwakanthi guru swara yang sama.
Berisi tentang piwulang atau ajaran luhur, potret terhadap suatu peristiwa, maupun ramalan akan masa yang akan datang.
Jumlah bait setiap baris tidaklah sama, biasanya paling sedikit terdiri dari lima baris.

Geguritan Gagrag Anyar

Contoh geguritan gagrag anyar merupakan puisi berbahasa Jawa yang dalam penciptaannya mendapat pengaruh sastra Indonesia.

Pengaruh ini membuat penggurit bebas melakukan eksplorasi dalam menciptakan sebuah geguritan.

Meski seorang penggurit diberikan kebebasan penuh dalam menciptakan geguritan gagrag anyar. Tetap saja ada sejumlah aturan yang tidak boleh dilanggar. Mengenai aturan yang tidak boleh dilanggar yakni

Aturan Menulis Geguritan Gagrag Anyar

Pergunakan penulisan yang sesuai dengaan ejaan bahasa Jawa yang baik dan benar
Hindari mengangkat isu SARA
Buatlah geguritan yang maksudnya bisa dipahami pembaca
Tetap pakailah bahasa yang sopan dan sesuai dengan unggah-ungguh

Contoh Geguritan Gagrag Anyar dan Lawas

Contoh Geguritan Gagrag Lawas

Contoh 1: Lebu Mangsa Ketiga

Sun gegurit

Lebu-lebu mangsa ketiga

Sing sok gawe bureme netra

Wis mancine diwasuh nganggo tirta nirmala

Supaya kita bisa nyawang samubarang kanthi trawaca

Saengga ora gampang aweh pandakwa ala

Marang sapadhaning manungsa

Muga wae kaca rasa ing dhadha

Isih bisa nampa sakehe coba

Saengga bisa nuwuhake panarima

Ing satengahe ati nelangsa

Ngadhepi cobane Kang Maha Kuwasa

Contoh 2: Luh kang Luluh

Sun gegurit

samungkure lintang ing mripatmu rubuh

dakdongakake atimu tetep kukuh

ngadhepi sakehe coba kang meksa mripatmu meres luh

samangsa kena wae batinmu ngrasa angluh

nanging aja kedlarung awit ing kene aku isih saguh

dadi susuh kang nggembol sethithik suluh

kanggo ngadhepi jaman kang tansaya gupuh

ing kalane akeh wong dodolan luh

Baca Juga :

7 Judul Novel Bahasa Jawa dan Nama Pengarangnya Lengkap

Contoh 3: Layang Marang Sumitraku

Sun amiwiti hanggurit

sumitraku tulung dirungokne

layang iki daktulis ing wanci sore

rikala udan nembe wae ngrampungake jejibahane

sawise nyawang sisa-sisa banyu udan kelangan tilase

sajak ana kang gawe kepranan atine

mula banjur daksawatake

menyang langit kang tan ana watese

menawa isih bisa daktemu wangsulan-E

kang bisa dakgunakake kanggo nglalekake

urip kang paite tansaya angel tambanane

saengga bisa daktempil manise

senajan mung sagebyare thathit suwene

sumitraku delengen kae

coba sawangen langit sisih kulon kae

ing kana isih ana kaendahan kang kumlawe

kluwung mangklung ing wanci sore sajak aweh panyaruwe

marang wong sing seneng tumindak sakarepe dhewe

kudune slirane isih bisa eling panyuwun-E

tansah tresna marang jagad saisine

Contoh 4: Tapak Lelaku

Sun gegurit

tapak langkah ing dalan sepi

kinanthi wektu sing wis kliwat

angin sore nggawa ambune kenangan

sing tau dadi suluh ing perjalanan

aku sinau saka tiba lan tangi

saka luput lan bener kang tau daklakoni

urip iki ora mung bab tekan tujuan

nanging uga bab carane nindakake lelampahan

kanthi ati kang eling lan waspada

marang piwelinge Gusti Kang Maha Kuwasa

Contoh 5: Sasmita Rasa

Sun gegurit

nalika rembulan ngambah pucuk wengi

swara suket krasa bisik-bisik

nyritakake sepi ing njero dada

kang ora tau kasumurupan liyan

aku nyandhak sepi dadi kanca

ngolah rasa ing sajroning bisu

supaya ora kecebur ing segara angkara

lan tetep bisa njaga rasa nrima

ing ngadhepi garis pepesthening urip manungsa

Contoh Geguritan Gagrag Anyar

Contoh 1: Layang saka Samudra

daktulis layang iki kalane ombak pijer lelumban

rebut dhisik ngaras wedhi-wedhi putih ing gisiking panguripan

saka sandhuwure baita daksawang owah gingsire kahanan

sanyatane reged lan resik raga

mung kabiji rikala sinawang ing netra

tanpa nate tinimbang nganggo weninge kaca rasa

mulane aja pada kaget rikala nyekseni

sesawangan kang gawe trenyuhe ati

dadi kekembangane wengi

samangsa dolana menyang pesisir

kanggo nguntabake wengi nganti wancine lingsir

saengga bisa kok sawang prau-prau kang lelayaran

ngadhepi kridhaning ombak panguripan

saka dheweke bisa kok jupuk piwulangan

ngenani kepriye carane memitran

kanggo nyirep pepinginan memungsuhan

rasakna kanthi weninge rasa

tanah wutah getih iki ora ana bedane klawan baita

sing lelayaran ing tengahe samudra

dene aku lan slirane iki mung dadi penumpange

mula supaya bisa slamet tekan papan tujuan

aku lan slirane

kudu nglereni anggene cecongkrahan

coba sawangen kayu sing kok pidak kuwi

dheweke nduweni pangaji merga gelem nyawiji

saka nyawijine kayu kuwi klawan kayu liyane

kasil kacipta baita kang migunani kanggo awake dhewe

upama wae dheweke tetep kukuh madeg dhewe

merga rumangsa luwih becik tinimbang liyane

mesthine dheweke bakal ajur kalane

ngadhepi ombak wingi sore kae

sawise nyawang kasunyatan kaya mangkono kuwi

apa sing bakal kok tindakake?

Contoh 2: Kanggo kang Rumangsa

sepira gedhene rasa bungah

sing kok rasakake, nalika sesawangan sing mulane katon endah

padha bubrah merga tumindakmu kang sawiyah

apa banjur kowe bakale rumangsa paling gagah

sawise kasil ngrusak tatanan sejarah

jaremu aja nganti kekayaane bangsa iki kajarah

dening bangsa liya kang adoh saka omah

nanging kasunyatane tumindakmu ora beda adoh klawan gajah

kang diutus njaga lestarine sawah

samesthine bakal ana bebana gedhe

kang bakal kok tampa samungkure

kembang manca warna ilang saka pekarangane

nanging elinga Gusti ora nate sare

saben-saben tumindak bakal ana piwalese dhewe-dhewe

mula tatagna atimu lan kuwatna rasamu

rikala ketman dayaning siku

samesthine uripmu saiki wis kepenak

bisa mangan sarwa enak

sarta bisa nempil wulune merak

kanggo ngusadani rasa melik para bangsa gagak

nanging kowe kudu eling, merga kekakehen lagak

katentremanmu bakale rusak

kayadene kreweng kang kapidak

wektu iki mesthine sliramu isih bisa ngguyu lakak-lakak

ing sela-selane ngombe kopi lan dolanan skak

terus-terusna anggenmu tumindak nistha

sarta gawe mubal wawa kadurakan ing alam donya

merga tumindakmu bakal merbawani

tekane satriyatama kang bakal mungkasi

sakehing denawa wujud manungsa saka salumahe bumi

sadurunge puputing wengi

rikala kowe sirna layu ilang kertaning bumi

merga kena ukume Gusti

wangine ganda mlathi

bakal mapag bumi kang bali suci

rikala wektu kuwi dumadi

mung wong kang kadunungan akal budi

kang karangkul dening ibu pertiwi

Contoh 3: Munggah saka Reruntuhan

aku ngadeg ana ing tengah reruntuhan

dudu reruntuhan omah utawa kutha

nanging reruntuhan pangajab

sing biyen tau dakbangun saka tembok-tembok percaya

wong-wong padha liwat

sawetara mung ndeleng

sawetara ngguyu alon

tanpa ngerti sepira lara sing dakgawa

nanging saka bledug lan pecahan iku

aku sinau ngadeg maneh

nyusun impen nganggo tangan gemeter

lan ngakoni yen kalah dudu pungkasan

nanging wiwitan kanggo luwih waspada marang urip

Contoh 4: Swara saka Njero Layar

driji-jariku luwih kerep nyentuh layar

tinimbang nyentuh tangan sedulurku dhewe

aku luwih apal swaramu saka rekaman

tinimbang swara tangismu sing sejatine

donya katon rame saka pojok kamar

kabeh kasedhiya ana sajroning genggaman

nanging nalika sinyal tiba

aku nemokake sejatine sepi

sing ora bisa diundhuh

lan ora bisa didol nganggo kuota

mula aku miwiti sinau maneh

ngrungokake swara manungsa

tanpa piranti

lan nyawang urip tanpa saringan

Demikianlah perbedaan mengenai geguritan gagrag anyar dan lawas disertai dengan contohnya.

Semoga artikel contoh geguritan gagrag anyar dan lawas ini menambah wawasanmu tentang dunia sastra Jawa.

Klik dan dapatkan info kost di dekat kampus idamanmu:

The post 9 Contoh Geguritan Gagrag Anyar dan Lawas Berbagai Tema Lengkap appeared first on Blog Mamikos.

Contoh Geguritan Bahasa Jawa Tentang Sekolah, Alam, dan Kebudayaan

Zuly Kristanto — Wed, 14 Jun 2023 11:59:43 +0000

Contoh Geguritan Bahasa Jawa Tentang Sekolah, Alam, dan Kebudayaan – Geguritan berbahasa Jawa merupakan salah satu genre sastra Jawa yang baru muncul pada kisaran 1900-an.

Kemunculan geguritan berbahasa Jawa ini mendapat pengaruh dari puisi dalam bahasa Indonesia.

Di awal kemunculannya geguritan berbahasa Jawa ini banyak yang mengambil tema tentang perjuangan.

Namun, seiring dengan perjalanan waktu, tema yang diambil untuk menuliskan geguritan berbahasa Jawa ini sangat beragam. Mulai dari tema tentang alam, lingkungan, sosial, kebudayaan, sekolah, asmara, dll.

Mengenal Geguritan Bahasa Jawa Lebih Dekat

https://www.kompas.id/

Jika dilihat dari teknik penulisannya, geguritan berbahasa Jawa memiliki perbedaan yang sangat mencolok dengan teknik penulisan tembang macapat.

Geguritan berbahasa Jawa dituliskan secara bebas tanpa terikat dengan aturan yang mengikat seorang penulis dalam proses penciptaannya.

Hal ini tentu sangat berbeda dengan penulisan atau penciptaan tembang macapat yang mengharuskan seorang penulis harus patuh dengan aturan yang berlaku.

Apabila kamu masih kebingungan mengenai bagaimana membuat geguritan berbahasa Jawa yang baik dan benar. Simak baik-baik contoh di bawah ini.

Contoh Geguritan Bahasa Jawa Tentang Sekolah, Alam, dan Kebudayaan

Di bawah ini adalah Contoh Geguritan Bahasa Jawa Tentang Sekolah.

Contoh Geguritan Bahasa Jawa Tentang Sekolah 1

Iki Sekolahku

Iki sekolahku

Panggonan kanggoku ngupadi ilmu

Ing kene

Bapak tuwin ibu guru medhar ngilmu

Paring pituduh

Endi sing bener lan endi sing luput

Kanthi kebak sih katresnan

Iki sekolahku

Papanku mesu dhiri

Ngupadi lan ngasah kaluwihan

Murih bisa mujudake gegayuhan

Saengga bisa gawe mongkog

Manahe bapak tuwin ibu

Iki sekolahku

Ing kene ora mung diwulang maca buku

Nanging uga diwulang

Yen manungsa iku beda-beda

Bapak tuwin ibu guru tansah ngelingake

Aja gampang nglokro lamun nemahi kegagalan

Kudu tansah semangat ngupaya

Sinau kanthi tenanan

Sarta aja tumindak sembranan

Amrih ora ngalami kapitunan

Ing tembe mburine

Baca Juga :

11 Contoh Tembang Macapat Bahasa Jawa beserta Artinya Lengkap

Contoh Geguritan Bahasa Jawa Tentang Sekolah 2

Wewangunan Tuwa

Apa sliramu isih kelingan

Marang wewangunan tuwa

Sing manggon cedhak tapel watese desa

Biyen saben esuk

Aku lan slirane

Padha tugelan rel

Ditabuh Pak Bon

Minangka tandha piwulangan

Bakal kawiwitan

Ing gedhung tilase Walanda kuwi

Aku lan slirane ajar maca

Aksara latin lan aksara Jawa

Saengga bisa dadi kaya saiki

Contoh Geguritan Tema Alam

Di bawah ini adalah contoh geguritan dengan tema alam

Contoh Geguritan Tema Alam 1

Merapi

Sliramu tansah katon gagah

Pedhut putih katon sundhul langit

Tilas tapaking lahar katon kanthi cetha

Rikala katiban cahyane srengenge

Merapi

Saumpama slirane saguh crita

Lamun ditulis mesthi dawa pindha ula

Wiwit jaman Jawa kuna

Nganti tekan jaman mardhika

Merapi

Samesthine wis akeh sing kok sekseni

Maneka owah-owahan wis kok weruhi

Esem lan tangis nyawiji dadi siji

Manunggal minangka garising Gusti

Wiwit jamane Promodyawardhani

Nganti jamane Presiden Jokowi

Merapi

Sliramu pancen ora nate lirwa ing janji

Dudu karusakan sing kok paringake

Nanging sawates nindakake wajib

Kaya kang wis didhawuhake Gusti

Baca Juga :

5 Contoh Naskah Drama Bahasa Jawa Singkat beserta Strukturnya Lengkap

Contoh Geguritan Tema Alam 2

Banjir

Swara ocehe manuk wengi

Mecah landhepe sepi

Ganda wangi kembang kegawa angin

Ndadekake adheme wengi tansaya ndadi

Ing langit katon rembulan lan lintang

Jejagongan ngrasani manungsa ing bumi

Kang isih seneng gawe polusi

Kang tansaya gawe rusake bumi

Bumi wis salin rupa

Alas akeh sing ilang dadi kutha

Kali kebak larahan

Iwak-iwak padha musna kari crita

Yen mangsa rendheng

Saben udane teka mesthi akeh waspa

Kang kutah rikala banjir nyaba kutha

Contoh Geguritan Tema Alam 3

Bun-bun Wengi

Salagine bun-bun wengi

Durung ana sing luruh

Kanggo wisuh lan masuh

Lebu kang mburemake mripat

Bakal dakgegem dakjaga kali-kali

Saka tangane manungsa

Kang seneng tumindak sakarepe dhewe

Rembulan ing langit tansah ngelingake

Beda ing sabarang kalir mujudake kodrating manungsa

Kang ora bisa diselakaki dening sapa wae

Anane beda kuwi nyatane kanggo nuduhake

Sepira gedhene kuwasan-E

Contoh Geguritan Tema Alam 4

Angin Pelabuhan

Salagine wengi iki isih dawa

Pengin dakwasuh atiku

Nganggo weninge banyu tlaga

Amrih saprotelone wengi mengko

Nalika manembah mring Gusti

Atiku tansah suci

Saka sakehing reregeding donya

Ana esem manis

Sinungging ing wengi kang tansaya atis

Senajan ora ngerti esem kuwi kanggo sapa

Nanging saben kelingan eseme

Ana rasa tentrem kang dakrasake

Muga wae

Bisa daktempil esemane

Kanggo pikuwating ati lungse

Dakakoni urip iki kebak kangelan

Pacoban teka lan lunga

Tanpa nate takon sepira gedhene lila

Sarta ora melu ngetung tetesing waspa

Kang kutah nalika dhadha

Ketaman prahara

Alun mangsa wengi bali aweh panyapa

Marang wedhi-wedhi ing gisiking segara

Kekarone rerangkulan rumaket sinambi

Negesi swaraning ati

Nalika baita-baita budhal lelayaran

Katon padha gegayuhan

Sarta donga keslametan

Saka gisiking segara bisaku

Mung saderma ngulur pandulu

Merga ora dakngerteni

Kudu menyang ngendi

Anggenku nempil sethithik kabagyan

Sajroning jaman kang kebak cecongkrahan

Contoh Geguritan Tema Alam 5

Sangisore Ombak Gedhe

Ing tepining segara kang biru

Aku lungguh dhewe nyawang ombak

Kang gulung-ginulung nuwuhake

Swasana kebak pitakonan

Sapa wonge sing ngira

Sangisore ombak

Kang saguh ngrubuhake gedhung

Ana panguripan lan sesawangan endah

Iwak-iwak lan terumbu karang kang endah

Urip tentrem ing sangisore ombak gedhe

Contoh Geguritan Tema Kebudayaan

Di bawah ini adalah contoh geguritan dengan tema kebudayaan

Contoh Geguritan Tema Kebudayaan 1

Dhawuhan

Nalika mawar lan mlathi kalarung

Siji mbaka siji

Ing iline kali cilik sapinggire

Situs menggung

Kabeh padha ndedonga

Manut kapitayane dhewe-dhewe

Esuk kuwi kabeh padha manunggal

Nyisihake sakehing pambeda

Kanthi sineksen pedhute gunung lawu

Senajan duwe beda kapitayan

Nanging kabeh padha saguh ngraketake paseduluran

Supaya katentreman iki ora kapancal

Merga tumindake manungsa kang mursal

Baca Juga :

40 Contoh Soal UTS/PTS Bahasa Jawa Kelas 3 Semester 2 dan Jawabannya 2023

Contoh Geguritan Tema Kebudayaan 2

Petilasan

Yagene isih ana sing gelem ngruwat warisan

Lila legawa ninggalake kesibukan

Kanggo genduri ing papan kinaran petilasan

Mesthine aku lan slirane

Wis padha ngerti

Ana sing luwih utawa

Saka murak sekul suci

Utawa nyuwiri ulam sari

Amarga ing kono ana panggulawentahe dhiri

Ngenani kepriye carane dadi manungsa utama

Jaman oleh wae edan

Ananging aja dadi alesan rusake seduluran

Yen isih seneng ngomong; NKRI Harga Mati

Mesthine uga gelem ngramut toleransi

Ing telenge ati

Contoh Geguritan Tema Kebudayaan 3

Pitakone Dhukun Bayi

Tangan-tangan pengkuh kang nate

Paring pitulungan tumrap para ibu

Nglairake putrane

Saiki padha sedheku

Owah gingsire jaman

Sarta anane aturan

Saka kang mengku kakuwasan

Nuwuhake panganggep yen kawruh warisan

Para leluhur kudu disingkur

Merga dianggep ketinggalan jaman

Kamangka lamun dipirsani kanthi tliti

Ora mung ngelmune para dhukun bayi

Kang kudu diupayakake murih lestari

Nanging

Anggene ngabdi marang sapadha

Sarta aweh tetulung tanpa

Sulap marang manising arta

Kudu dituladhani tekan kukute donya

Wengi iki ing pinggiring samodra

Ana mripat kaca-kaca

Nalika Dhukun bayi tuwa

Lelungguhan sinambi takon marang mega

Apa iya iki wis teka

Ing wancine kawruh kuna

Musna kauntal mangsa?

Baca Juga :

9 Contoh Novel Bahasa Jawa beserta Nama Pengarangnya Lengkap

Penutup

Demikian contoh geguritan bahasa Jawa dengan tema sekolah, alam, dan kebudayaan.

Semoga artikel ini memudahkan kamu dalam membuat dan memahami sastra Jawa yang bernama geguritan.

Klik dan dapatkan info kost di dekat kampus idamanmu:

The post Contoh Geguritan Bahasa Jawa Tentang Sekolah, Alam, dan Kebudayaan appeared first on Blog Mamikos.

9 Contoh Geguritan Bahasa Jawa Singkat Tentang Pendidikan, Sekolah, dan Alam

Fatma — Fri, 19 Aug 2022 02:31:48 +0000

9 Contoh Geguritan Bahasa Jawa Singkat Tentang Pendidikan, Sekolah, dan Alam – Berbicara mengenai budaya Jawa, ada banyak bentuk seni dan sastra di dalamnya yang masih kental dan dilestarikan.

Salah satunya yaitu geguritan bahasa Jawa yang dalam mata pelajaran terkait masih secara luas diberikan kepada para siswa.

Dapatkah kamu memberikan contoh geguritan bahasa Jawa secara singkat dengan tema yang bebas dan sesuai dengan kaidah yang ada? Kalau kamu merasa kesulitan, simak artikel ini sampai tuntas.

Mengenal Apa Itu Geguritan

unsplash.com/@marklchaves

Sebelum membahas mengenai contoh geguritan bahasa Jawa, apakah kamu sudah paham geguritan itu sendiri?

Geguritan merupakan salah satu bentuk dari media yang digunakan dalam berusaha menyampaikan ide yang dimiliki.

Geguritan sendiri berasal dari kata dasar “Gurit” yang memiliki arti “tatahan” atau “coretan”.

Geguritan berbentuk puisi yang dahulu banyak berkembang di antara para penutur untuk bahasa Jawa dan Bali.

Biasanya geguritan ini lebih lekat dan dikenal dengan tembang sehingga beberapa masyarakat mengenal geguritan dalam bentuk yang berbeda.

Saat awal berkembang, geguritan sendiri lebih seperti nyanyian dengan sajak tertentu dan banyak berkembang di daerah Bali.

Sementara itu, di Jawa sendiri makna dari geguritan ini sudah berkembang menjadi sinonim yang berbentuk puisi bebas.

Dengan kata lain, geguritan tidak terikat dengan aturan seperti sajak, metrum, maupun juga lagu yang ada.

Satu hal menarik dari geguritan yaitu ia masuk ke dalam jenis puisi Jawa modern yang digunakan dalam mengungkapkan perasaan maupun pikiran yang dimiliki oleh penyair.

Sifatnya sendiri dibuat secara imajinatif dan sampai sekarang mampu untuk menunjukkan adanya kesusastraan Jawa.

Baca Juga :

17 Contoh Teks Geguritan Bahasa Jawa dan Strukturnya yang Baik dan Benar

Contoh Geguritan Bahasa Jawa Tentang Pendidikan

Dalam menyusun geguritan, segala bentuk inspirasi atau tema bisa untuk digunakan.

Tidak jarang penyair membuat geguritan dengan tema pendidikan yang akan selalu relevan.

Berikut ini merupakan beberapa contoh geguritan bahasa Jawa dengan tema pendidikan.

1. Arti Tekamu (Karya Putri Mulyasari)

Ing petenge arah lan langkahku iki
Panjenengan dados srengenge kangge uripku
Menehi sumunar cahya kanggo kabeh pengarepan

Panjenengan madhangi lurung-lurung kang buntu
Liwat sorotan cahya kang metu saka swara lan tuturmu

Ing kelas kang ayem tentrem iki
Aku nangkep artine panguripan
Mung marang panjenengan gegayuhan dipuntaruhaken
Lan marang panjenengan pengarep kang luwih becik

Panjenengan Kang nemtokake nasib bangsa Paduka
Boten mokal kagem panjenengan
Mujudake generasi emas bangsa kang gemebyar ing pepeteng

Saben dina panjenengan nindakake kagiyatan mulya iki
rasa sabar uga rasa ikhlas ndampingi saben dina

sakabehe ing donya ora bisa mbales jasamu
yaiku jasamu kang iso nggawe bintang ing pepeteng

kita ora bisa ngganti jasamu karo opo bae
Nanging, kita bakal nggawe panjenengan bangga

Jasamu bakal kita pangeti sajrone uripku
bakal kita pengeti ing sajroning ati
lan ora bakal lebur dening puteran wektu

matur nuwun sanget, guru ingkang kula tresnani
Tanpa panjenengan bakal peteng…
lan amarga panjenengan urip dadi migunani

2. Pamulangan (Karya Budhi Setyawan)

Jare simbah aku kudu sekolah
Kareben dadi bocah genah mrenah ora nggladrah
Jare rama ibu aku kudu sregep mangkat
Kareben dadi wong pangkat urip ora kesrakat mlarat

Jare bapak ibu guru aku kudu sinau
Tambah ilmu
Kareben kelakon kabeh kang tinuju

Nanging
prakanca….
coba delengen kahanan nyata
apa isih bisa pamulangan kang ana dadekake urip tumata

pamulangan kang tanpa tuladha
pamulangan kang kasatan piwulang
pamulangan kang ngajarake angka-angka wuta
siji lan siji ana pira?

Jare anut kang duwe kersa
Jan ora weruh subasita, trapsila, apa maneh tata krama
lali dosa…
kabeh lurung binarung kumalungkung
pamrih pamuji siji
Pamulangan ora aweh pepadang

Simbah,
Nyuwun pangapunten
Kula mboten kepingin dados dokter
Jalaran duite bapak mboten wonten sakoper

Rama,
Nyadong duka
Kulo mboten kapilut drajat pangkat
Jalaran ajrih sumpahing rakyat
Kang panggah mlarat sekarat

Bapak ibu guru,
Nyuwun donga pangestu
Mugi-mugi sedaya ilmu saged dados sangu

3. Reuni (Karya Djoko Waluyo)

Sawise lawas pisah
Ketemu wis padha dadi simbah

Rambut-rambut putih, pasuryan padha malih
Pethuk gapyuk rerangkulan nyuntak sakehing rasa kapang
Ati trenyuh mripat kekembeng luh

Wor suh karo rasa bungah
Guyu-guyu renyah kaya nalika isih bocah

Dhek biyen nate dadi sakukuban
Njur padha pisah dalan, nepusi lelakone sowang-sowang

Lungit angelangut, lam-lamen jaman kesaput pedhut
Nganti wancine srengenge dhoyong ngulon
Beja, dene isih bisa sapatemon

Dhuh Gusti ingkang Maha mirah
namung saged muji Syukur Alhamdulillah
Gene isih menangi kumpule balung pisah

Baca Juga :

15 Contoh Geguritan Bahasa Jawa Singkat, tentang Pendidikan Sekolah, Alam, Lingkungan, dan Pahlawan

Contoh Geguritan Bahasa Jawa Tentang Sekolah

Tidak hanya pendidikan, geguritan juga banyak yang dibuat berdasarkan pada tema seputar sekolah.

Ada banyak hal yang bisa untuk dijadikan sebagai inspirasi berkaitan dengan sekolah itu sendiri.

Berikut ini beberapa contoh geguritan bahasa Jawa dengan tema sekolah yang bisa menjadi inspirasi.

1. Wayah Esuk (Karya Dela A.P)

Jago-jago wus padha kluruk
Adzan subuh wus keprungu
Aku banjur njupuk banyu wudhu
Sholat subuh daktindakke kanthi ikhlas

Banyu adem nalesi awakku
Ebun esuk tumetes ing lemah

Srengengene wis njedul saka etan
Para tani budhal menyang sawah
Nggawa pacul lan ubarampe

Bocah-bocah padha budhal sekolah
Numpak pit lan nyangklong tas
Ngiwati dalan sapinggire sawah
Katon asri lan endah

Swasana ayem tentrem
Ora ana keluk motor lan polusi
Hawa resik lan seger dakrasakne

2. Ruang Kelasku (Karya Yulia Wulansari)

Kelasku…
Kelas kang apik lan rapi
Bocahe pinter-pinter
Bocahe wadon yo ayu-ayu
Bocahe lanang senengane rame

Kelasku…
Bocahe gedhe-gedhe
Ana sing cendhek lan sing dhuwur

Yen wayah ora diwulang rame koyo pasar
Crita ngalor lan ngidul ora karuan
Aku seneng ing kelas

Amarga kelasku resik lan tumata
Bocahe kompaq
Nandangi apa wae kanti bebarengan

3. Kelasku (Karya Aprilia Tri Mawarni)

Kelasku…
Kelas kang resik lan apik
Kelas kang muride akeh
Kabeh muride guyup rukun
Murid kang senengane sinau

Kelasku…
Bocahe ayu-ayu
Sing lanang yo bagus-bagus
Watake beda-beda saben bocah
Nanging saben dina saben diwulang rame banget
Nganti nggawe gurune duka

Kelasku…
Ing tembok-tembok kelas
Akeh tempelan kertas asilku sinau
Akeh tulisan-tulisan sing nginspirasi aku

Kelasku…
Ngarepan kelas mesthi resik
Ora ono sampah secuil wae
Mula njero kelas hawane seger
Aku seneng manggon ing kelasku

Baca Juga :

5 Contoh Naskah Drama Bahasa Jawa Singkat beserta Strukturnya Lengkap

Contoh Geguritan Bahasa Jawa Tentang Alam

Setelah berkaitan dengan sekolah dan pendidikan, geguritan juga banyak yang membicarakan mengenai alam.

Tidak jarang para penyair memilih untuk menggunakan geguritan ini sebagai media dalam mengungkapkan keresahan yang dimilikinya.

Berikut beberapa contoh geguritan bahasa Jawa mengenai alam.

1. Merapi (Karya Puthu Aryana)

Merapi…
Saka kadohan katon gagah
Asep putih ndedel ing awiyat
Tilas dalan lahar katon cetha
Kena sunare Hyang Bagaskara

Merapi…
Saumpama kowe bisa crita
Kabeh kadadean ing tanah Jawa
Wiwit jaman Mataram Kuna
Nganti magede Kraton Ngayogyakarta

Merapi…
Sliramu anyekseni kridhaning bangsa
Wiwit nalia ngusir penjajah Walanda
Jaman mardika jaman Soekarno
Nganti jaman Soeharto
Jaman Habibie tumekaning Megawati lan Susilo
Merapi dadi saksi

2. Esuk Iki (Karya Ariesta Widya)

Angin pancen sumilir ngrajut awak
Nanging mau bengi hawane nggodha angen
Kumepyur grimis ngruwis nggawa pengarep
Mengko uda ngadhemi bumi sing ngrantu

Woh, woh, medhot rasa gumawang
Lebu sing tumemplek lumahing godhong
Durung owah gambarane

Jago kluruk sesautan ora miyak cahya srengenge
Kaya padatan njalari donya iki tangi

Donya peteng ora kawiyah sunar padhang
Ing bang wetan ngranuhi sesawangan

Kepara saiki krasa kulit anyep
Kesiram angin playon nerak-nerak sak karape
Isih binareng thathit gumerit nyigar keteg dhadha
Gordhin jendhela mobat-mabit sesalaman

Kleyang-kleyang godhong ing ngarepan
Mudal-mudal gumlethak ngebaki plataran

Godhong blimbing, jambu Bangkok, blimbing wuluh
Mosak-masik ing plataran ora kumanan kentekan semen
Got paving urunan warga gumlesah larahan pasar

Esuk iki kosok balen karo mau bengi
Panas sing sumeblak diwiyak angin adhem mabit
Njalari angin keplantrang miyaki jaman
Sing teka ora kinira miyak donya

Apa iki sasmita lumahing donya kurebing langit
Aweh panyendhu marang manungsa

Esuk lan sore singgeting dina rahina
Wengi nggarit ati miyaki leladi iku wis pinasthi
Aja ngowah-owahi lakuning lintang ing akasa
Iku luwih prayoga

3. Endahe Alam (Karya Arvie Diah Pratiwi)

Yen mandheng alam iki
Pikiran susah dadi endah
Anggugah semangat urip kangge jiwa iki
Ati pun dadi sumringah lan bungah

Yen ndeleng uwit ijo royo-royo
Awujud ciptaan sing kuasa
Lan kesucian sinar surya
Kanggo padhange dunya iki

Puji syukur matur nang Gusti Allah
Marang kaendahan isine ing bumi
Sing kudu dijaga lestariane
Tanpa ngilangake kaendahane

Baca Juga :

5 Contoh Percakapan Bahasa Jawa Halus Singkat Lengkap dengan Artinya

Itu tadi merupakan beberapa dari contoh geguritan bahasa Jawa serta pemilik karyanya yang bisa kamu pelajari seperti apa bentuk dan susunannya dengan baik.

Dari contoh yang diberikan di atas, apakah ada yang membuat kamu menjadi mendapatkan inspirasi dalam membuat geguritan bahasa Jawa sendiri?

Dalam bahasa Jawa, tidak hanya ada geguritan tetapi masih ada banyak karya sastra dan seni lainnya yang tidak kalah menarik untuk dipelajari.

Kamu bisa mencari tahu mengenai seputar bahasa Jawa yang menarik dan lebih lengkap melalui situs blog Mamikos.

Klik dan dapatkan info kost di dekat kampus idamanmu: